Wāhanga 22
He whakakitenga mā roto i a Hōhepa Mete te Poropiti, ki Maniheta, Niu Ioka, Aperira 16, 1830. I hoatu tēnei whakakitenga ki te Hāhi hei whakautu ki tētahi hunga kātahi anō ka rumakina, arā, ki tā rātou hiahia kia uru mai ki te Hāhi engari kia kaua e rumakina tuaruatia.
1, He kawenata hou mau tonu te rumakitanga; 2–4, E tika ana te rumaki whaimana.
1 Nana, ko taku kupu tēnei ki a koutou, nā, kua whakakāhoretia atu e au ngā kawenata tawhito i roto i tēnei mea; ā, koinei tētahi kawenata hou mau tonu, koia pū taua mea nō te tīmatanga.
2 Nā reira, ahakoa ka rumakina te tangata kia kotahi rau taima kāore he painga ki a ia, nā te mea tē taea e koutou te tomo atu ki roto i te tomokanga whāiti mā te ture a Mohi, ehara rānei mā āu mahinga kua mate.
3 Nā te mea nā runga i ā koutou mahinga kua mate nei, i meinga ai e au tēnei kawenata me tēnei hāhi kia hangaia ake ai ki ahau, pērā me ngā rā onamata.
4 Nā reira, tomo mai koutou mā te tomokanga, pērā i tāku i whakahau ai, ā, kaua koutou e whai ki te tohutohu i tō koutou Atua. Āmine.