Alma 19–20

Pasiuna

Sumala sa narekord sa Alma 19–20, nasinati ni Haring Lamoni ang dakong kausaban sa kasingkasing, nga nagdala sa pagkakabig sa daghang mga tawo. Si Ammon ug si Haring Lamoni mibiyahe ngadto sa yuta sa Middoni aron buhian ang nabilanggo niyang mga igsoon. Atol sa ilang panaw, gikatagbo nila ang amahan ni Lamoni, nga mao ang hari sa tanang mga Lamanite. Ang walay kahadlok nga pagpamatuod ni Ammon ug mapinanggaong proteksyon gikan ni Lamoni naghimo sa amahan ni Haring Lamoni sa paghumok sa iyang kasingkasing ug miuyon nga buhian ang mga kaigsoonan ni Ammon. Tungod sa pagpamatuod ni Ammon ug ehemplo, daghang tawo mibati sa impluwensya sa Espiritu Santo ug natudloan sa ebanghelyo ug nakabig.

Alma 19

Si Haring Lamoni ug daghan sa Iyang mga katawhan naghinulsol ug nabunyagan

Hunahunaa ang mahimong gagmayng mga balud kon magtagak ka og bato sa usa ka lanaw sa tubig.

Sa unsang paagi ang binuhatan sa usa ka tawo susama sa bato nga gitagak ngadto sa tubig?

Isulat ang Ammon sa sentro nga dapit (sa oval) sa mosunod nga diagram.

Imahe

ripples diagram

Basaha ang Alma 19:1, 6 aron mahibaloan kinsa ang unang naimpluwensya sa pagpamatuod ni Ammon, ug isulat ang ngalan diha sa unang lingin diha sa diagram. Pagpili og mga pulong gikan niini nga mga bersikulo nga gibati nimo nga pinakamaayong naghulagway sa nanghitabo kang Lamoni. Isulat ang mga pulong ug unsa sa imong hunahuna ang ipasabut niini:

Siksika ang Alma 19:7–10 alang sa tawo kinsa sunod nga naapektuhan sa pagpamatuod ni Ammon, ug sulati ang ikaduhang lingin sa diagram. Sumala sa Alma 19:10, unsa ang talagsaon mahitungod sa pagtuo sa asawa ni Lamoni?

Sumala sa narekord sa Alma 19:11–13, sa unsang paagi naapektuhan ang asawa ni Lamoni tungod sa pagpamatuod sa iyang bana?

Basaha ang Alma 19:13–14, ug tubaga ang mosunod nga mga pangutana diha sa imong scripture study journal: Sa imong hunahuna unsa kaha ang ipasabut sa “gidaug pinaagi sa Espiritu,” o “gidaug uban sa hingpit nga kalipay”? Kanus-a ka mibati sa impluwensya sa Espiritu Santo sa kusog kaayong gahum sa imong kinabuhi?

Basaha ang Alma 19:15, nga mangita kon kinsa ang sunod nga naapektuhan sa pagpamatuod ni Ammon, ug sulati ang ikatulo nga lingin sa diagram.

Basaha ang Alma 19:16–17 aron makita kon si kinsa ang sunod nga naapektuhan, ug sulati ang ikaupat nga lingin.

Hunahunaa sa unsang paagi ang mga sulugoon sa hari naapektuhan sa mga nahitabo uban ni Ammon, Lamoni, ug sa asawa ni Lamoni. Sa Alma 19:15–17, kolori ang bisan unsang mga pulong o hugpong sa mga pulong nga nagpakita nga ang mga sulugoon ni Lamoni mipaduol sa Dios.

Tubaga ang mosunod nga pangutana diha sa imong scripture study journal: Sa unsang paagi ang espirituhanong mga kasinatian ni Lamoni ug sa iyang panimalay miggiya sa desisyon ni Abish nga ipakigbahin ang iyang pagpamatuod ngadto sa uban human sa daghang tuig nga “wala gayud kini ikapahibalo” (Alma 19:17)?

Basaha ang Alma 19:18–22 aron makita kon unsay interpretasyon sa mga tawo nga nagkapundok sa balay sa hari bahin sa ilang nakita. Hunahunaa nga ikaw si Abish. Unsay sunod nimong buhaton human makakita sa panaglalis sa mga tawo? Aron mahibaloan unsay gihimo ni Abish, basaha ang Alma 19:23–29.

Basaha ang Alma 19:30–36, ug hunahunaa ang epekto sa pagpamatuod ni Ammon ngadto sa uban. Sulati ang ikaupat nga lingin sa diagram og “daghan pang uban nga mga Lamanite.”

Hunahunaa ang tanang tawo nga naimpluwensya sa pagpamatuod ni Ammon, ug dayon kompletuha kini nga mga pulong diha sa imong scripture study journal: Pinaagi sa pagpaambit sa akong pagpamatuod ug pagpakita og maayong ehemplo, ako maka …

Tungod sa iyang pagpamatuod ug ehemplo, natabangan ni Ammon si Lamoni ug ang uban sa pagduol sa Ginoo. Hunahunaa kadtong mihimo og mahinungdanon nga espirituhanong tahas sa imong kinabuhi. Paghunahuna og tawo kansang matarung nga ehemplo ug pagpamatuod nakaimpluwensya kanimo. Makahunahuna ka ba sa unsang paagi kining tawhana nakaimpluwensya sa ubang tawo alang usab sa kaayuhan?

Hunahunaa kon unsaon kaha nimo sa paggamit ang imong nakat-unan gikan sa ehemplo ni Ammon pinaagi sa pagtubag sa mosunod nga mga pangutana diha sa imong scripture study journal:
1. Sa unsang paagi ang mga sakop sa imong pamilya ug mga higala mapanalanginan kon gisunod nimo ang mga ehemplo ni Ammon sa pagpakabuhing matarung, pagserbisyo sa uban, ug pagpaambit sa imong pagpamatuod?
2. Sa unsang paagi kaha ang imong ehemplo ug pagpamatuod makahimo og “ginagmayng balud” lapas kay sa unsay imong makita ang nanghitabo sa kasamtangan nga panahon uban sa pamilya, mga higala, ug mga kaila?

Alma 20

Ang amahan ni Haring Lamoni may kausaban sa kasingkasing ug mga tinguha sa pagkat-on mahitungod sa ebanghelyo

Basaha ang mosunod nga tulo ka mga sitwasyon, ug hunahunaa unsaon nimo sa pagtubag:

Sa usa ka kontest sa sport, ang referee o opisyal nakahimo og sayop nga tawag ug ingon og dili patas ang pagtratar kanimo.
Gipasanginlan ka usa ka magtutudlo atubangan sa klase nga nanglimbong atol sa test bisan wala nimo buhata.
Gipasanginlan ka sa imong mga ginikanan sa paghimo og butang nga sa tinuod ang imong igsoon ang naghimo.

Sumala sa narekord sa Alma 20, si Ammon ug Lamoni nahimutang sa usa ka sitwasyon diin mahimo ra sila nga masuko. Hunahunaa nga ikaw naa sa dapit ni Ammon o ni Lamoni samtang magtuon ka niini nga kapitulo.

Basaha ang Alma 20:1–7 aron makita unsay nahitabo dihang gusto nga ipaila ni Lamoni si Ammon ngadto sa iyang amahan, kinsa mao ang hari sa tanang mga Lamanite. Dayon basaha ang matag usa ka mosunod nga mga pundok sa bersikulo ug hunahunaa ang imong mga tubag sa kauban nga mga pangutana.

Alma 20:8–13	Kon ikaw ang anaa sa dapit ni Ammon ug dunay tawo nga mipasangil kanimo nga ikaw namakak ug nangawat, unsa kaha ang imong bation?
Alma 20:14–16	Unsa ang nakadani kanimo mahitungod sa tubag ni Lamoni sa iyang amahan?
Alma 20:17–25	Giunsa ni Ammon pagsanong ang kasuko sa amahan ni Lamoni? Giunsa ni Ammon sa pagpakita og gugma para kang Lamoni?

Basaha ang Alma 20:26–27 aron makita ang mga epekto sa tubag ni Ammon. Unsay gitinguha sa amahan ni Lamoni nga makat-unan human makita ang gugma nga gipakita ni Ammon?

Unsay atong makat-unan gikan sa tubag ni Ammon sa kasuko sa amahan ni Lamoni?

Isulat ang mosunod nga kamatuoran diha sa imong mga kasulatan dapit sa Alma 20:26–27 o sa imong scripture study journal: Kon kita molihok inubanan sa gugma, mosangput kini sa paghumok sa kasingkasing sa uban ug tinguha nga mahibaloan ang kamatuoran. Hunahunaa kon kanus-a kaha ka dunay oportunidad sa imong panimalay, sa imong mga higala, o sa eskwelahan sa pagsanong sa kasuko sa ubang tawo inubanan sa gugma.

Pagsulat og usa ka tumong diha sa imong scripture study journal nga maghulagway sa unsang paagi nga imong masanong sa mas maayong paagi inubanan sa gugma ang kasuko, sama sa gibuhat ni Ammon ngadto sa hari sa mga Lamanite.
Isulat ang mosunod sa ubos sa mga assignment karong adlawa diha sa imong scripture study journal:

Akong natun-an ang Alma 19–20 ug nahuman kini nga leksyon sa (petsa).

Dugang nga mga pangutana, mga hunahuna, ug mga panabut nga gusto nakong ipakigbahin sa akong magtutudlo: