Wāhanga 68
He whakakitenga mā roto i a Hōhepa Mete te Poropiti, ki Hairama, Ohaio, Noema 1, 1831, hei whakautu i tētahi inoi kia whakamōhiotia te hinengaro o te Ariki e pā ana ki a Orihana Haiti rātou ko Ruka H. Teonihana, ko Raimana E. Teonihana, ko Wiremu E. Makiririni. Ahakoa e hāngai atu ana tētahi wāhanga o tēnei whakakitenga ki ēnei tāngata tokowhā, e hāngai atu ana te nuinga o ngā kōrero ki te Hāhi katoa. I whakawhānuitia atu tēnei whakakitenga i raro i tā Hōhepa Mete tohutohu i te wā i whakaputaina ake i te terenga 1835 o te Whakaakoranga me ngā Kawenata.
1–5, He karaipiture ngā kupu a ngā erata ina meatia e te Wairua Tapu; 6–12, Me kauhau, ā, me rumaki ngā erata, ā, ka whaiwhai ngā tohu i te hunga whakapono tūturu; 13–24, E taea ana e te mātāmua o ngā tama a Arona hei Pīhopa Whakahaere (koia, ko te pupuri i ngā kī whakahaeretanga i a ia e pīhopa ana) i raro i te whakahaeretanga o te Tumuakitanga Tuatahi; 25–28, Kua whakahaua ngā mātua ki te whakaako i te rongopai ki ā rātou tamariki; 29–35, Me ū te Hunga Tapu ki te Hāpati, me mahi kaha, ā, me inoi.
1 I karangatia ake taku pononga a Orihana Haiti e tana whakamanatanga ki te whakapuaki atu i te rongopai mau tonu, mā te Wairua o te Atua ora, mai i tētahi iwi ki tētahi iwi, mai i tētahi whenua ki tētahi whenua, i roto i ngā whakaminenga o te hunga kino, i ō rātou whare karakia, e kōrero tahi ana, ā, e whakamārama atu ana i ngā karaipiture katoa ki a rātou.
2 Ā, nana, titiro, he tauira tēnei mō te hunga katoa i whakamanaia ake ki tēnei tohungatanga, kua whakataua atu tōna mīhana ki a rātou kia haere atu—
3 Ā, koinei te tauira ki a rātou, nā, me kōrero rātou i a rātou e ākina ana e te Wairua Tapu.
4 Ā, he karaipiture ngā mea katoa e kōrero ai rātou i te wā e ākina ana e te Wairua Tapu, ka ai ia ko te hiahia a te Ariki, ka ai ia ko te hinengaro o te Ariki, ka ai ia ko te kupu a te Ariki, ka ai ia ko te reo o te Ariki, me te mana o te Atua ki te whakaoranga.
5 Nana, koinei te whakaari a te Ariki ki a koutou, E koutou e aku pononga.
6 Nā reira, kia hari, ā, kaua e wehi, nā te mea kei a koutou ahau, te Ariki, ā, ka tū i tō taha; ā, ka whakaatu atu koutou mōku, ko Ihu Karaiti pū anō, nā, ko au te Tama a te Atua ora, i pērā au, kei te pērā au, ā, ka pērā au a muri ake nei.
7 Koinei te kupu a te Ariki ki a koutou, e taku pononga e Orihana Haiti, ki a koe hoki taku pononga e Ruka Teonihana, ki a koe hoki taku pononga e Raimana Teonihana, ki a koe hoki e taku pononga e Wiremu E. Makiririni, ki ngā erata pono katoa o taku hāhi—
8 Haere atu ki te ao katoa, kauhautia te rongopai ki ngā mea katoa, e mahi ana i runga i te mana kua hoatu nei e au ki a koutou, e rumaki ana i runga i te ingoa o te Matua, me te Tama, me te Wairua Tapu.
9 Ā, ka whakaorangia te tangata e rumakina ai, ā, e kore te tangata e whakapono ana e pāpunihia.
10 Ā, ka manaakitia te tangata whakapono ki ngā tohu whai muri iho, kia rite ki ngā mea kua tuhia iho nei.
11 Ā, ka hoatu ki a koutou kia mōhio ai ki ngā tohu o te wā, me ngā tohu o te haerenga mai a te Tama o te Tangata;
12 Ā, ko ngā mea katoa e whakaatu atu ai te Matua, ka hoatu ki a koutou te mana hei hīri ake i a rātou ki te oranga tonutanga. Āmine.
13 Ināianei ā, e pā ana ki ngā mea e tāpiri atu ana ki ngā kawenata me ngā whakahaunga, koinei ēnei mea—
14 E toitū tonu ana a muri ake nei, i tō te Ariki wā ake anō, he pīhopa atu anō hei whakamana ki te hāhi, hei minita kia rite ki te mea tuatahi;
15 Nā reira ko rātou nei he pirihi teitei e tika ana, ā, ka whakataua rātou e te Tumuakitanga Tuatahi o te Pirihitanga o Merekihereke, atu i te mea he uri tūturu o Arona rātou.
16 Ā, mehemea he uri tūturu o Arona rātou, nō rātou te tikanga i raro i te ture ki te pīhopatanga, mehemea ko rātou te mātāmua i waenganui i ngā tama a Arona;
17 Nā te mea kei te pupuri te mātāmua i te tikanga o te tumuakitanga i runga i te pirihitanga, me ngā kī, te mana rānei o taua mea anō.
18 Kāore he tikanga tō tētahi tangata i raro i te ture ki tēnei tūranga, ki te pupuri i ngā kī o te pirihitanga, atu i te mea he uri tūturu, he mātāmua hoki ia nā Arona.
19 Engari, i te mea e whai mana ana tētahi pirihi teitei o te Pirihitanga o Merekihereke hei whakahaere i roto i ngā tūranga i raro iho, e taea ana e ia te whakahaere i te tūranga o te pīhopa mehemea kāore e taea te rapu i tētahi uri tūturu o Arona, ki te mea ka karangatia, ā, ka whakatūria, ā, ka whakamanaia ki tēnei mana, i raro i ngā ringaringa o te Tumuakitanga Tuatahi o te Pirihitanga o Merekihereke.
20 Ā, me whakatau tētahi uri tūturu o Arona anō hoki e tēnei Tumuakitanga, ā, me kite he tika, me whakawahi, ā, me whakamana i raro i ngā ringaringa o tēnei Tumuakitanga, ki te kore kāore ō rātou mana i raro i te ture kia whakahaere i tō rātou pirihitanga.
21 Engari, i runga i te mana o te whakapuakitanga e pā ana ki tō rātou tika o te pirihitanga mai i tētahi matua ki te tama, e taea ana e rātou te kereme i tō rātou whakawahinga ahakoa he aha te wā mehemea e taea ana te whakaatu mai i tōna whakapapa, ki te hopu rānei i runga i te whakakitenga mai i te Ariki i raro i te Tumuakitanga kua kōrerotia ake nei.
22 Hei āpiti anō, kāore tētahi pīhopa, pirihi teitei rānei e whakatūria ake ai mō tēnei minitatanga e whakahēngia mō tētahi hara o te ture, hāunga i mua i te Tumuakitanga Tuatahi o te hāhi;
23 Ā, ki te mea ka kitea ia kua hara i mua i te Tumuakitanga Tuatahi, mā runga i te whakaaturanga tē taea te whakahē, ka whakatau iho te hē ki runga ki a ia;
24 Ā, ki te rīpenetā ia, ka murua tāna, e rite ana ki ngā kawenata me ngā whakahaunga o te hāhi.
25 Hei āpiti anō, ki te mea ka whānau tamariki ngā mātua i Hīona, i roto rānei i ērā atu o ōna pou ā-rohe kua whakaritea nei, e whakaako ana i a rātou kia kaua e mārama ki te whakaakoranga o te rīpenetātanga, te whakapono ki te Karaiti te Tama a te Atua ora, me te rumaki me te takoha o te Wairua Tapu mā runga i te whakapākanga o ngā ringaringa, ina waru tau te pakeke, ka tau te hara ki runga ki ngā māhunga o ngā mātua.
26 Nā ka ai tēnei hei ture mō ngā tāngata e noho ana ki Hīona, i roto rānei i ērā atu o ana pou ā-rohe kua whakaritea ake nei.
27 Ā, ka rumakina ā rātou tamariki hei murunga atu i ō rātou hara ina waru tau te pakeke, me te whakawhiwhi i te whakapākanga o ngā ringaringa.
28 Ā, ka whakaako anō hoki rātou i ā rātou tamariki ki te inoi, me te hīkoi tōtika i te aroaro o te Ariki.
29 Ā, ka aro atu anō hoki ngā tāngata e noho ana ki Hīona kia mau ki te Hāpati hei mea tapu.
30 Ā, me mahara tonu anō ngā tāngata e noho ana ki Hīona i ā rātou mahi, ki te mea ka whakataua rātou kia mahi, i runga i te tino pono; nā te mea ka maumahara anō te Ariki ki te mea hakirara.
31 Nā, kāore au, te Ariki e pai ana ki ngā tāngata e noho ana ki Hīona, nā te mea kei waenganui i a rātou ētahi mea hakirara; ā, kei te tupu ake ā rātou tamariki i runga i te kino; kāore hoki rātou e tino whai atu ana i ngā taonga mau tonu, engari kua kī ō rātou karu i te matapiko.
32 Kāore e tika ana kia pēnei ēnei mea, me whakakore atu i waenganui i a rātou; nā reira, tukua taku pononga a Oriwa Kautere kia kawea atu e ia ēnei kīanga ki te whenua o Hīona.
33 Ā, ka hoatu e au tētahi whakahaunga ki a rātou—kia maumaharatia ai te tangata e kore nei e ū ki ana inoi i te aroaro o te Ariki i tō reira tau i mua i te kaiwhakawā o tōku iwi.
34 He hē kore, he pono ēnei kīanga; nā reira, kaua e takahia, kaua rānei e tango atu i reira.
35 Nana, ko au te Arepa me te Omeka, ā, kei te haere wawe mai au. Āmine.