1 Ko te Kupu Whai Mātauranga, hei painga mō te huihuinga pirihi teitei, kua whakahuia ki Katarana, mō te hāhi hoki, mō ngā hunga tapu anō hoki i Hīona—

2 Me tuku atu tētahi mihi aroha; ehara i te mea mā runga i te whakahaunga, i runga rānei i te ture, engari mā runga i te whakakitenga me te kupu whai mātauranga, e whakaatu atu ana i te ritenga me te hiahia o te Atua i te whakaoranga ā-tīnana o te hunga tapu katoa i ngā rā whakamutunga—

3 He mea hoatu hei tikanga e āpiti mai anō tētahi kupu whakaari, e hāngai ana ki ngā mea e taea ai e te hunga ngoikore me te hunga tino ngoikore ake o te hunga tapu katoa, ko te hunga e taea te kī he hunga tapu rātou.

4 Nana, he pono, pēnei tā te Ariki ki a koutou: I te mea hei utu mō ngā kino me ngā rautaki e ai ana, ka ai hoki i roto i ngā ngākau o ngā tāngata tinihanga i ngā rā whakamutunga, kua whakatūpatoria koutou e au, ā, e whakatūpatoria koutou i mua, mā te hoatu ki a koutou tēnei kupu whai mātauranga mā runga i te whakakitenga—

5 Nā, ki te mea ka inu tētahi tangata i te wāina, i te inu kaha rānei i waenganui i a koutou, nana ehara tērā i te pai, ehara rānei i te pai i te tirohanga a tō koutou Matua, hāunga ia i ngā wā e huihui ana koutou i a koutou anō ki te tāpae ake i ō koutou hākarameta i tōna aroaro.

6 Ā, nana, me whakarite tēnei hei wāina, āe rā, hei wāina whakananu kore nō te kerepe o te wāina, he mea nā koutou ake anō i whakamahi.

7 Ā, hei āpiti anō, kāore ngā inu kaha i te mea mō te puku, engari mō te horoinga kē i ō koutou tīnana.

8 Hei āpiti anō, kāore te tupeka i te mea mō te tīnana, mō te puku rānei, ā, kāore e pai ana mō te tangata, engari kē he māhuri rongoā mō ngā mate marū, mō ngā kau māuiui katoa hoki, he mea hei mahi i runga i te whakaaro nui me te mōhio.

9 Hei āpiti anō, kāore ngā inu wera i te mea mō te tīnana, mō te puku rānei.

10 Hei āpiti anō, he pono tāku e mea atu nei ki a koutou, kua whakamanaia ngā māhuri rongoā pai katoa e te Atua mō te oranga, āhuatanga, me te whakamahinga a te tangata—

11 Ko ngā māhuri rongoā i tōna ake anō wā, me ngā huarākau katoa i tō reira wā; me āta whakamahi ēnei mea katoa i runga i te āta whakaaro me te whakawhetai.

12 Āe rā, ko te kikokiko hoki o ngā kararehe me ngā manu o te rangi, nāku, nā te Ariki i whakamana hei mahinga mā te tangata i runga i te wairua whakawhetai; hei aha koa me iti te kai i aua mea;

13 Ā, he āhuareka ki ahau kia kaua e whakamahia aua mea, i ngā wā anake o te takurua, o te makariri rānei, o te korekai rānei.

14 Kua whakamanaia ngā kākano katoa hei whakamahinga mā te kararehe, hei tokotoko o te oranga, ehara noa mā te tangata anake, me ngā manu o te rangi, me ngā kararehe mohoao katoa e oma ana, e ngōki ana rānei i runga i te whenua;

15 Ā, koinei ngā mea i hangaia ake ai e te Atua hei mahinga mā te tangata i roto anake i ngā wā korekai me ngā wā nihoroa.

16 He mea pai ngā kākano katoa hei kai mā te tangata; pērā hoki i te hua o te wāina; ko taua mea e puta ana i ngā hua, ahakoa kei roto i te whenua, kei runga rānei i te whenua—

17 Hei aha koa, he wīti mō te tangata, ā, he kānga mō te okiha, ā, he oti mō te hōiho, ā, he rai mō ngā manu me ngā pōaka, me ngā kararehe katoa o te pārae, ā, ko te pāre ia mā ngā kararehe pai katoa, ā, mō ngā inu ngāwari, pērā i ētahi atu kākano.

18 Ā, ko te hunga tapu katoa e mahara ana ki te pupuri me te mahi i ēnei meatanga, e hīkoi ana i runga i te ngohengohe ki ngā whakahaunga, ka whiwhi ki te ora i ō rātou pito, me te roro i roto i ō rātou wheua;

19 Ā, ka kitea e rātou te mātauranga me ngā taonga nui o te mōhioranga, āe rā, ko ngā taonga pū anō kua hunaia;

20 Ā, ka oma e kore e ngenge, ā, ka hīkoi e kore e hemo.

21 Ā, ka hoatu e au, e te Ariki, tētahi kupu whakaari ki a rātou, nā, ka tōhipa atu te anahera whakangaromanga i a rātou, pērā i ngā tamariki a Iharaira, ā, e kore e whakamate i a rātou. Āmine.