Wāhanga 60
He whakakitenga mā roto i a Hōhepa Mete te Poropiti, ki Inipenetana, Takiwā o Tiakimana, Mītori, Akuhata 8, 1831. I tēnei wā, i te hiahia ngā erata i haere atu ai ki te Takiwā o Tiakimana, te hunga hoki i tautoko i te whakatapunga o te whenua e tū ai te temepara kia mōhio ai me aha rātou.
1–9, Me kauhau atu ngā erata i te rongopai ki ngā whakaminenga whakarihariha; 10–14, Me kaua e moumou i a rātou ō rātou wā, e tanu rānei i ō rātou pūkenga; 15–17, E taea ana e rātou te horoi i ō rātou waewae hei whakaaturanga ki te hunga e whakaparahako i te rongopai.
1 Nana, pēnei tā te Ariki ki ngā erata o tana hāhi, me hoki wawe atu rātou ki te whenua i haere mai ai rātou: Nana, e pai ana ki ahau, nā, kua haere mai koe ki konei;
2 Engari, kāore au e pai ana ki ētahi, nā te mea kāore rātou e whakatūwhera i ō rātou māngai, engari kei te huna i a rātou ngā pūkenga kua hoatu nei e au ki a rātou, he mea nā te wehi ki te tangata. Auē te mate mō te hunga pērā, nā te mea kei te mura tōku riri ki a rātou.
3 Ā, ka pahawa ake, ki te kore e kaha ake tō rātou ū ki ahau, ka tangohia atu, ko ngā mea pū anō kei a rātou.
4 Nā te mea ahau, te Ariki, e kīngi ana i ngā rangi i runga, me ngā tauā o te whenua; ā, hei roto i te rā ina tīkina ake e au aku taonga tongarerewa, ka mōhio ngā tāngata katoa he aha tēnei e whakaatu mai ana i te mana o te Atua.
5 Engari, he pono, ka kōrero atu au ki a koutou e pā ana ki tā koutou haerenga ki te whenua i ahu mai ai koutou. Tukua kia hangaia ake tētahi waka, kia hokona rānei, kia rite ki te mea e pai ai ki a koutou, kāore he aha ki ahau, me te haere wawe atu ki te wāhi e kīa nei ko Hato Ruihi.
6 Ā, mai i reira tukua aku pononga, a Hirini Rikitana, ko Hōhepa Mete., Tama rātou ko Oriwa Kautere, kia haere rātou ki Hinihinati;
7 Ā, i tēnei wā tukua rātou kia hīkina ake tō rātou reo me te whakapuaki i taku kupu i runga i te reo kaha, kāore he riri, kāore rānei he rangirua, e hāpai ake ana i ngā ringaringa tapu ki runga ki a rātou. Nā te mea e taea ana koe e au te whakatapu, ā, kua murua ō koutou hara.
8 Ā, tukua te toenga kia haere atu i Hato Ruihi, takirua atu, ki te kauhau i te kupu, kaua e whāwhai, ki waenganui i ngā whakaminenga o te hunga whakarihariha, kia hoki ake rātou ki ngā hāhi i ahu mai ai rātou.
9 Ā, koinei katoa hei painga mō ngā hāhi; mō tēnei take i tonoa rātou e au.
10 Ā, tukua taku pononga a Eruera Pātiri kia tohaina atu te moni kua hoatu nei e au ki a ia, tētahi wāhi ki aku erata kua whakahaua kia hoki atu;
11 Ā, ko te tangata e taea ana, tukua ia kia whakahokia mā te kaiwhakarite; ā, ko te tangata kāore e taea ana, kaua e rapua i a ia.
12 Ināianei ā, kei te kōrero atu au mō te toenga e haere mai ai ki tēnei whenua.
13 Nana, kua tonoa rātou ki te kauhau i taku rongopai ki waenganui i te hunga whakarihariha; nā reira, ka hoatu e au ki a rātou tētahi whakahaunga, pēnei: Kaua koe e moumou atu i a koe ō wā, kaua rānei e tanu i ō pūkenga kia kore ai e kitea.
14 Ā, whai muri iho i tō haerenga mai ki te whenua o Hīona, ā, kua whakapuakina ake taku kupu, me hoki wawe atu koe, e whakpuaki ana i taku kupu ki waenganui i ngā whakaminenga whakarihariha, kaua i runga i te whāwhai, kaua rānei i runga i te riri, i te tohetohenga rānei.
15 Ā, rukea atu te puehu i ō waewae ki te hunga e kore nei e whiwhi i a koe, ki ō rātou aroaro, kei whakapātari koe i a rātou, engari kia huna; ā, horoia ōu waewae, hei whakahē i a rātou hei te rā whakawā.
16 Nana, kāti ake tēnei mō koutou, me te hiahia o te mea nāna nei koe i tono.
17 Ā, mā te māngai o taku pononga a Hōhepa Mete, Tama., e whakamōhio atu e pā ana ki a Hirini Rikitana rāua ko Oriwa Kautere. Whai muri iho ko te toenga. Koia anō. Āmine.