1 Nana, pēnei tā te Ariki ki taku pononga a Hōani Mūtaka—kua karangatia koe kia haere atu ki ngā whenua whakaterāwhiti, mai i tētahi whare ki tētahi whare, mai i tētahi papakāinga ki tētahi papakāinga, mai i tētahi pā ki tētahi pā, ki te whakapuaki i taku rongopai mau tonu ki ngā tāngata e noho noho ana ki reira, i roto pū i te whakatoinga me te whakarihariha.

2 Ā, ko te tangata e whakawhiwhi nei i a koe koia hoki te mea e whakawhiwhi nei i ahau; ā, i a koe hoki te mana ki te whakapuaki i taku kupu i runga i te whakaaturanga atu o taku Wairua Tapu.

3 Ā, ko te tangata e whakawhiwhi nei i a koe me te mea nei he tamaiti nohinohi, koia e whakawhiwhia taku kīngitanga; ā, kua manaakitia rātou, nā te mea ka whai aroha rātou.

4 Ā, ko te tangata e whakaparahako nei i a koe koia hoki te mea e whakaparahakongia e tōku Matua me tana whare; ā, māu ō waewae e horoi i roto i ngā wāhi huna o te huanui, hei mea whakaatu ki a rātou.

5 Ā nana, titiro, kei te haere wawe mai au ki te whakawā, ki te whakapakepake i te katoa mō ā rātou mahi kino kua meatia nei ki ahau, kua tuhituhia nei e au i roto i te pukapuka.

6 Ināianei ā, he pono tāku e mea atu nei ki a koe, nā, ehara i te mea e tika pū ana kia haere ake koe i mua i te wā kua rite ngā mea mō āu tamariki, ā, kua tonoa atu āu tamariki i runga i te aroha ki te pīhopa o Hīona.

7 Ā, hei muri iho i ngā tau ruarua, ki te hiahia koe i ahau, māu hoki e haere ake ki te whenua pai, ki te rapu i tō taonga tuku iho;

8 Ki te kore ka hono tonu tō kauhautanga i tōku rongopai tae atu ki tō tangohanga atu. Āmine.