1 ამას ამბობს უფალი ღმერთი, ძლევამოსილი ისრაელისა: აჰა, მე გეუბნები, ჩემო მსახურო, ედვარდ, რომ ხარ კურთხეული; შეგენდო ცოდვები და ხარ მოწოდებული, იქადაგო ჩემი სახარება საყვირის ხმით;

2 და მე ხელს დაგასხამ ჩემი მსახურის, სიდნეი რიგდონის, ხელით და მიიღებ ჩემს სულს, სულიწმინდას, ნუგეშისმცემელს, რომელიც გასწავლის სასუფევლის მშვიდობისმოყვარე საქმეებს;

3 და მაღალი ხმით გამოაცხადებ: ოსანა, დაე, კურთხეული იყოს უზენაესი ღმერთის სახელი.

4 და ახლა, გაძლევ ამ მოწოდებასა და ბრძანებას ყოველი ადამიანის შესახებ –

5 რომ ყოველი, რომელიც მოვა ჩემს მსახურებთან, სიდნეი რიგდონთან და ჯოზეფ სმით უმცროსთან, ამ მოწოდებისა და ბრძანების მიღებით, იქნება ხელდასხმული და გაგზავნილი ერთა შორის მარადიული სახარების საქადაგებლად –

6 იღაღადებენ რა მონანიებას, იტყვიან: გადაირჩინეთ თავი ამ გარყვნილი თაობისგან და ცეცხლიდან გამოდით, სამოსიც კი შეიძულეთ, რომელიც წაბილწულია ხორციელით.

7 და ეს ბრძანება მიეცემა ჩემი ეკლესიის უხუცესებს, რომ ყოველი ადამიანი, რომელიც მიიღებს ამას გულის მიზანსწრაფვით, ხელდასხმულ იქნეს და გაიგზავნოს, ჩემი ნათქვამის თანახმად.

8 მე ვარ იესო ქრისტე, ძე ღვთისა, ამიტომ, წელზე შემოირტყით და მე მოულოდნელად მოვალ ჩემს ტაძარში. სწორედ ასე. ამინ.