1 ჩემო შვილო, ორსონ, მომისმინე და ყური დაუგდე იმას, რასაც გეტყვი მე, უფალი ღმერთი, თავად იესო ქრისტე, შენი გამომსყიდველი;

2 ქვეყნის სინათლე და სიცოცხლე, სინათლე, რომელიც ანათებს უკუნეთში და მას ბნელი ვერ მოიცავს;

3 რომელმაც იმდენად შეიყვარა სოფელი, რომ შესწირა საკუთარი სიცოცხლე, რათა ყოველი, ვინც იწამებს, გახდეს ძე ღვთისა, ამიტომ, შენ ხარ ჩემი ძე;

4 და კურთხეული ხარ, რადგან იწამე;

5 და უფრო მეტად ხარ კურთხეული, ვინაიდან მოგიხმე ჩემი სახარების საქადაგებლად –

6 რათა აიმაღლო ხმა საყვირივით, დიდხანს და ხმამაღლა და შეჰღაღადო მონანიება გამრუდებულ და უკუღმართ თაობას, მოუმზადო რა უფალს გზა მეორედ მოსვლისთვის.

7 ვინაიდან, აჰა, ჭეშმარიტად, ჭეშმარიტად გეუბნები: მალე დადგება ჟამი, როდესაც მოვალ ღრუბლებში, ძალითა და დიდი სიდიადით.

8 და ეს იქნება დიადი დღე ჩემი მოსვლის ჟამს, ვინაიდან აკანკალდება ყველა ერი.

9 მაგრამ, სანამ დადგება ეს დიადი დღე, მზე დაბნელდება და მთვარე იქცევა სისხლად; ვარსკვლავები უარს იტყვიან ნათებაზე, ზოგი ჩამოცვივდება და ბოროტთ მოელით დიდი განადგურება.

10 ამიტომ, აიმაღლეთ ხმა და არ დაზოგოთ თავი, ვინაიდან ეს უფალმა თქვა; ამიტომ, იწინასწარმეტყველე და ეს გებოძება სულიწმინდის ძალით.

11 და თუ ხარ ერთგული, აჰა, შენთან ვიქნები, ჩემს მოსვლამდე –

12 და ჭეშმარიტად, ჭეშმარიტად გეუბნები: მალე მოვალ. მე ვარ შენი უფალი და გამომსყიდველი. სწორედ ასე. ამინ.