Wāhanga 86
He whakakitenga mā roto i a Hōhepa Mete te Poropiti, ki Katarana, Ohaio, Tīhema 6, 1832. I whiwhi tēnei whakakitenga i te Poropiti e arotake ana, e etita ana i te whakapākehātanga tōmua o te Paipera.
1–7, Ka kōrerotia e te Ariki te tikanga o te paki huatau mō te wīti me ngā taru kino; 8–11, Ka whakamāramahia e ia ngā manaakitanga o te tohungatanga ki te hunga whiwhi i raro i te ture e rite ana ki tā te kikokiko.
1 He pono, e ai tā te Ariki ki aku pononga, e pā ana ki te paki huatau mō te wīti me ngā taru kino:
2 Nana, he pono tāku e mea atu nei, ko te whira te ao, ā, ko ngā āpōtoro ngā kairuirui kākano;
3 Ā, ina warea rātou ki te moe, ka noho mai te kaiwhakatoi nui i te hāhi, te kaiwhakaparahako, te wahine pūremu, ko Papurona pū anō, e meatia ai ngā iwi katoa kia inu i tana kapu, i roto hoki i ngā ngākau o te hoariri, ko Hātana pū anō–nanakei te ruirui ia i ana taru kino; nā reira, ka tarona te wīti e ngā taru kino, ā, ka āia atu te hāhi ki roto i te koraha.
4 Engari nana, hei ngā rā whakamutunga, arā, ko nāianei pū anō i te Ariki e tīmata ana ki te whakaputa mai i te kupu, ā, kei te pihi ake te rau, heoi, e ngāwari tonu ana–
5 Nana, he pono tāku e mea atu nei ki a koutou, kei te karanga atu ngā anahera ki te Ariki i te ao, i te pō, e noho tatari ana kia tonoa atu kia kokoti i ngā whīra;
6 Engari ko tā te Ariki e mea atu nei ki a rātou, kaua e hutia ake ngā taru kino i te mea e ngāwari ana (nā te mea he pono hoki he ngoikore tō koutou whakapono), kei whakangaro koutou i te wīti anō hoki.
7 Nōi reira, tukuna te wīti me ngā taru kino kia tupu ngātahi kia paakri katoa ai mō te kotinga; kātahi koutou ka kohikohia mai te wīti i roto i ngā taru kino, ā, whai muri iho i te kohikohinga o te wīti, nana titiro, kua paiheretia ngā taru kino i ngā pūranga, ā, ka waihotia te whīra kia tahuna.
8 Nō reira, pēnei tā te Ariki ki a koutou, kua hono tonu nei te Tohungatanga ki roto i te whakapapa o ō koutou matua–
9 Nā te mea he kaiwhiwhi koutou e rite nei ki tā te kikokiko, ā, kua hunaia i te ao me te Karaiti i roto i te Atua–
10 Nō reira kua toitū tō koutou oranga me te Tohungatanga, ā, e tika pū ana kia hono tonu i roto i a koutou me tō koutou whakapapa tae noa atu ki te whakahokinga mai o ngā mea katoa kua kōrerotia ake nei e ngā māngai o ngā poropiti tapu mai i te tīmatanga rā anō o te ao.
11 Nō reira, kua manaakitia koutou ki te ū tonu i roto i tōku painga, he māramatanga ki ngā Tauiwi, i roto hoki i te pirhitanga, he kaiwhakaora ki taku iwi a Iharaira. Kua kōrerotia ake nei e te Ariki. Āmine.