Wāhanga 15
He whakakitenga mā roto i a Hōhepa Mete te Poropiti ki a Hōani Witima, ki Wheiete, Niu Ioka, Hune 1829 (tirohia te kōwae upoko o te wāhanga 14). He karere hohonu, ā, he karere e tino taupiri, ā, he karere tino matawhaiaro i te mea ka kōrero te Ariki i ngā mea i mōhiotia noatia ai e rāua ko Hōani Witima. Ka tū a Hōani Witima hei kaiwhakaatu, arā, tētahi o ngā Kaiwhakaatu Tokowaru mō te Pukapuka a Moromona.
1–2, Kei runga te ringa o te Ariki i te ao katoa; 3–6, Ko te kauhau i te rongopai me te whakaora wairua te mea utu nui rawa.
1 Whakarongo, e taku pononga e Hōani, ā, me whakarongo ki ngā kupu a Ihu Karaiti, tōu Ariki me tōu Kaihoko.
2 Nana rā, kei te kōrero atu nei au ki a koe i runga i te koi me te kaha, nā te mea kei runga tōku ringa i te ao katoa.
3 Ā, māku e kōrero atu ki a koe ērā mea kāore tētahi e mōhio ana, hāunga ko tāua anake—
4 Nā, he maha ngā wā i hiahia ai koe kia mōhio i ahau tērā mea e utu nui ake ana ki a koe.
5 Nana, kua manaakitia koe mō tēnei mea, ā, mō tāu kōrerotanga atu i aku kupu nāku anō i hoatu ki a koe e rite ana ki āku whakahaunga.
6 Ināianei ā, nana, ko taku kupu tēnei ki a koe, nā, ko te mea tino utu nui ki a koe, arā, ko te whakapuaki i te rīpenetātanga ki tēnei iwi, kia kukume mai koe i ngā wairua ki ahau, kia okioki ngātahi koe me rātou i roto i te kīngitanga o tōku Matua. Āmine.