1 აჰა, ასე ეუბნება უფალი ჩემს მსახურს, ჯონ მარდოკს – მოწოდებული ხარ ქვეყნის აღმოსავლეთ ოლქებში წასასვლელად, სახლიდან სახლში, სოფლიდან სოფელში და ქალაქიდან ქალაქში, რათა იქადაგო ჩემი მარადიული სახარება იქ მცხოვრებთათვის, დევნისა და სიბოროტის შუაგულში.

2 და ვინც შენ მიგიღებს – მიმიღებს მე; და გექნება ძალა ჩემი სიტყვის გამოსაცხადებლად, ჩემი სულიწმინდის გამოვლინებით.

3 და რომელიც მიგიღებს, ვითარცა პატარა ბავშვი, მიიღებს ჩემს სასუფეველს; და კურთხეულნი არიან, ვინაიდან წყალობას ჰპოვებენ.

4 და რომელიც უარგყოფს, იქნება უარყოფილი ჩემი მამის და მისი სახლის მიერ; და დაიბან ფეხებს საიდუმლო ადგილებში, როგორც მათ წინააღმდეგ დამოწმებას.

5 და აჰა, დიახ, სწრაფად მოვალ სამსჯავროზე, რათა ყველა ვამხილო თავიანთ უღმერთო საქმეში, რაც ჩაიდინეს ჩემ წინააღმდეგ, როგორც ეს ჩემზე წერია წიგნის ტომში.

6 და ახლა, ჭეშმარიტად გეუბნები, რომ არ არის საჭირო წახვიდე, სანამ შენი შვილები არ იქნებიან უზრუნველყოფილნი და ზრუნვით სიონის ეპისკოპოსთან გაგზავნილნი.

7 და რამდენიმე წლის შემდეგ, თუ მოისურვებ ჩემგან შეძლებ, გაემგზავრო კარგ მიწაზე, შენი მემკვიდრეობის დასაუფლებლად.

8 სხვაგვარად, უნდა გააგრძელო ჩემი სახარების გამოცხადება, სანამ არ იქნები წაყვანილი. ამინ.