Wāhanga 2
He kaponga nō te hītori o Hōhepa Mete e pā ana ki ngā kupu a te anahera Moronai ki a Hōhepa Mete te Poropiti, i a ia e noho ana i roto i te whare o tōna matua ki Maniheta, Niu Ioka, i te ahiahi o te 21 o Hepetema, 1823. Ko Moronai te kaihītoria whakamutunga o te kāwai kaihītoria roroa i hangaia ai te tuhinga e mōhiotia nei e te ao ko te Pukapuka a Moromona. (Whakatauritetia a Maraki 4:5–6; ngā wāhanga 27:9; 110:13–16; me 128:18 anō hoki.)
1, Mā Irāia te pirihitanga e whakakite atu; 2–3, Ka whakatōngia ngā kupu whakaari a ngā tūpuna ki roto i ngā ngākau o ngā tamariki.
1 Nana, māku te Tohungatanga e hura atu ki a koutou, he mea mā te ringa o Irāia te poropiti, i mua i te taenga mai o taua rā nui whakawehi o te Ariki.
2 Ā, ka whakatōkia e ia ki roto i ngā ngākau o ngā tamariki ngā kupu whakaari i whakaaria mai nei ki ngā tūpuna, ā, ka tahuri atu ngā ngākau o ngā tamariki ki ō rātou tūpuna.
3 Mehemea kāore i pērā, kua whakangaromia rawatia te ao i tōna haerenga mai.