Wāhanga 32
He whakakitenga mā roto i a Hōhepa Mete te Poropiti ki a Pāri P. Parata rāua ko Hipa Pitihana, ki Maniheta, Niu Ioka, i te tīmatanga o Oketopa 1830. He nui ngā whakaaro me ngā hiahia i roto i ngā erata e pā ana ki ngā Rāmana, he mea nā tō rātou ako i ngā manaakitanga i whakaaria ai ki a rātou i roto i te Pukapuka a Moromona. Nā konā, ka inoi ake ki te Ariki mehemea ko Tana hiahia kia tukuna atu ai ngā erata ki ngā iwi Taketake i te Uru. Kātahi ka puta mai tēnei whakakitenga.
1–3, Ka karangatia a Pāri P. Parata rāua ko Hipa Pitihana ki te kauhau i te rongopai ki ngā Rāmana me te haere tahi me Oriwa Kautere rāua ko Pita Witima Tama.; 4–5, Me inoi rātou kia mārama ai ki ngā karaipiture.
1 Ināianei ā, mō taku pononga a Pāri P. Parata, nana, ko taku kupu tēnei ki a ia, e ora ana ahau, kei te hiahia ahau kia whakapuaki atu ia i taku rongopai, ā, kia whakaakona hoki e ahau, ā, kia māhaki, ā, kia ngākau pāpaku.
2 Ā, ko tāku i whakatau atu ai ki a ia, arā, kia haere tahi me aku pononga, a Oriwa Kautere rāua ko Pita Witima, Tama., ki roto i te koraha ki waenganui i ngā Rāmana.
3 Ā, ka haere anō hoki a Hipa Pitihana me rātou; ā, ka haere ahau ake anō me rātou, ā, kei tō rātou aroaro ahau; ā, ko au tō rātou kaitakawaenga ki te Matua, ā, e kore e taea rātou e tētahi mea.
4 Ā, ka aro atu rātou ki ērā mea kua tuhituhia nei, ā, kaua hoki e whakataruna kua whiwhi i tētahi atu whakakitenga; ā, ka hono tonu tā rātou inoi kia huraina atu e au te māramatanga mō aua mea ki a rātou.
5 Ā, ka aro mai rātou ki ēnei kupu, ā, kaua e whakaaro he mea kore noa iho, kātahi au ka manaaki i a rātou. Āmine.