Wāhanga 52
He whakakitenga mā roto i a Hōhepa Mete te Poropiti ki ngā erata o te Hāhi, ki Katarana, Ohaio, Hune 6, 1831. Kua whakatūria tētahi huinga ki Katarana, e tīmata ana i te 3, ā, e mutu ana i te 6 o Hune. I meatia ngā whakamanatanga tuatahi ki te tūranga pirihi teitei i tēnei huinga, ā, i kitea, i kohetea ngā momo whakakitenga teka me ngā wairua tinihanga.
1–2, Kua whakataua kia tū ai te huinga e whai ake nei i Mitori; 3–8, Ka meatia ngā whakaritenga kia haere tahi ai ngā erata; 9–11, Me whakaako ngā erata i tā ngā āpōtoro me ngā poropiti i tuhia ai; 12–21, Ka puta mai i te hunga kua whakamāramahia e te Wairua ngā hua koropiko me ngā hua whai mātauranga; 22–44, Kua whakataua ētahi o ngā erata kia haere atu ki te kauhau i te rongopai i a rātou e haere atu ana ki te huinga whānui.
1 Nana, e ai tā te Ariki ki ngā erata kua karangatia, kua kōwhiria nei e ia i ēnei rā o muri nei, he mea nā te reo o tōna Wairua—
2 E mea ana: Māku, mā te Ariki, e whakamōhio atu ki a koutou he aha tāku e pai ai hei mahi mā koutou atu i tēnei wā tae noa atu ki te huinga whānui e whai ake nei, e tū ai i Mitori, i runga i te whenua e whakatapua ai e au mō tōku iwi, ko rātou nei he morehu nō Hākopa, me te hunga kaiwhiwhi anō e rite ana ki te kawenata.
3 Nā reira, he pono tāku e mea atu nei ki a koutou, tukua aku pononga a Hōhepa Mete, Tama., rāua ko Hirini Rikitana kia haere i ō rāua ina oti ngā whakaritenga kia wehe atu ai i ō rāua kāinga, ā, kia haere atu ai ki te whenua o Mitori.
4 Ā, ki te ū tonu rāua ki ahau, ka whakamōhiotia atu ki a rāua me aha rāua;
5 Ā, ka mea atu anō, ki te ū tonu rāua, kia whakamōhiotia atu ki a rāua tō koutou whenua tuku iho.
6 Ā, ki te kore rāua e ū tonu mai, ka hātepea atu rāua, kia rite ki tāku e hiahia ai, e pai ai hoki.
7 Hei āpiti anō, he pono tāku e mea atu nei ki a koutou, tukua taku pononga a Raimana Waiti rāua ko taku pononga a Hoani Korira kia haere wawe atu rāua;
8 Me taku pononga hoki a Hoani Mutaka, me taku pononga a Hairama Mete, kia haere atu anō ki taua wāhi anō mā te huarahi ki Titoroiti.
9 Ā, tukua rāua i reira e kauhau atu ana i te kupu i runga i te huarahi, kaua e kōrero i ētahi atu mea hāunga ko ērā mea kua tuhia e ngā poropiti me ngā āpōtoro, me ērā mea kua whakaakona rātou e te Kaiwhakaāio mā roto i te inoi.
10 Tukua rātou kia haere takirua, ā, ka pēnei te tuku i a rātou kia kauhau i runga i te huarahi i roto i ngā whakaminenga katoa, e rumaki ana ki te wai, me te whakapākanga o ngā ringaringa i te taha o te wai.
11 Nā, e ai tā te Ariki, māku e whakapopoto i aku mahi i runga i te tika, nā te mea e haere mai ana ngā rā e tukua atu e au taku whakawākanga hei wikitōriatanga.
12 Ā, tukua taku pononga a Raimana Waiti kia tūpato ai, nā te mea e hiahia ana a Hātana kia tātaria ia anō nei he pāpapa.
13 Ā nana, ko te tangata e ū ana, ka meinga hei rangatira i runga i ngā mea maha.
14 Hei āpiti anō, ka hoatu e au ki a koutou tētahi tauira mō ngā mea katoa, kia kore ai koutou e tinihangatia; nā te mea kei te haere a Hātana i te whenua, ā, e haere atu ana ia hei nukarau i ngā iwi—
15 Nā reira ko te tangata e inoi ana, he wairua iro tōna, ko ia anō te mea e whakaaengia ai e ahau ki te ngohengohe ia ki aku tikanga tapu.
16 Ko te tangata e kōrero ana, he wairua iro tōna, he māhaki, he mārama tana reo, nō te Atua anō taua tangata ki te ngohengohe ia ki aku tikanga tapu.
17 Hei āpiti anō, ka whakakahangia te tangata e wiriwiri ana i raro i tōku mana, ā, ka puta mai i a ia ngā hua whakawhetai rāua tahi ko te mātauranga, e rite ana ki ngā whakakitenga me ngā mea pono kua hoatu nei e au ki a koutou.
18 Hei āpiti anō, ko te tangata kua taea, ā, kāore e puta ana i a ia he hua, kāore e rite ana ki tēnei tauira, ehara nōku.
19 Nā reira, mā tēnei tauira koutou mōhio ai ki ngā wairua i roto i ngā āhuatanga katoa i raro i ngā rangi katoa.
20 Ā, kua tae mai ngā rā; ka meatia ki a rātou kia rite ki ngā whakapono a ngā tangata.
21 Nana, kua hoatu tēnei whakahau ki ngā erata katoa kua kōwhiria nei e ahau.
22 Hei āpiti anō, he pono tāku ki a koutou, tukua taku pononga a Tamati P. Maahi me taku pononga a Etera Teia kia haere anō rāua, e kauhau atu ana i te kupu i runga i te huarahi ki tēnei whenua.
23 Hei āpiti anō, tukua taku pononga a Ihaka Mori me taku pononga a Etera Pute kia haere, e kauhau atu ana anō i te kupu i runga i te huarahi i tēnei whenua anō.
24 Hei āpiti anō, tukua taku pononga a Eruera Patariti rāua ko Mātini Hārihi kia haere ngātahi ai me aku pononga a Hirini Rikitana me Hōhepa Mete, Tama.
25 Tukua aku pononga a Rāwiri Witima rāua ko Hawi Witiraka anō kia haere ai, me te kauhau i runga i te huarahi ki tēnei whenua anō.
26 Ā, tukua aku pononga a Pari P. Parata rāua ko Orihana Parata kia haere, me te kauhau i runga i te huarahi, ki tēnei whenua pū anō.
27 Ā, tukua aku pononga a Horomona Hanakoka rāua ko Himiona Kāta anō kia haere ki tēnei whenua anō, me te kauhau i runga i te huarahi.
28 Tukua aku pononga a Etehana Whura rāua ko Hākopa Kota kia haere anō rāua.
29 Tukua aku pononga ki a Rewi W. Hanakoka rāua ko Heperi Kotirini kia haere anō rāua.
30 Tukua aku pononga a Reinara Kahuna rāua ko Hamuera H. Mete kia haere anō rāua.
31 Tukua aku pononga a Wira Patawini rāua ko Wiremu Kāta kia haere anō hoki rāua.
32 Ā, tukua aku pononga a Nuera Naiti rāua ko Tera T. Kiriwhini kia whakamanangia, ā, kia haere anō rāua.
33 Āe rā, he pono tāku e mea atu nei, tukua enei katoa kia haere ki te wāhi kotahi, ki ō rātou huarahi maha, ā, me kaua tētahi tangata e hanga ki runga i te tūāpapa o tētahi atu, e haere rānei i runga i tō tētahi atu ara.
34 Ko te tangata e ū ana, koia anō te mea e tiakina ai, ā, e manaakitia ai ki ngā hua maha.
35 Hei āpiti anō, ko taku kupu tēnei ki a koutou, tukua aku pononga a Hōhepa Weikiwhira rāua ko Horomona Hamupere kia haere ai ki roto ki ngā whenua whakaterāwhiti;
36 Tukua rātou kia mahi i ō rātou whānau, kāore e whakapuaki kē atu ana i ētahi atu mea hāunga tā ngā poropiti me ngā āpōtoro, ērā mea kua kitea, kua rangona, ā, e whakapono pū ana anō rātou, kia tutuki ai ngā poropititanga.
37 Hei utu mō te hē, tukua ērā mea kua whakataua iho ki runga i a Hemana Patiti kia tangohia atu i a ia, ā, kia whakataua iho ki runga i te māhunga o Himona Raita.
38 Hei āpiti anō, he pono tāku e mea atu nei ki a koutou, tukua a Iarere Kaata kia whakamanaia ai hei pirihi, ā, whakamanaia anōtia a Hōri Hēmi hei pirihi.
39 Tukua ngā toenga erata o te hāhi kia mataara ai ki runga i ngā hāhi, ā, kia whakapuakina ai te kupu i roto i ngā rohe huri noa i a rātou; ā, tukua rātou kia mahi ki ō rātou ake ringaringa kia kaua he whakapakoko, he whakarihariha rānei e meatia ai.
40 Ā, me maumahara anō te hunga rawakore me te hunga hapa i roto i ngā mea katoa, te hunga tūroro me te hunga mamae, nā te mea ehara te tangata e kore nei e mea ai i ēnei mea i te apataki āku.
41 Hei āpiti anō, tukua aku pononga a Hōhepa Mete, Tama., rātou ko Hirini Rikitana, ko Eruera Patiri kia mau i a rātou tētahi whakaaetanga nō te hāhi. Ā, tukua kia whakamanaia te mea kotahi mō taku pononga a Oriwa Kautere anō hoki.
42 Ā pēnei i tāku i mea ai, ki te ū koutou, ka whakahuihui koutou i a koutou anō kia harikoa ai i runga i te whenua o Mītori, koia tonu tō koutou whenua tuku iho, koia nei te whenua o ō koutou hoariri.
43 Engari, nana, māku, mā te Ariki, e whakatere i te pā i tōna wā, ā, ka karaunahia te hunga ū ki te hari me te koa.
44 Nana, ko Ihu Karaiti ahau, te Tama a te Atua, ā, māku rātou e mairanga ake hei te rā whakamutunga. Koia anō. Āmine.