Wāhanga 79
He whakakitenga mā roto i a Hōhepa Mete te Poropiti, ki Hairama, Ohaio, Maehe 12, 1832.
1–4, Kua karangatia a Iarere Kāta ki te kauhau atu i te rongopai he mea nā te Kaiwhakaaio.
1 He pono tāku e mea atu nei ki a koutou, nā, ko tāku e pai ai kia haere atu anō taku pononga a Iarere Kāta ki roto ki ngā whenua whakaterāwhiti, mai i tētahi wāhi ki tētahi wāhi, ā, mai i tētahi pā ki tētahi pā, i runga i te mana o te whakamanatanga nā konā kua whakamanaia ia, e whakapuaki atu ana i ngā rongo whakahari o te koa nui, arā, ko te rongopai mau tonu pū anō.
2 Ā, ka tonoa atu e au te Kaiwhakaaio ki runga ki a ia, e whakaako ai i a ia te pono me te huarahi e haere ai ia;
3 Ā, ki te mea ka ū tonu ia, māku ia e karauna anō ki ngā paihere.
4 Nā reira, tukua tō ngākau kia hari, e taku pononga e Iarere Kāta, kaua e wehi, e ai tā te Ariki, ko Ihu Karaiti pū anō. Āmine.