1 Nephi 17

Pasiuna

Human mipanaw og walo ka tuig sa kamingawan, ang pamilya ni Lehi naabut sa lugar sa may dagat. Ilang gitawag ang lugar nga Bountiful. Si Nephi mituman sa sugo sa Ginoo nga maghimo og barko. Siya usab mibadlong sa iyang igsoon nga mga lalaki sa ilang kadautan nga nakapapugong kanila sa pagdawat og inspirasyon gikan sa Ginoo. Samtang magtuon ka sa 1 Nephi 17 ug sa ehemplo ni Nephi, imong mahibaloan nga pinaagi sa pagkamasulundon makabuhat ka sa tanan nga isugo sa Dios. Makat-unan usab nimo ang pag-ila og maayo sa tingog sa Ginoo nga mosulti kanimo pinaagi sa ligdong, hinay nga tingog.

1 Nephi 17:1–51

Ang pamilya ni Lehi mibiyahe ngadto sa Bountiful, diin gisugo si Nephi sa paghimo og barko

Makahulagway ka ba sa imong kinabuhi nga sayon o lisud? Ngano man? Basaha ang 1 Nephi 17:1, 4, 6, ug lingini ang mga pulong nga nagpasabut kon ang panahon nga gigahin ni Nephi ug sa iyang pamilya didto sa kamingawan sayon ba o lisud.

Basaha ang 1 Nephi 17:3, ug ilha ang hinungdan nga gihatag ni Nephi ngano ang iyang pamilya napanalanginan atol sa ilang malisud nga panahon—nagsugod kini sa pulong nga kon. Markahi kini nga baruganan diha sa imong mga kasulatan.

Ang mga baruganan sa ebanghelyo kasagaran gisulti sa mga kasulatan sa “kon-nan” nga format. Kini nga “kon-unya” nga format makita usab sa direksyon sa mga kinabuhi sa indibidwal, ingon man usab sa mga pamilya ug sa tibuok nasud. Ang pulong nga kon naghulagway sa atong aksyon, ug ang unya nagpasabut sa sangputanan o panalangin nga atong madawat alang niana nga aksyon. Samtang sa 1 Nephi 17:3 walay pulong nga unya, hinoon kini naghulagway og aksyon ug panalangin nga mosunod. Unsaon nimo pagsulti sa baruganan nga gipamatuod ni Nephi sa imong kaugalingon nga mga pulong? Kon , dayon ang .

Tan-awa giunsa kini nga baruganan sa paghulagway diha sa 1 Nephi 17:2, 12–13. Samtang basahon nimo kini nga mga bersikulo, markahi ang ubang mga paagi nga gilig-on ug gipanalanginan si Nephi sa Ginoo ug ang iyang pamilya sa dihang sila mituman sa mga sugo. Pangita og dugang nga ebidensya sa kamatuoran niini nga baruganan samtang magpadayon ka sa pagtuon sa kasinatian ni Nephi.

Paghinayhinay aron makahatag ka og makahuluganong tubag sa mosunod nga mga pangutana diha sa imong scripture study journal. Kini nga pagbansay makatabang kanimo nga makakita nga si Nephi mipadayon sa pagsunod sa baruganan nga iyang gisulti sa 1 Nephi 17:3, samtang ang uban nga miyembro sa pamilya napakyas sa pagsunod niini. Hinumdumi ang paghunahuna kon sa unsang paagi kini nga baruganan magamit sa imong kaugalingon nga kinabuhi.
1. Unsa ang gisugo sa Ginoo ngadto kang Nephi? (Tan-awa sa 1 Nephi 17:7–8.) Unsa man kaha ang lisud kabahin sa pagtuman niini nga sugo?
2. Unsa may nakapadani kanimo kabahin sa tubag ni Nephi niini nga sugo? (Tan-awa sa 1 Nephi 17:9–11, 15–16). Giunsa pagtubag sa iyang igsoon nga mga lalaki? (Tan-awa sa 1 Nephi 17:17–21.) Unsay imong nakat-unan gikan niini nga mga tubag?
3. Mitubag si Nephi sa iyang igsoon nga mga lalaki pinaagi sa paghinumdom sa kasinatian ni Moises. Sa unsang paagi mitabang ang Ginoo kang Moises sa pagpatuman sa buluhaton nga gipabuhat kaniya? (Tan-awa sa 1 Nephi 17:23–29.) Sa unsang paagi ang igsoon nga mga lalaki ni Nephi susama sa mga anak sa Israel? (Tan-awa sa 1 Nephi 17:30, 42.)
4. Aduna bay ubang mga sugo nga lisud para nimo? Unsaon nimo pagtubag sa lisud nga mga buluhaton o mga sugo gikan sa Dios sama sa gibuhat ni Nephi ug ni Moises?

Kon nahuman nimo ang buluhaton sa ibabaw, basaha ang pagpakita og hugot nga pagtuo ni Nephi sa 1 Nephi 17:50.

Basaha ang 1 Nephi 17:51, ug buhata kini nga bersikulo sa imong kaugalingon pinaagi sa pagdugang sa imong ngalan human sa pulong nga “ako” ug ilisi ang mga pulong nga “mohimo og usa ka barko” uban sa sugo nga imong gisulat sa pangutana d sa ibabaw.

Sa imong scripture study journal, pagsulat og usa ka kasinatian (imong kaugalingon o sa lain nga tawo nga imong nailhan) nga nakatabang kanimo sa pagkahibalo nga kon ikaw matinud-anon sa Dios, Siya motabang kanimo nga matuman ang bisan unsa nga Iyang isugo kanimo.

Ang baruganan nga gihulagway ni Nephi sa 1 Nephi 17 ug sa iyang tibuok kinabuhi mao nga kon kita motuman sa mga sugo, nan ang Ginoo molig-on kanato ug mohatag og mga paagi aron kita makatuman nianang Iyang gisugo.

1 Nephi 17:45–55

Si Nephi mibadlong sa iyang igsoon nga mga lalaki tungod sa ilang kadautan

Basaha ang 1 Nephi 17:48, 53–54, ug ilha ngano si Nephi “mipatuy-od sa [iyang] kamot ngadto sa [iyang] igsoon nga mga lalaki.”

Sumala sa 1 Nephi 17:53, unsa ang gibuhat sa Ginoo ngadto sa igsoon nga mga lalaki ni Nephi? Ngano?

Ang pagpalisang nga gihimo ngadto sa igsoon nga mga lalaki ni Nephi mao ang usa sa daghang mga paagi sa tinguha sa Ginoo sa pagpakigsulti kanila. Basaha ang 1 Nephi 17:45, ug ilha ang ubang mga paagi nga ang Ginoo misulay sa pakigsulti kanila.

Pamalandungi ang mosunod nga kinutlo gikan ni Presidente Boyd K. Packer sa Korum sa Napulog Duha ka mga Apostoles: “Ang Espritu Santo mosulti uban sa tingog nga imong mabati labaw pa sa imong madunggan. Kini gihulagway nga usa ka ‘ligdong, hinay nga tingog’ [D&P 85:6]. Ug samtang kita mamulong sa ‘pagpaminaw’ sa mga paghunghong sa Espiritu, kasagaran ang usa mohulagway og espirituhanon nga pag-aghat pinaagi sa pag-ingon, ‘Aduna koy pagbati …’” (“Personal Revelation: The Gift, the Test, and the Promise,” Ensign, Nob. 1994, 60).

Mahimo nimong markahan ang 1 Nephi 17:45 ug isulat ang mosunod nga baruganan sunod niini: Ang Espiritu Santo nagsulti uban sa ligdong, hinay nga tingog nga atong gibati labaw pa sa atong madungog.

Isulat ang tubag sa mosunod nga mga pangutana diha sa imong scripture study journal:
1. Kanus-a ka man mibati sa Ginoo nga misulti pinaagi sa ligdong, hinay nga tingog?
2. Unsa man ang imong mahimo aron mobati ug makaila sa ligdong, hinay nga tingog?

Markahi ang mosunod nga mga pulong sa 1 Nephi 17:45: “siya nakapamulong nganha kaninyo sa usa ka hinay nga hinagawhaw nga tingog, apan kamo ingon sa walay pagbati, mao nga kamo dili makabati sa iyang mga pulong.” Tan-awa og usab sa una nga han-ay sa mga pulong sa 1 Nephi 17:45, ug ilha ang hinungdan ngano ang igsoon nga mga lalaki ni Nephi nahimong “walay pagbati.”

Sa unsang paagi ang sala makapugong kanato sa pagbati sa Espiritu Santo? Unsa nga ubang butang ang makabalda kanato sa pagbati sa Espiritu Santo?

Si Presidente James E. Faust sa Unang Kapangulohan migamit og pagkumpara aron sa pag-ila sa ubang mga paagi diin ang sala makapugong kanato sa pagbati sa Espiritu Santo:

“Ang mga cellular phone gigamit gyud og maayo sa komunikasyon sa panahon nato. Usahay, bisan pa niana, makakita ‘ta og lugar nga walay signal sa cell phone. Mahitabo kini kon ang naggamit sa cell phone naa sa ilawom sa tunnel o sa ubos sa pangpang, o kon dunay laing makababag sa signal.

“Mao usab kana sa balaanong komunikasyon. … Ato kanunayng ibutang ang atong kaugalingon sa mga dapit nga walay signal sa espirituhanong paagi—mga lugar ug mga sitwasyon nga makababag sa balaanong mga mensahe. Ang pipila niini naglakip sa kasuko, pornograpiya, kalapasan, pagkahakog, ug uban pang mga sitwasyon nga makadaut sa Espiritu” (“Nakuha ba ninyo ang Saktong Mensahe?” Ensign o Liahona, Mayo 2004, 67).

Pamalandungi giunsa nimo pagpaminaw og tarung ang mga mensahe nga buot ipahayag sa Ginoo nganha kanimo. Ilista sa imong scripture study journal ang bisan unsa nga “lugar nga walay espirituhanon nga signal”—mga sitwasyon ug mga lugar nga makapugong kanimo sa pagdawat sa hinay, hinagawhaw nga tingog—ug unsa ang imong buhaton aron paglikay niini.

Makadawat ka og kumunikasyon gikan sa Ginoo pinaagi sa hinay, hinagawhaw nga tingog samtang maninguha ka nga mahimong takus ug maminaw niini nga mga pag-aghat.

Isulat ang mosunod sa ubos sa mga assignment karong adlawa diha sa imong scripture study journal:

Akong natun-an ang1 Nephi 17 ug nahuman kini nga leksyon sa (petsa).

Dugang nga mga pangutana, mga hunahuna, ug mga panabut nga gusto nakong ipakigbahin sa akong magtutudlo: