Unit 19: Day 4
Alma 38
Pasiuna
Ang anak ni Alma nga si Shiblon miserbisyo uban niya isip misyonaryo ngadto sa mga Zoramite. Human niini nga misyon, mipahayag si Alma og kalipay sa pagkamakanunayon ug kamatinud-anon nga gipakita ni Shiblon samtang nag-antus sa pagpanglutos sa mga Zoramite. Si Alma mipamatuod kang Shiblon bahin sa gahum ni Jesukristo sa pagluwas ug pagtambag kaniya nga ipadayon ang pagtudlo sa ebanghelyo.
Alma 38:1–3
Si Alma mipahayag og kalipay sa kamatinud-anon ni Shiblon
Gahini og panahon ang paghunahuna og usa ka panahon dihang ang imong mga ginikanan mibati og kalipay tungod sa maayo nimo nga desisyon o gihimo sa laing sakop sa pamilya o tungod sa pamaagi sa imong pagpakabuhi.
Basaha ang Alma 38:1–3, ug pangitaa ang mga pulong nga naghulagway unsay gibati ni Alma mahitungod ni Shiblon ug ngano. Isulat ang pipila ka mga pulong nga imong nakit-an:
Gikan niini nga mga bersikulo atong makat-unan kini nga baruganan: Kon atong sugdan sa atong pagkabatan-on ang pagkamakanunayon ug kamatinud-anon sa pagtuman sa mga sugo, makadala kita og hingpit nga kalipay sa atong mga ginikanan.
-
Gahini og panahon ang pagpangutana sa usa sa imong mga ginikanan, tigbantay, o lider sa Simbahan unsay epekto sa maayo nimong mga desisyon ngadto kaniya. Isulat ang ilang mga tubag diha sa imong scripture study journal.
Alma 38:4–9
Mipamatuod si Alma sa gahum sa Manluluwas sa pagluwas
Gipahinumduman ni Alma si Shiblon nga silang duha nakasinati sa gahum sa Manluluwas sa pagluwas, hinoon sa managlahi nga paagi. Basaha ang Alma 38:4–8, ug kompletuha ang tsart sa ubos. Gamita usab ang unsay imong nahibaloan mahitungod ni Shiblon gikan sa Alma 38:2–3 ug kon unsay imong nakat-unan mahitungod ni Alma gikan sa ubang mga kapitulo sa Basahon ni Mormon aron matabangan ka sa pagkompleto sa tsart.
|
Shiblon (Alma 38:2–5) |
Alma (Alma 38:6–8) | |
|---|---|---|
|
Sa unsa man siya giluwas? | ||
|
Sa unsang paagi niya nadawat ang pagkaluwas? |
Gikan sa kasinatian ni Shiblon, atong makat-unan nga: Kon atubangon nato ang tanang butang uban sa pailub ug pagsalig sa Dios, Siya moluwas kanato gikan sa mga pagsulay, kasamok ug mga kasakit ug bayawon kita sa katapusang adlaw. Gikan sa kasinatian ni Alma atong makat-unan nga: Aron madawat ang kapasayloan sa atong mga sala ug makaplagan ang kalinaw sa atong kalag, kinahanglan nga mogamit kita sa hugot nga pagtuo kang Jesukristo ug tinguhaon ang Iyang kalooy.
-
-
Unsay imong makat-unan gikan sa istorya bahin ni Shiblon ug Alma mahitungod sa gahum sa Manluluwas nga moluwas kanimo?
-
Pagpili og usa sa mga baruganan nga dagko sa pagkasulat sa nag-una nga paragraph, ug pagsulat og pipila ka mga sentence kon unsaon nimo sa paggamit kana nga baruganan sa imong kinabuhi.
-
Basaha ang Alma 38:9, ug pangitaa kon unsay gusto ni Alma nga makat-unan ni Shiblon. Mahimo nimong markahan ang mga pulong nga gibati nimong nag-summarize kon unsay gusto ni Alma nga masabtan sa iyang anak.
Paghunahuna og panahon dihang ang gahum sa Manluluwas miluwas kanimo gikan sa mga pagsulay, kasamok. o pagkadili takus. Unsay imong gibuhat sa pagpangita og kaluwasan? Duna ka bay mga pagsulay o mga sala sa imong kinabuhi karon? Unsaon nimo sa pag-adto sa Manluluwas alang sa kaluwasan?
-
Alma 38:10–15
Gitambagan ni Alma si Shiblon nga ipadayon ang pagpalambo og matarung nga mga hiyas
Paghunahuna og usa ka magtutudlo o lider sa Simbahan kinsa dunay positibong impluwensya sa imong kinabuhi. Ikonsiderar ang mga kalidad nianang tawhana nga imong gidayeg.
Sumala sa narekord sa Alma 38:10–15, giawhag ni Alma si Shiblon nga ipadayon ang pagpalambo og mga kalidad nga makatabang kaniya samtang padayon siyang magtudlo sa ebanghelyo ug mag-alagad sa uban. Ang tambag nga gihatag ni Alma kang Shiblon magamit sa tanan kinsa gustong moimpluwensya sa uban alang sa kaayuhan pinaagi sa pagserbisyo, pagtudlo, ug sa ubang mga paagi. Tun-i ang Alma 38:10–15, ug ilha ang bisan unsang tambag nga gibati nimong makatabang kaayo kanimo. Mahimo nimong markahan ang unsay imong makit-an.
-
Alma 38:10–12 Giya sa Pagtuon
Tambag ni Alma
Mga Kalihokan sa Pagkat-on
“Magkugi ug magmapugnganon sa tanan nga mga butang” (Alma 38:10).
Ang tawo nga kugihan magbutang og mapadayunon ug lagsik nga paningkamot sa mga kalihokan sa kinabuhi. Ang tawo nga mapugnganon dili magpatuyang sa tanang butang ug ikontrolar niya ang iyang kaugalingon. Sa imong your scripture study journal, isulat kini nganong gikinahanglan kini nga mga kinaiya kon magserbisyo sa uban. Isulat kon sa unsang paagi ikaw mas magmakugihon o mapugngnaon sa usa o daghang dapit sa imong kinabuhi ug sa unsang paagi ang paghimo niini makatabang sa imong pagserbisyo sa uban sa mas epektibong paagi.
“Pagmatngon nga ikaw dili madala ngadto sa garbo; oo, pagmatngon nga ikaw dili manghambog” (Alma 38:11).
Ang garbo, diha sa mga kasulatan, kon ang tawo magbutang og mas dakong pagsalig sa iyang kaugalingon kay sa Dios. Nagpasabut usab kini nga ang tawo nagtuo nga mas labaw siya sa uban. Ang kaatbang niining dili matarung nga garbo mao ang pagpaubos. Kadtong kinsa magpaubos maningkamot sa paghunahuna sa uban sa samang paagi giunsa nila sa paghunahuna ang ilang kaugalingon, ug higugmaon nila ang Dios ug Siya ilang unahon diha sa ilang kinabuhi. Isulat sa imong scripture study journal kon unsa kahay mahitabo kon ang usa ka miyembro sa Simbahan garbuso ug maghinambog sa iyang calling. Hunahunaa ang imong calling sa Simbahan o lain nimong oportunidad sa pagserbisyo. Pagsulat og usa o duha ka paagi nga ikaw magtinguha sa pagpaubos ug maglikay sa garbo o panghambog samtang magserbisyo ka.
“Gamita ang imong kaisug, apan dili ang pagpalabi-labi” (Alma 38:12).
Ang pagka-isug nagpasabut sa pagkamasaligon nga ang Dios magauban kanato ug magtabang nato sa paglihok nga walay kahadlok sa pagserbisyo Kaniya. Ang pagpalabi-labi magpasabut sa pagpugos sa atong mga gituohan o mga kinaiya ngadto sa uban nga dili mosabut sa ilang mga panginahanglan ug mga pagbati. Sa imong scripture study journal, isulat kon ngano kaha nga gusto man sa Ginoo nga kita magmaisug. Irekord usab ang pihong mga paagi diin maaplay nimo ang tambag sa paggamit og kaisug apan dili mapalabi-labihon samtang magtinguha ka sa pagserbisyo sa uban.
“Makapugong sa tanan nimo nga mga mainit nga pagbati” (Alma 38:12).
Ang pagpugong nagpasabut sa paggiya o pagkontrolar. Ang mainit nga pagbati mao ang kusog nga emosyon. Pamalandunga ang mosunod nga mga pangutana ug irekord ang imong mga tubag diha sa imong scripture study journal: Ngano kaha nga importante man ang pagpugong sa atong mga mainit nga pagbati—sa laing pagkasulti, ang paggiya sa o pagkontrolar sa kusog natong mga emosyon? Sa unsang paagi ang pagpugong sa tanan nimo nga mga mainit nga pagbati makatabang aron mapuno ka sa gugma? Unsay imong buhaton aron sa pagsunod sa tambag ni Alma sa pagpugong sa tanan nimong mainit nga mga pagbati?
“Makapugong gikan sa pagtinapulan” (Alma 38:12).
Tan-awa sa “Tapulan, Pagkatapulan” sa Giya sa mga Kasulatan (scriptures.lds.org) aron makakat-on pa og dugang unsay ipasabut sa pagkahimong tapulan. Pagpili og duha ka mga bersikulo nga nalista ubos sa hilisgutan, ug tun-i kini. I-rekord kon unsay imong nakat-unan gikan niini nga mga bersikulo diha sa imong scripture study journal. Isulat kon sa unsang paagi ang tambag sa pagpugong gikan sa pagtinapulan makatabang nimo sa pagserbisyo sa uban sa mas epektibong paagi. Sa katapusan, isulat ang piho nga paagi diin imong matinguha ang pagpugong gikan sa pagtinapulan.
Ang tambag ni Alma kang Shiblon diha sa Alma 38:10–15 nagtudlo niini nga baruganan: Ang pagpalambo og matarung nga mga kinaiya mag-andam kanato sa pagtudlo ug pagserbisyo sa uban. Pamalandunga sa unsang paagi ang pagpalambo og matarung nga mga kinaiya nga imong nabasa diha sa Alma 38 makapanalangin sa imong kinabuhi ug sa kinabuhi sa mga tawo sa imong palibut.
-
Akong natun-an ang Alma 38 ug nahuman kini nga leksyon sa (petsa).
Dugang nga mga pangutana, mga hunahuna, ug mga panabut nga gusto nakong ipakigbahin sa akong magtutudlo: