Wāhanga 90
He whakaitenga ki a Hōhepa Mete te poropiti, i hoatu i Katarana, Ohaio, Maehe 8, 1833. He hōkai whakamua tēnei whakakitenga ki te whakapūmautanga o te Tumuakitanga Tuatahi (tirohia te kōwae upoko o te wāhanga 81); nā konā rā, i whakamanaia ngā kaikaunihera i whakhuatia ake nei i te 18 o Maehe, 1833.
1–5, Ka tukuna ngā kī o te kīngitanga ki a Hōhepa Mete, ā, ka hoatu ki te Hāhi mā roto i a ia; 6–7, Me haere a Hirini Rikitana rāua ko Whererika T. Wiremu ki te mahi mō te Tumuakitanga Tuatahi; 8–11, Me kauhau atu te rongopai ki ngā iwi o Iharaira, ki ngā Tauiwi, ki ngā Hūrai hoki, tēnā me tēnā e rongo ana i roto i tōna ake reo; 12–18, Mā Hōhepa Mete rātou ko ana kaikaunihera te Hāhi e whakariterite kia tika; 19–37, Ka tohutohua ētahi tāngata e te Ariki ki te hīkoi tōtika, ā, ki te mahi i Tōna kīngitanga.
1 Pēnei tā te Ariki, he pono, he pono tāku e mea atu nei ki a koe e taku tama, kua murua ō hara, e rite ana ki tāu i tono ai, nā te mea kua ara ake ō inoi me ngā inoi a ō teina ki aku tāringa.
2 Nō reira, ka manaakitia koe nāianei, ā, haere ake nei, e puritia nei ngā kī o te kīngitanga kua hoatu nei ki a koe; ko taua kīngitanga e haere mai ana mō te wā whakamutunga.
3 He pono tāku e mea atu nei ki a koe, e kore rawa ngā kī o tēnei kīngitanga e tangohia atu i a koe, i a koe i te ao nei, e kore rānei i te ao meake nei ka puta mai;
4 Hei aha koa, mā roto i a koe e hoatu ai ngā mana whakakitenga ki tētahi atu, āe rā, ki te hāhi pū anō.
5 Ā, ko te hunga katoa e whiwhi ki ngā mana whakakiktenga a te Atua, tukua rātou kia tūpato ki tā rātou pupuri i aua mea kei pōhēhētia he mea hanga noa iho, ā, nō konā kumea iho ki raro i tētahi whakahēanga, ā, ka tatutatu, ā, ka hingahinga iho ina heke iho ngā marangai, ina pupuhi ngā hau, ina heke te ua, me te pātukituki ki runga ki tō rātou whare.
6 Hei āpiti anō, he pono tāku e mea atu nei ki ō teina, ki a Hirini Rikitana rāua ko Whererika T. Wiremu, kua murua hoki ō rāua hara anō hoki, ā, kua whakaarohia rāua hei mea taurite ki a koe i runga i te pupuritanga ake o ngā kī o tēnei kīngitanga whakamutunga;
7 He rite ana ki tāu whakahaere i ngā kī o te kura poropiti, kua whakahaua nei e au kia whakaritea;
8 Kia taea ai rātou te whakaakona kia tino mātau i roto i tā rātou minitatanga mō te whakaoraga o Hīona, ā, mō ngā iwi o Iharaira, me ngā Tauiwi, ko te hunga katoa e whakapono ai;
9 Kia whiwhi ai rātou i te kupu mā roto i tō whakahaere, ā, mā roto i tā rātou whakahaere puta ai te kupu ki ngā tōpito katoa o te ao, ki ngā Tauiwi tuatahi, kātahi, nana, titiro, ka huri atu rātou ki ngā Hūrae.
10 Kātahi ka puta mai te rā e huraina ake ai te ringa o te Ariki i runga i te kaha ki te whakapakepake i ngā iwi, ngā iwi atua kore, te whare o Hōhepa, ki te rongopai o tō rātou whakaoranga.
11 Nā te mea ka pahawa ake i taua rā, e rangona ai e ngā tāngata katoa te rāneatanga o te rongopai i tōna ake reo, me tōna ake mita, mā roto i te hunga kua whakamanaia nei ki tēnei mana, he mea nā te whakahaere a te Kaiwhakaaio, kua ringitia iho ki runga i a rātou mō te whakakitenga o Ihu Karaiti.
12 Ināianei ā, he pono tāku e mea atu nei ki a koutou, kei te hoatu e au tētahi whakahaunga ki a koutou kia ū tonu atu koutou i roto i te minitatanga me te tumuakitanga.
13 Ā, ina mutu i a koutou te whakapākehātanga a ngā poropiti, ka whakahaere koutou i runga i ngā āhuatanga o te hāhi me te kura nō taua wā;
14 Ā, mai i tētahi wā ki tētahi wā, e rite ana ki tā te Kaiwhakaaio whakakite atu, ka whiwhi whakakitenga hei hura atu i ngā mea ngaro o te kīngitanga;
15 Ā, ka whakatakotohia iho te ritenga o ngā hāhi, ā, ka ako kia mātau ai, ā, ka waia ki ngā pukapuka pai katoa, me ngā mita, ngā reo, me ngā iwi.
16 Ā, ka pēnei tā koutou mahi me tā koutou mīhana i ō koutou oranga katoa, hei whakahaere i roto i te rūnanga, me te whakatakoto iho te ritenga o ngā āhuatanga katoa o tēnei hāhi me tēnei kīngitanga.
17 Kaua e whakamā, kaua hoki e whakapōauautia; engari kia whakatūpatoria i roto i tā koutou whakapehapeha katoa me te whakahīhī katoa, nā te mea mā konā mau ake ai ō koutou wairua i te māhanga.
18 Whakaritea ō koutou whare kia pai; waiho atu te māngere me te paru kia matara rawa i a koutou.
19 Nā, he pono tāku e mea atu nei ki a koutou, tukua tētahi wāhi, kia hohoro rawa atu, hei kāinga mō te whānau o tō kaikaunihera me tō kaituhi, arā, ko Whererika T. Wiremu pū anō.
20 Ā, tukua taku pononga kaumātua, a Hōhepa Mete Matua., kia noho tonu rātou ko tōna whānau i te wāhi e noho nei rātou; ā, kaua e tukua kia hokona atu kia kīa ake ai e te māngai o te Ariki.
21 Ā, tukua taku kaikaunihera, arā, a Hirini Rikitana, kia noho tonu ki te wāhi e noho nei ia kia kīa ake e te māngai o te Ariki.
22 Ā, tukua te pīhopa kia rapua māriretia tētahi kaiwhakarite, tukua ia hei tangata whai taonga–he tangata nā te Atua, he nui hoki tōna whakapono–
23 Kia taea ai e ia te whakaea i ngā nama katoa; kia kaua ngā pātaka a te Ariki e tautauhea i mua i ngā karu o te iwi.
24 Rapua māriretia, inoi i ngā wā katoa, ā, kia whakapono, kātahi ka mahia ngā mea katoa hei painga mō koutou, ki te hīkoi tōtika me te mahara ki te kawenata i kawenata ai koutou tētahi ki tētahi.
25 Tukua kia iti ō koutou whānau, tērā noa ake tō Hōhepa Mete Matua., e rite ana ki te hunga ehara noa nō ō koutou whānau;
26 Kia kore ai aua mea e tukua ana ki a koutou, hei pahawa ake taku mahi, e tangohia atu i a koutou mō te hunga kāore e tika ana–
27 Ā, mā konā āraia ai koutou i tā koutou whakatutuki i aua mea kua whakahaua nei koutou.
28 Hei āpiti anō, he pono tāku e mea atu nei ki a koutou, ko tāku e pai ai kia whiwhi taku pononga wahine e Wiena Tiaki ki ētahi moni hei utu i āna nama kia haere ake ia ki te whenua o Hīona;
29 Ā, ka whakatapua te toenga atu o ngā moni ki ahau, ā, ka utua ia i taku wā e pai ai.
30 He pono tāku e mea atu nei ki a koutou, nā, e pai ana i ōku karu kia haere ake ia ki te whenua o Hīona, ā, kia whiwhi i tētahi taonga tuku iho i te ringa o te pīhopa;
31 Kia noho ai ia ki reira i runga i te rangimārie ki te ū ia, ā, ki te kore ia e māngere i ngā rā e haere ake nei.
32 Ā nana, he pono tāku e mea atu nei ki te koutou, nā, me tuhi tēnei whakahaunga e koutou, me te kī atu ki ō koutou huānga i Hīona, i runga i te mihi aroha, nāku anō koutou i karanga hei kaiwhakahaere i runga o Hīona i taku wā e pai ai.
33 Nō reira, me mutu tā rātou whakahōhā i a au e pā ana ki tēnei take.
34 Nana, ko taku kupu tēnei ki a koutou, nā, e tīmata haere ana ō koutou huānga i Hīona ki te rīpenetā, ā, e hari ana ngā anahera mō rātou.
35 Hei aha koa, kāore au e āhuareka ana ki ngā mea maha; ā, kāore au e āhuareka ana ki taku pononga a Wiremu E. Makiririni, kāore hoki ki taku pononga a Hirini Kiripeti; me te pīhopa hoki, ā, me rīpenetā anō hoki ngā tāngata tokomaha i ngā mea maha.
36 Engari he pono tāku e mea atu nei ki a koutou, māku, mā te Ariki e tohetohe atu ki a Hīona, ā, ka inoi atu ki ana mea kaha, me te whakawhiua ia kia taea noatia e ia, ā, kia mā ai i tōku aroaro.
37 Nā te mea e kore rawa ia e whakanekehia atu i tōna wāhi. Nāku, nā te Ariki, tērā i kōrero. Āmine.