Wāhanga 4
He whakakitenga mā roto i a Hōhepa Mete te Poropiti ki tōna matua, a Hōhepa Mete Matua., ki Hāmoni, Penihiwheinia, Pepuere 1829.
1–4, Ka whakaorangia ngā minita a te Ariki i runga i ngā mahi māia; 5–6, Mā ngā āhuatanga Atua rātou e tika ai mō te minitatanga; 7, Me whai atu ngā mea a te Atua.
1 Nana ināianei, meake puta mai tētahi mahi whakamīharo ki waenganui i ngā tamariki a te tangata.
2 Nō reira, E koutou e tīmata atu ana i roto i te mahinga a te Atua, tirohia kia mahi ki a ia i runga katoa i ō koutou ngākau, ō koutou uaua, ō koutou hinengaro me ō koutou kaha, kia tū hē kore koutou i te aroaro o te Atua hei te rā whakamutunga.
3 Nō reira, mehemea he hiahia ō koutou kia mahi ki te Atua ka karangatia koutou ki te mahi.
4 Nana rā kua mā kē te whira kia kokotia ai; ā, titiro, ko te tangata e whakapau ai i tōna kaha ki te whiu i tana toronaihi, e whakapātakahia ana e ia kia kore ai ia e mate, engari ka whakaputaina mai te whakaoranga ki tōna wairua;
5 Ā, ko te whakapono, te tūmanako, te aroha noa me te aroha, me te whakamau hāngai atu te karu ki te korōria o te Atua, mā ēnei mea e rite ai ia mō te mahi.
6 Kia mahara te whakapono, te ngākaupai, te mōhiotanga, te ngākau whakakoromaki, te manawanui, te aroha whakateina, te atuatanga, te aroha noa, te ngākau pāpaku, te ū.
7 Inoia, ka whiwhi; pātōtōhia, ā, ka huakina ake ki a koe. Āmine.