Wahanga 91
He whakakitenga i homai ma roto i a Hohepa te Matakite, i Katarana, Takiwa o Keuka, Ohaio, i a Maehe 9, 1833.
1. He pono ko te kupu tenei a te Ariki ki a koutou mo te Apokiriwha (Apocrypha), ara he nui nga mea o roto i taua mea e pono ana, a ko te wahi o tona whakamaoritanga e tika ana;
2. Otira, he maha ano nga mea kei roto kahore i te tika, a ko aua wahi he mea hoatu na te ringaringa tangata.
3. He pono taku e mea atu nei ki a koutou, kahore he tikanga e whakamaoritia ai te Apokoriwha.
4. No reira, ko ia e korero ana, kia matau ia, ko te Wairua hoki mana e whakaatu te mea pono;
5. A ko te tangata e riro ana ma te Wairua ia e whakamarama, ka whiwhi ki te pai o aua mea;
6. Tena ko te tangata e kore e riro ma te Wairua e whakamarama, e kore e whiwhi ki te pai, no kona kahore he tikanga e whakamaoritia ai aua mea. Amine.