1 აჰა, ამას გეუბნებათ უფალი, თქვენი ღმერთი: ჩემი ეკლესიის უხუცესებო, ყური დამიგდეთ, მომისმინეთ და მიიღეთ ჩემი ნება თქვენ შესახებ.

2 ვინაიდან, ჭეშმარიტად გეუბნებით: მსურს, სძლიოთ ამასოფელს, ამიტომ სიბრალულით მოგექცევით.

3 თქვენ შორის არიან ისინი, რომლებმაც შესცოდეს; მაგრამ ჭეშმარიტად გეუნებით: ამჯერად ჩემი სიდიადისა და სულთა ხსნისთვის მე შეგინდეთ ცოდვები.

4 ვიქნები მოწყალე თქვენ მიმართ, ვინაიდან სასუფეველი გიბოძეთ.

5 და სასუფევლის საიდუმლოებათა გასაღებები არ ჩამოერთმევა ჩემს მსახურს, ჯოზეფ სმით უმცროსს, იმ საშუალებების მეშვეობით, რომლებიც დავუნიშნე, სანამ ცოხცალია, თუ ემორჩილება ჩემს წეს-ჩვეულებებს.

6 არიან ისინი, რომლებიც ცდილობდნენ მიზეზის გარეშე მის განსჯას;

7 ამისდა მიუხედავად, მან შესცოდა, მაგრამ ჭეშმარიტად გეუბნებით: მე, უფალი, შევუნდობ ცოდვებს მათ, რომლებიც ჩემ წინაშე ცოდვებს აღიარებენ და ითხოვენ პატიებას, რომლებმაც სასიკივდილოდ არ შესცოდეს.

8 ჩემი მოწაფეები ძველად ცდილობდნენ ერთმანეთის განსჯას და არ პატიობდნენ გულში ერთმანეთს; ამ სიბოროტისთვის ისინი იტანჯებოდნენ და მკაცრად განიკიცხნენ.

9 ამიტომ გეუბნებით, ერთმანეთს უნდა აპატიოთ, ვინაიდან ვინც თავის ძმას შეცოდებებს არ მიუტევებს, უფლის წინაშე დამნაშავედ წარსდგება; რადგან მასში რჩება უფრო მძიმე ცოდვა.

10 მე, უფალი, შევუნდობ მას, რომელსაც მივუტევებ, მაგრამ თქვენ მოგეთხოვებათ, შეუნდოთ ყოველ ადამიანს.

11 და უნდა თქვათ გულში: დაე, ღმერთმა განსაჯოს ჩემსა და შენ შორის; და მოგიზღას შენი საქმეებისამებრ.

12 და ვინც არ ინანიებს ცოდვებს და არ აღიარებს მათ, უნდა მოიყვანოთ ეკლესიის წინაშე და მოექცეთ ისე, როგორც წმინდა წერილი გეუბნებათ მცნებით ან გამოცხადებით.

13 და ასე მოიქცევით, რათა განდიდდეს ღმერთი – არა იმიტომ, რომ არ პატიობთ სიბრალულის გარეშე, არამედ რომ გამართლებულნი იყოთ კანონის თვალში, რათა არ გაანაწყენოთ იგი, რომელიც არის თქვენი კანონმდებელი.

14 ჭეშმარიტად გეუბნებით, ამ მიზნით მოიქცევით ასე.

15 აჰა, მე, უფალი, განრისხებული ვიყავი მასზე, რომელიც იყო ჩემი მსახური, ეზრა ბუთი, და ასევე ჩემი მსახური, ისააკ მორლი, ვინაიდან არც კანონს იცავდნენ, არც აღთქმას;

16 მათ ჰქონდათ ბოროტი სურვილი გულში და მე, უფალმა, შევაკავე ჩემი სული. მათ დაგმეს, როგორც ბოროტი ის, რაც არ არის ბოროტი, ამისდა მიუხედავად, მე ვაპატიე ჩემს მსახურს, ისააკ მორლის.

17 და ასევე ჩემი მსახური, ედვარდ პარტრიჯი, აჰა, მან შესცოდა და სატანა ცდილობს მისი სულის განადგურებას; მაგრამ, როდესაც ყოველივე ამას შეიტყობენ და მოინანიებენ სიბოროტეს, მათ შეენდობათ.

18 და ახლა, ჭეშმარიტად გეუბნებით: საჭიროდ მიმაჩნია, რომ ჩემი მსახური, სიდნეი გილბერტი, რამდენიმე კვირის შემდეგ დაუბრუნდეს საკუთარ საქმეს და მოვალეობას სიონის მიწაზე;

19 დაე, ის, რაც მან იხილა და მოისმინა, ჩემი მოწაფეებისთვის გახდეს ცნობილი, რომ არ დაიღუპონ. და ყოველივე ეს ამ მიზნით ვილაპარაკე.

20 და კიდევ გეუბნებით: დაე, ჩემი მსახური, ისააკ მორლი, არ იქნეს ცდუნებული იმაზე მეტად, რისი ატანაც შეუძლია და თქვენს საზიანოდ არ მოგცეთ რჩევა, მე ვბრძანებ, რომ მისი ფერმა გაიყიდოს.

21 მსურს, ჩემმა მსახურმა, ფრედერიკ გ. უილიამსმა, გაყიდოს ფერმა, ვინაიდან მე, უფალს, მაქვს სურვილი, კირტლანდის მიწაზე ხუთი წლის განმავლობაში შევინარჩუნო დოვლათი, რომლის დროს არ დავამხობ ბოროტთ, რათა ამით შევძლო ზოგიერთების გადარჩენა.

22 და იმ დღის შემდეგ მე, უფალი, არ ჩავთვლი დამნაშავედ მათ, რომლებიც ღია გულით წავლენ სიონის მიწაზე, ვინაიდან მე, უფალი, მოვითხოვ ადამიანთა შვილების გულებს.

23 აჰა, დღევანდელ დღეს ეწოდება კაცის ძის მოსვლის წინაჟამი და ჭეშმარიტად, ეს არის დღე მსხვერპლშეწირვისა და ჩემი ხალხის მიერ მეათედის გადახდის დღე; ვინაიდან, ვინც გაიღო მეათედი, არ დაიწვება უფლის მოსვლის დღეს.

24 ამ დღის შემდეგ მოდის ცეცხლით შთანთქვა – უფლის სიტყვებისამებრ, ვინაიდან, ჭეშმარიტად ვამბობ: ხვალ ყოველი ამპარტავანი და სიბოროტის ჩამდენი იქნება ნამჯასავით და მე დავწვავ მათ, ვინაიდან ვარ ცაბაოთ უფალი და არ დავინდობ არავის, ვინც ბაბილონში რჩება.

25 ამიტომ, თუ ჩემი გწამთ – იშრომებთ, სანამ ამას დღევანდელი დღე ეწოდება.

26 და არ არის მართებული, რომ ჩემმა მსახურებმა, ნეუველ კ. უიტნიმ და სიდნეი გილბერტმა გაყიდონ თავიანთი სავაჭროშენობა და ქონება აქ; ვინაიდან, ეს არ იქნება ბრძნული, სანამ აქ მყოფი დარჩენილი ეკლესიის წევრები არ წავლენ სიონის მიწაზე.

27 აჰა, ეს ნათქვამია ჩემს კანონებში ანუ აკრძალულია, გახდე მტრის მოვალე;

28 მაგრამ, აჰა, არ არის ნათქვამი, რომ უფალი არ წაიღებს, როდესაც მას მოესურვება და არ გადაიხდის ისე, როგორც სასარგებლოდ ჩათვლის.

29 ამიტომ, ხართ რა ზედამხედველები – მოქმედებთ უფლის დავალებით; და რასაც აკეთებთ უფლის ნების შესაბამისად, არის უფლის საქმე.

30 და მან დაგნიშნათ, უზრუნველყოთ მისი წმინდანები ამ უკანასნელ დღეებში, რათა შეძლონ სიონის მიწაზე მემკვიდრეობის მიღება.

31 და აჰა, მე, უფალი, გიცხადებთ და ჩემი სიტყვები უეჭველია და არ აღმოჩნდება ფუჭი, რომ ისინი ამას მიიღებენ.

32 მაგრამ, ყოველივე უნდა ახდეს თავის დროზე.

33 ამიტომ, ნუ იქნებით დაღონებულნი სიკეთის კეთებისას, ვინაიდან საფუძველს უყრით დიად საქმეს. და პატარა საქმეებით ხორციელდება ის, რაც არის დიადი.

34 აჰა, უფალი მოითხოვს გულსა და მოწადინებულ გონებას; მოწადინებული და მორჩილი იგემებს სიონის მიწის მადლს ამ უკანასკნელ დღეებში.

35 და აჯანყებული გაძევდება სიონის მიწიდან და იქნება გასახლებული და მიწას მემკივდრეობით არ მიიღებს.

36 ვინაიდან, ჭეშმარიტად ვამბობ, რომ აჯანყებულნი არ არიან ეფრეემის სისხლისა, ამიტომ იქნებიან განცალკევებულნი.

37 აჰა, მე, უფალმა, შევქმენი ჩემი ეკლესია ამ უკანასკნელ დღეებში მთაზე ანუ მაღალ ადგილზე მჯდომარე მოსამართლესავით, ერების განსაკითხავად.

38 ვინაიდან, იქნება ასე, რომ სიონის მცხოვრებნი განიკითხავენ ყოველივეს, რაც დაკავშირებულია სიონთან.

39 და მათ მიერ გამოაშკარავდებიან ტყუილის მთქმელნი და ფარისეველნი და ცნობილნი გახდებიან ისინი, რომლებიც არ არიან მოციქულნი და წინასწარმეტყველნი.

40 და ეპისკოპოსიც კი, რომელიც არის მოსამართლე და მისი მრჩევლებიც, თუ არ არიან ერთგულნი თავიანთ მმართველობაში, იქნებიან დაწყევლილნი და სხვები დაინიშნებიან მათ ადგილზე.

41 ვინაიდან, აჰა, გეუბნებით, რომ სიონი აყვავდება და უფლის დიდება იქნება მასზე;

42 და ის იქნება ხალხისთვის დროშა და მასთან მივლენ ყოველი ერიდან ზეცის ქვეშ.

43 დადგება დღე, როდესაც დედამიწის ერები მის გამო აკანკალდებიან და შეშინდებიან მისი მრისხანეთაგან. უფალმა თქვა ეს. ამინ.