Wāhanga 41
He whakakitenga mā roto i a Hōhepa Mete te Poropiti ki te Hāhi, ki Katarana, Ohaio, Pēpuere 4, 1831. Ka tohutohua e tēnei whakakitenga te Poropiti me ngā erata o te Hāhi kia inoi atu kia whiwhi ai i tā te Atua “ture” (tirohia wāhanga 42). Kātahi anō a Hōhepa ka tae atu ki Katarana mai i Niu Ioka, i “tonoa a Tuakana Hōhepa rāua ko Hirini [Rikitana] … kia noho tahi me ia, ā, māna hei whakarite whare me ngā rawa mō rāua.” Ka whakamāramahia atu e tēnei whakakitenga ko hea noho ai a Hōhepa rāuako Hirini, ā, ka karangahia ake anō hoki a Eruera Patiri kia tū ai hei Pīhopa tuatahi mō te Hāhi.
1–3, Ka whakaherehia te Hāhi e ngā erata i runga i te wairua whakakitenga; 4–6, Ka whiwhi, ā, ka puritia e ngā apataki tūturu i tā te Ariki ture; 7–12, ka whakaingoahia ake a Eruera Patiri hei pīhopa i te Hāhi.
1 Whakarongo kia rongo, E koutou e tōku iwi, e ai tā te Ariki tō koutou Atua, koutou e āhuareka nei au ki te manaaki ki te manaakitanga nui ake i ngā manaakitanga katoa, e koutou e whakarongo mai ai ki ahau; ā, ka kangaia e au te hunga e kore nei e whakarongo mai ki ahau, nā, te hunga kua kauhautia tōku ingoa i runga i ngā kanga taumaha rawa atu.
2 Whakarongo mai, E koutou e ngā erata o taku hāhi kua karangahia nei e au, nana, kei te hoatu e au tētahi whakahaunga ki a koutou, kia whakahuihui koutou i a koutou anō kia whakaae ki taku kupu;
3 Ā, mā te inoi o tā koutou whakapono ka whiwhi koutou i taku ture, kia mōhio ai koutou me pēhea e whakahaere ai taku hāhi me te whakatika i ngā mea katoa i tōku aroaro.
4 Ā, māku hei kaiwhakahaere mō koutou ina tae atu au; ā nana, kei te haere wawe atu au, ā, ka kite koutou kua puritia taku ture.
5 Ko te tangata e whiwhi nei i taku ture me te mea i a ia, koia anō taku apataki; ā, ko te tangata e mea ana kāore ia i whiwhi kāore nei ia e mahi, ehara taua mea i taku apataki, ā, ka peia atu i waenganui i a koutou;
6 Nā te mea kāore i te pai kia hoatu ngā mea nō ngā tamariki o te kīngitanga ki te hunga kāore e tika ana, ki ngā kurī rānei, ngā peara rānei kia whiua ki te aroaro o ngā poaka.
7 Hei āpiti atu, e tika ana kia hanga whare taku pononga a Hōhepa Mete, Tama., kia noho ai ki roto, ā, kia whakapākehā ai ki roto.
8 Hei āpiti atu anō, e tika ana mō taku pononga a Hirini Rikitana kia rite ki tāna e pai ai, ki te mea ka pupuri ia i aku whakahaunga.
9 Hei āpiti anō, kua karangatia taku pononga a Eruera Patiri; ā, ka hoatu e au tētahi whakahaunga, nā, me whakatū ia i runga i te reo o te hāhi, ā, kia whakamanangia hei pīhopa i te hāhi, kai whakarērea ana taonga hokohoko me te whakapau i ōna wā ki ngā mahi a te hāhi;
10 Kia kite ai i ngā mea katoa kia rite ki ngā mea e hoatu ai ki a ia i roto i aku ture.
11 Ā, ka pēnei i te mea he mā tōna ngākau i tōku aroaro, nā te mea he rite ia ki a Natanira onamata, kāore ōna tinihanga.
12 Kua hoatu ēnei kupu ki a koutou, ā, he mea mā i tōku aroaro; nā reira, kia tūpato me pēhea tāu pupuri i ēnā, nā te mea ka whakautu iho ki runga i ō koutou wairua hei te rā whakawā. Koia anō. Āmine.