Wāhanga 13
He kaponga mai i te hītori a Hōhepa Mete e taki ana i te whakamananga o te Poropiti rāua ko Oriwa Kautere ki te Pirihitanga a Arona e tata atu ana ki Hāmoni, Penihiwheinia, Mei 15, 1829. I meatia te whakamananga e ngā ringaringa o tētahi anahera i whakapuakina mai ko tōna ingoa ko Hōani, taua Hōani anō i whakaingoatia nei ko Hōani te Kairumaki i roto i te Kawenata Tawhito. I whakamāramatia nei e te anahera i te mahi ia i raro i ngā tohutohu o Pita, Hēmi me Hōani, ngā Āpōtoro onamata, i mau nei i a rātou ngā kī o te pirihitanga teitei ake, i karangatia nei ko te Pirihitanga o Merekihereke. I tukuna atu tēnei kupu whakaari ki a Hōhepa Mete rāua ko Oriwa e mea ana, hei tōna wā ka whakatauhia iho tēnei tohungatanga teitei ki runga i a rāua. (Tirohia te wāhanga 27:7–8, 12.)
Ka whakatakotohia iho ngā kī me ngā mana o te Pirihitanga a Arona.
1 I runga i te ingoa o te Mīhaia, ka whakatau iho au i te Pirihitanga o Arona ki runga ki a kōrua e aku pononga, e mau nei ngā kī o te minitatanga o ngā anahera, me te rongopai o te rīpenetātanga, me te rumakitanga hei murunga hara; ā, e kore rawa tēnei e tangohia atu anō i te ao, tae noa ki te wā e tāpaea iho anō e ngā tama a Rewi tētahi tāpaetanga ki te Ariki i runga i te tika.