Wāhanga 80
He whakakitenga mā roto i a Hōhepa Mete te Poropiti ki a Tiwini Punete, ki Hairama, Ohaio, Maehe 7, 1832.
1–5, Ka karangatia ake a Tiwini Panati rāua ko Erene Mete ki te kauhau ki ngā wāhi katoa e kōwhiria nei e rāua.
1 He pono tā te Ariki ki a koe e taku pononga e Tiwini Panati: Haere koe, haere koe ki roto ki te ao me te kauhau i te rongopai ki ngā mea katoa e tau iho ki raro i te tangi o tōu reo.
2 Ā, ki te hiahia koe ki tētahi hoa, māku taku pononga a Erene Mete e hoatu ki a koe.
3 Nā reira, haere kōrua ki te kauhau i taku rongopai, ahakoa ki te raki, ki te tonga rānei, ki te rāwhiti, ki te uru rānei, kāore he take ki ahau, nā te mea kua kore e hē tā kōrua haere.
4 Nō reira, whakapuakina atu ngā mea kua rangona e kōrua, ā, e tino whakapono ana hoki, ā, e mōhio ana he pono.
5 Nana, koinei te hiahia o te mea nāna kōrua i karanga, tō kōrua Kaihoko, ko Ihu Karaiti pū anō.