წინასწარმეტყველ ჯოზეფ სმითის მეშვეობით სიდნეი რიგდონის, პარლი პ. პრატისა და ლემან კოპლისათვის მიღებული გამოცხადება, ქ. კირტლანდი, ოჰაიოს ოლქი, 7 მარტი, 1831 წ. ლემან კოპლიმ მიიღო სახარება, მაგრამ კვლავ მისდევდა შეიკერთა ზოგიერთ სწავლებებს (ქრისტეს მეორედ მოსვლაში მორწმუნეთა გაერთიანებული საზოგადოება), რომლებშიც ისწავლებოდა, რომ ქრისტეს მეორედ მოსვლა უკვე მოხდა და იგი მოევლინა ამასოფელს როგორც ქალი, სახელად ენ ლი. ისინი არ თვლიდნენ აუცილებლად წყლით ნათლობას, უარყოფდნენ ქორწინებას და სწამდათ უქორწინო ცხოვრება. ზოგიერთი შეიკერი კრძალავდა ხორცის ჭამას. ამ წინასწარმეტყველების წინასიტყვაობაში, ჯოზეფ სმითის ისტორიაში წერია: „იმისათვის, რომ ამ საკითხზე მქონოდა უფრო სრულყოფილი წარმოდგენა, მივმართე უფალს და მივიღე შემდეგი“. გამოცხადება უარყოფს შეიკერთა ძირითად სწავლებებს. ზემოთ ხსენებულმა ძმებმა მიიტანეს ამ გამოცხადების ასლი შეიკერთა თემში (კლივლენდის ახლოს, ოჰაიო) და ბოლომდე წაუკითხეს მათ, მაგრამ მათ ეს უარყვეს.