Wāhanga 26
He whakakitenga ki a Hōhepa Mete te Poropiti rātou ko Oriwa Kautere, ko Hoani Witima, ki Hāmoni, Penihiwheinia, Hurae 1830 (tirohia te kōwae upoko o te wāhanga 24).
1, I whakahaua rātou kia rangahaua ngā karaipiture me te kauhau; 2, Ka whakakūngia te ture whakaaetanga whānui.
1 Nana, ko taku kupu tēnei ki a koutou, nā, me whakapau e koutou ō koutou wā ki te rangahau i ngā karaipiture, me te kauhau, me te whakaū i te hāhi ki Kourawira, me te mahi i āu mahi i runga i te whenua, kia rite ki tērā mea e tika ana, tae noa ki te wā e haere atu ai koutou ki te uru kia whakatū ai te huihuinga whānui o te hāhi katoa e whai ake nei; kātahi ka whakamōhiotia atu he aha hei mahi mā koutou.
2 Ā, ka meatia ngā mea katoa i roto i te hāhi i runga i te tikanga o te whakaaetanga whānui, mā te inoi nui me te whakapono, nā te mea ka whiwhi koutou i ngā mea katoa i runga i te whakapono. Āmine.