Wāhanga 92
He whakakitenga ki a Hōhepa Mete te Poropiti, ki Katarana, Ohaio, Maehe 15, 1833. E tohutohu ana te whakakitenga i a Whererika T. Wiremu, te mea kātahi anō ka whakatūria hei kaikaunihera ki a Hōhepa Mete, e pā ana ki āna mahi i roto i te Kamupene o te Kotahitanga (tirohia ngā kōwae upoko ki ngā wāhanga 78 me 82).
1–2, Ka hoatu e te Ariki tētahi whakahaunga e pā ana ki te urunga atu ki roto ki te ritenga o te kotahitanga.
1 He pono, pēnei tā te Ariki, kei te hoatu e au ki te ritenga o te kotahitanga, kua whakaritea e hāngai atu ana ki te whakahaunga kua hoatu i mua, he whakakitenga, ā, he whakahaunga e pā ana ki taku pononga a Whererika T. Wiremu, kia whakawhiwhia ia ki roto i te ritenga. Ko tāku e mea atu nei ki te tangata kotahi e mea ana hoki au ki te katoa.
2 Hei āpiti anō, ko taku kupu tēnei ki a koe e taku pononga e Whererika T, Wiremu, māu hei mema kaha i roto i tēnei ritenga; ā, ki te mea ka ū koe ki te pupuri i ngā whakahaunga katoa o mua ka manaakitia koe mō āke tonu atu. Āmine.