Alma 12

Pasiuna

Ang mga pulong ni Amulek sa Alma 11 naghimo ni Zeezrom nga makamatngon sa iyang mga sala sa pagpamakak ug pag-ilad sa mga tawo. Human si Amulek nakapamulong sa mga tawo sa Ammonihah, mibarug si Alma sa ilang atubangan. Tungod kay ang mga tawo sa Ammonihah nahimong mga dautan, maoy gitutukan ni Alma ang mga kamatuoran nga makatabang nila sa paghinulsol sa katig-a sa ilang mga kasingkasing ug sa ubang mga sala. Gihatagan niya og gibug-aton ang mga pagpanglit-ag ni Satanas, mga paghukom nga modangat sa mga dautan, ug ang plano sa katubsanan nga gihatag pinaagi sa Anak sa Dios nga naghimong posible alang sa mga maghinulsol nga makabalik sa presensya sa Dios.

Alma 12:1–7

Gibutyag ni Alma ang dautang mga intensyon ni Zeezrom

Hunahunaa sa unsang paagi mobitik ang usa ka lit-ag sa hayop: Ang pinalingin nga pisi ibutang nga maglibut sa pirasong pagkaon. Inig abut sa hayop nga masulod sa pinalingin nga pisi aron mokaon, mohugot ang lit-ag, ug matanggong ang hayop.

Ribyuha kon sa unsang paagi gisulayan og dakop si Amulek gamit ang lit-ag Alma 11:21–25. Dihang nasabtan ni Amulek ang tuyo ni Zeezrom ug pagtubag kaniya, mibarug si Alma aron sultihan si Zeezrom ug ang panon sa katawhan nga naa didto (tan-awa sa Alma 12:1–2). Tan-awa ang Alma 12:3–6 alang sa mga pulong ug hugpong sa mga pulong nga gigamit ni Alma sa paghulagway sa mga taktika ni Zeezrom, nga giingon ni Alma nga naggikan sa yawa (tan-awa sa Alma 12:5).

Sumala sa Alma 12:3, sa unsang paagi si Alma nakahibalo sa plano ni Zeezrom?

Unsay gisulti ni Alma nga maoy tuyo sa yawa diha sa Alma 12:6?

Gitudlo ni Alma nga ang Espiritu Santo makatabang kanato sa pag-ila sa mga tintasyon sa kaaway. Sa leksyon diha sa Alma 11, imong makat-unan nga kon mosalig kita sa Espiritu Santo, mabuntog nato ang tintasyon. Usa ka importanting aspeto sa pagbuntog sa tintasyon mao ang pagpatabang sa Espiritu nga atong mailhan ang tintasyon ug sa ihatag nga kasakit niini ngari kanato. Dayon makapili kita sa pagpabiling putli ug matinud-anon pinaagi sa paglikay sa tintasyon. May kasinatian ka na ba nga ang Espiritu Santo mitabang nimo sa pag-ila ug paglikay sa usa sa mga tintasyon sa yawa?

Sa imong scripture study journal, isulat kon unsay imong mahimo ug himoon aron molambo ang imong abilidad sa pag-ila ug pagsanong sa mga hagawhaw sa Espiritu Santo aron imong mailhan ug malikayan ang “mga lit-ag” sa kaaway.

Alma 12:7–18

Gitudlo ni Amulek ang mahitungod sa katapusang paghukom sa tanang katawhan

Paghunahuna og usa ka trabaho nga gusto nimong maangkon. Bana-banaa kon pila kaha ang imohang magasto (bayad para sa instruksyon) sa eskwelahan o training program aron maangkon ang kahibalo nga gikinahanglan aron molampus niana nga trabaho.

Basaha ang mosunod nga kinutlo, nga mangita sa “tuition [balayranan sa eskwelahan]” nga gisulti ni Elder David A. Bednar nga sakop sa Korum sa Napulog Duha ka mga Apostoles nga kinahanglang mabayaran aron makadawat og esprituhannong kahibalo: “Ang espirituhanon nga pagsabut nga kamo ug ako napanalanginan sa pagdawat, ug diin napanghimatud-an nga tinuod diha sa atong mga kasing-kasing, dili yano nga mahatag ngadto sa [uban]. Ang bayranan sa kakugi ug sa pagkat-on pinaagi sa pagtuon ug usab pinaagi sa hugot nga pagtuo kinahanglan gayud nga mabayran aron maangkon ug personal nga ‘mapanag-iya’ sa mao nga kahibalo. Niini lamang nga paagi makahimo nga unsa ang nahibaloan sa hunahuna mabati usab diha sa kasingkasing” (“Magtukaw uban sa Bug-os nga Pagkamapadayunon,” Ensign o Liahona, Mayo 2010, 43).

Pangita og ebidensya diha sa Alma 12:7–8 nga si Zeezrom nagsugod sa pagkaandam nga mobayad sa espirituhanong “bayranan” nga gikinahanglan aron makaangkon og espirituhanong kahibalo. Unsay imong nakita nga nagpasabut nga si Zeezrom nagsugod sa pag-usab sa iyang kasingkasing aron makat-unan niya ang esprituhanong mga kamatuoran?

Pangitaa kon unsay gitudlo ni Alma kang Zeezrom mahitungod sa pag-angkon og espirituhanong kahibalo samtang magbasa ka sa Alma 12:9–11. Tingali makatabang ang pagkahibalo nga ang “mga misteryo sa Dios mao ang mga espirituhanon nga mga kamatuoran nga mahibaloan lamang pinaagi sa pagpadayag. Ang Dios nagpadayag sa iyang mga misteryo niadto kinsa mga masulundon sa ebanghelyo” (Giya ngadto sa mga Kasulatan, “Misteryo sa Dios, Mga” scriptures.lds.org). Mahimo nimong isulat kini nga depinisyon diha sa imong mga kasulatan tupad sa Alma 12:9. Sa Alma 12:9, gipasabut ni Alma nga ang Dios mohatag sa porsyon sa Iyang pulong ngadto sa tawo pinasubay sa unsa?

Sumala sa Alma 12:10–11, unsa man ang relasyon tali sa kahimtang sa atong mga kasingkasing ug sa pagdawat sa espirituhanong mga kamatuoran?

Unsay ang ipasabut sa “mopatig-a” sa imong kasingkasing (tan-awa sa Alma 12:10–11), ug sa unsang paagi kaha ang mao nga kahimtang makita sa kinabuhi sa usa ka tawo?

Ang mensahe ni Alma ngadto kang Zeezrom nagtudlo sa mosunod nga baruganan: Ang Ginoo mopadayag og espirituhanong mga kamatuoran ngari kanato sumala sa pagpatalinghug ug sa kakugi nga atong gihatag sa Iyang mga pulong.

Sa imong scripture study journal, isulat ang usa ka sugo og tambag gikan sa Ginoo nga imong gipaningkamutan nga masunod pinaagi sa “pagpatalinghug ug pagkugi.” niini Sa unsang mga paagi ang Ginoo mipanalangin kanimo og dugang nga giya, panabut, o mga paghunghong sa Iyang Espiritu tungod kay ikaw milihok sa unsay Iyang gitudlo kanimo?

Human gipasabut ni Alma kon unsaon nato sa pagkahibalo sa espirituhanong kamatuoran, mipadayon siya sa pagtubag sa pangutana ni Zeezrom Alma 12:8 kon sa unsang paagi kita pagahukman. Pangitaa kon unsay gitudlo ni Alma kang Zeezrom diha sa Alma 12:12–15 mahitungod sa pagkabanhaw ug paghukom. Sulati ang mosunod nga mga blangko: Kita ang manubag sa Dios sa atong , , ug sa.

Pamalandunga ang mosunod nga pangutana: Unsa nga kalainan ang mahimo niini sa imong inadlaw nga mga pagpili kon mahinumdom ka nga ikaw ang manubag sa kaugalingon nimong mga pulong, mga buhat, ug mga hunahuna?

Markahi ang cross-reference sa footnote 14a ngadto sa scripture mastery passage Mosiah 4:30, ug dayon basaha o i-recite ang Mosiah 4:30.

I-refer ngadto sa imong gisulat sa imong scripture study journal alang sa assignment 1 sa karon nga leksyon—kon sa unsang paagi ikaw mahimong mas sensitibo sa Espiritu Santo. Idugang ang imong mga hunahuna kon sa unsang paagi ang pagsabut sa personal nimong tulubagon sa Dios makapalambo sa imong tinguha sa pag-ila ug paglikay sa tintasyon.

Alma 12:19–37

Gipasabut ni Alma kon sa unsang paagi ang tawo makabuntog sa mga epekto sa Pagkapukan pinaagi sa plano sa katubsanan

Ang labaw nga pangulo sa Ammonihah nga ginganlan og Antionah wala motuo nga ang tawo mamahimong imortal, nag-ingon nga ang Pagkapukan naghimo niini nga imposible (tan-awa sa Alma 12:20–21). Siksika ang mga bersikulo gikan sa Alma 12 nga gilista sa mosunod nga tsart, ug isulat diha sa mga kolum ubos sa ulohan kon unsay gitudlo ni Alma:

Mga Epekto sa Pagkapukan (Alma 12:22, 24)	Unsay gibuhat sa Dios aron mahitabo ang atong katubsanan (Alma 12:24–25, 28–33)	Unsay kinahanglan gayud natong buhaton aron matubos (Alma 12:24, 30, 34, 37)

Kon mahuman nimo og fill-up ang tsart, tubaga ang mosunod nga pangutana diha sa imong scripture study journal:
1. Sa unsang paagi ang Pag-ula ni Jesukristo makatabang nato sa pagbuntog sa mga epekto sa Pagkapukan?
2. Sumala sa Alma 12:24, unsa man ang gitudlo ni Alma nga maoy katuyoan sa kinabuhi karon nga gihimo nang posible sa Manluluwas nga mabuntog ang mga epekto sa Pagkapukan?

Ang termino nga “kahimtang sa pagsulay” sa Alma 12:24 mao lang ang mga pulong nga gigamit ni Alma sa Basahon ni Mormon (tan-awa usab sa Alma 42:4, 10, 13). Si Elder L. Tom Perry sa Korum sa Napulog Duha ka mga Apostoles mihulagway niini nga kahimtang sa pagsulay: “Ang pinakatuyo sa kinabuhi dinhi sa yuta mao ang pagtugot sa atong mga espiritu, nga didto na sa wala pa ang kalibutan, nga kini mahiusa sa atong lawas sulod sa usa ka panahon sa talagsaong oportunidad sa mortalidad. Ang pagkatipon sa duha naghatag kanato og pribilehiyo sa pagtubo, paglambo, ug paghingkod nga mahimo lang nato kon ang espiritu ug ang lawas mahiusa. Uban sa atong lawas, moagi kita og igong gidagkuon sa mga pagsulay nga gitawag og kahimtang sa pagsulay sa atong pagpakabuhi. Panahon kini sa pagkat-on ug pagsulay aron mapamatud-an ang atong kaugalingon nga takus sa mahangturong mga oportunidad. Tanan kini kabahin sa balaang plano sa atong Amahan para sa Iyang mga anak” (“Proclaim My Gospel from Land to Land,” Ensign, Mayo 1989, 14).

Mipamatuod si Alma nga ang mortalidad mao ang atong panahon sa pagpangandam sa pagsugat sa Dios. Mahimo nimong markahan ang mga pulong nga nagtudlo niini nga doktrina diha sa Alma 12:24. Basaha ang Alma 34:32, ug i-cross-reference kini sa Alma 12:24.

Aron magamit ang imong nakat-unan, tubaga ang usa o ang duha sa mosunod nga mga pangutana diha sa imong scripture study journal:
1. Sa unsang paagi ang pagkahibalo sa katuyoan sa mortalidad makatabang aron magiyahan ka sa imong kinabuhi?
2. Sa unsang paagi ang imong pagtuo sa Pag-ula ni Jesukristo makatabang nimo sa imong mortal nga pagsulay?

Basaha ang Alma 12:33–35, ug bantayi ang kalainan sa unsay mahitabo niadtong maghinulsol ug niadtong dili maghinulsol. Makatabang kini aron mas masabtan nimo kini nga mga bersikulo sa pagkahibalo nga ang pagsulod sa kapahulayan sa Ginoo naglakip sa pagkadawat og kapasayloan sa atong mga sala ug sa katapusan pagsulod ngadto sa himaya sa presensya sa Ginoo (tan-awa sa D&P 84:24).

Isulat ang mosunod sa ubos sa mga assignment karong adlawa diha sa imong scripture study journal:

Akong natun-an ang Alma 12 ug nahuman kini nga leksyon sa (petsa).

Dugang nga mga pangutana, mga hunahuna, ug mga panabut nga gusto nakong ipakigbahin sa akong magtutudlo: