Wāhanga 83
He whakakitenga mā roto i a Hōhepa Mete te Poropiti, ki Inipenehana, Mītori, Aperira 30, 1832. I whiwhi i tēnei whakakitenga i te Poropiti e noho ana me ana teina.
1–4, Kua whai kereme ngā wāhine me ngā tamariki ki runga ki ā rātou hoatāne me ō rātou matua hei oranga mō rātou; 5–6, Kua whai kereme ngā pouaru me ngā pani ki runga i te Hāhi hei oranga mō rātou.
1 He pono, e ai tā te Ariki, hei āpiti atu ki ngā ture o te hāhi e pā ana ki ngā wāhine me ngā tamariki, te hunga nō te hāhi, kua mate ā rātou hoatāne me ō rātou matua:
2 Kua whai kereme ngā wāhine ki runga ki ā rātou hoatāne hei oranga mō rātou, kia tangohia atu ā rātou hoatāne; ā, ki te kore rātou e kitea hei mea hara ka whaihoa rātou i roto i te hāhi.
3 Ā, ki te kore rātou e pono e kore rātou e whaihoa i roto i te hāhi; heoi, tērā pea ka noho ki runga ki ō rātou mea tuku iho e rite ana ki ngā ture o te whenua.
4 Kua whai kereme ngā tamariki katoa ki runga ki ō rātou mātua hei oranga mō rātou tae rā anō ki te wā e pakeke ake rātou.
5 Whai muri iho i tērā, kua whai kereme rātou ki runga i te hāhi, kia kī pēnei kē, ki runga i te pātaka o te Ariki, mehemea kāore ō rātou mātua e whai mea ana hei hoatu taonga tuku iho mō rātou.
6 Ā, ka puritia te pātaka e ngā whakatapunga o te hāhi; ā, ka whāngaia ngā pouaru me ngā pani, me te hunga rawakore anō hoki. Āmine.