Wāhanga 37
He whakakitenga ki a Hōhepa Mete te Poropiti rāua ko Hirini Rikitana, e tata ana ki a Wheiete, Niu Ioka, Tīhema 1830. I konei tukuna mai ai te whakahaunga tuatahi e pā ana ki tētahi whakahuihuinga i tēnei rautau.
1–4, Ka karangatia te Hunga Tapu kia hui tahi ki Ohaio.
1 Nana, ko taku kupu tēnei ki a kōrua, nā, ehara i te tika pū i roto i ahau kia whakapākehā atu anō kia haere atu kōrua ki te Ohaio, ā, pēnei nā te hoariri, he whakaaro hoki ki a kōrua.
2 Hei āpiti anō, ko taku kupu tēnei ki a kōrua, nā, e kore kōrua e haere kia oti i a kōrua te kauhau atu i taku rongopai ki aua wāhi, me te whakakaha hoki i te hāhi i ngā wāhi katoa kei reira ia, i Kourawira pū anō; nana rā, e inoi mai ana rātou ki ahau i runga i te whakapono nui.
3 Hei āpiti anō, ka hoatu e au tētahi whakahaunga ki te hāhi, nā, he mea tika pū i roto i ahau kia hui tahi ai rātou ki Ohaio, hei whakatakatū mō te wā e hoki atu anō taku pononga a Oriwa Kautere ki a rātou.
4 Nana, anei taku mātauranga, ā, mā ia tangata, mā ia tangata e whiriwhiri mōna anō tae noa ki taku haerenga mai. Koia anō. Āmine.