Wāhanga 40
He whakakitenga mā roto i a Hōhepa Mete te Poropiti rāua ko Hirini Rikitana, ki Wheiete, Niu Ioka, Hānuere 6, 1831. I mua i tēnei whakakitenga, ka kīa e te hītori o Hōhepa Mete, “I te mea kua whakaparahako a Hēmi [Kowira] i te kupu a te Ariki, ā, kua hoki atu ia ki ōna tikanga me tōna iwi, i homai te Ariki ki a māua ko Hirini Rikitana tēnei whakakitenga e whai ake nei” (tirohia wāhanga 39).
1–3, Nā te wehi ki te whakahāwea me te aro ki ngā mea o te ao puta ake ai te whakaparahakotanga i te rongopai.
1 Nana, he pono tāku e mea atu nei ki a koe, nā, i tōtika te ngākau o Hēmi Kowira ki ahau, nā te mea i kawenata ia ki ahau kia whakarongo ia ki taku kupu.
2 Ā, i whiwhi ia i te kupu i runga i te hari, engari ka whakawaia wawetia ia e Hātana; ā, ka whakaparahako ia i te kupu nā te wehi ki te whakahāwea me tana aro atu ki ngā mea o te ao.
3 Nā reira i whatia e ia taku kawenata, ā, e waiho tonu ana māku kia mea ki a ia tāku e pai ai. Āmine.