Unit 23: Day 4
Helaman 15–16
Pasiuna
Samtang si Samuel ang Lamanite namulong sa mga Nephite gikan sa ibabaw sa paril sa Zarahemla, nanagna siya nga gawas kon sila maghinulsol, ang Dios “molaglag kanila sa hingpit” (Helaman 15:17). Gipahayag niya nga ang mga Lamanite nahimong mas matarung kay sa mga Nephite ug nga ang Ginoo mopatunhay sa mga adlaw sa mga Lamanite. Pipila ka mga Nephite mituo sa mga pagtulun-an ni Samuel ug gibunyagan ni Nephi. Ang uban, kinsa wala motuo ni Samuel, misulay sa pagpatay kaniya. Gipanalipdan siya sa gahum sa Dios, ug mibalik siya ngadto sa iyang kaugalingong yuta.
Helaman 15
Gipasidan-an ni Samuel ang mga Nephite ug mipasabut ngano nga ang mga Lamanite nahimong mga katawhan sa saad
Ang mosunod dili tinuod [hypothetical] nga mga sitwasyon sa duha ka batan-ong lalaki:
Ang usa ka batan-ong lalaki gipadako sa mga ginikanan kinsa dili mga miyembro sa Ang Simbahan ni Jesukristo sa mga Santos sa Ulahing mga Adlaw ug wala mopasabut sa mga pagtulun-an ni Jesukristo. Gitugutan nila ang ilang tin-edyer nga anak nga moinom og ilimnong makahubog, usa ka binuhatan nga iyang gipadayon hangtud sa iyang pag-eskwela sa kolehiyo. Dayon nakahimamat siya og mga misyonaryo nga mga Santos sa Ulahing mga Adlaw. Human makaistorya ang mga misyonaryo sa pipila ka higayon, mipasalig siya nga mohunong na sa pag-inom og alkohol. Pipila ka mga adlaw human niana nakig-uban siya sa grupo sa mga higala. Gihatagan siya og mainom nga ilimnong makahubog.
Laing batan-ong lalaki nagdako sa usa ka pamilya nga Santos sa Ulahing mga Adlaw. Ang iyang mga ginikanan mag-family home evening ug magtuon sa kasulatan kanunay. Nakapalambo siya og kinaiya sa inadlaw nga pagtuon sa kasulatan ug personal nga pag-ampo. Misulod siya sa Primary, nagserbisyo sa mga korum sa Aaronic Priesthood, ug migradwar sa seminary. Nakahibalo ug nakasabut siya sa ebanghelyo ni Jesukristo ug sa mga sugo sa Dios. Samtang nag-eskwela sa kolehiyo nakakita siya og bag-ong mga amigo. Usa ka gabii ang pipila ka higala mihatag niya og ilimnong makahubog.
Ikonsiderar ang level sa espirituhanong kalig-on nga gipaabut gikan sa matag usa niining batan-ong mga lalaki sa ilang mga sitwasyon ug sa unsa nga paagi kini ikatandi sa mga Lamanite ug mga Nephite nga imong gitun-an sa Helaman 15.
-
Tubaga ang mosunod nga mga pangutana diha sa imong scripture study journal:
-
Sumala sa Helaman 15:3, 17, unsa man ang espirituhanong kahimtang sa mga Nephite?
-
Sumala sa Helaman 15:4–8, unsa man ang espirituhanong kahimtang sa mga Lamanite? (Ang pulong nagmatngon sa Helaman 15:5 nagpasabut nga “nagbinantayon.”)
-
Bisan og ang mga Lamanite adunay taas nga kasaysayan sa pagkadautan “tungod sa kadautan sa tradisyon sa ilang mga amahan,” sa dihang sila nakahibalo sa kamatuoran, naghinulsol sila ug nahimong “malig-on ug makanunayon sa hugot nga pagtuo” (Helaman 15:4, 8). Ang mga Nephite, sa pagtandi, napuno sa garbo ug misalikway sa mga kamatuoran sa ebanghelyo.
Basaha pag-ayo ang Helaman 15:7–8, ug sulati ang mga blangko sa mosunod nga pamahayag: Ang kasayuran sa kamatuoran ug ang pagtuo sa balaan nga mga kasulatan mosangput ngadto sa ug , nga nagdala ; busa kutob sa modangop niini .
Sa dihang ang mga Lamanite nakahibalo sa kamatuoran pinaagi sa pagtuon ug pagtuo sa mga kasulatan, nakapalambo sila og pagtuo kang Jesukristo ug gigiyahan ngadto sa paghinulsol. Nakasinati sila og kausaban sa kasingkasing ug nahimong lig-on ug makanunayon sa hugot nga pagtuo.
-
-
Kanus-a nga ang imong pagtuon sa mga kasulatan nakatabang nimo sa paghimo sa gikinahanglan nga mga kausaban sa imong kinabuhi?
-
Unsa sa imong hunahuna nga ang kinaiya sa matinud-anong pagtuon sa kasulatan makatabang sa usa ka tawo nga makadawat og kausaban sa kasingkasing?
-
Ang mga pagtulun-an ni Samuel makatabang nato nga makasabut sa kaimportante sa pagpabilin nga matinud-anon sa kahibalo ug sa hugot nga pagtuo nga atong naangkon. Basaha ang Helaman 15:14–17, ug pangitaa ang mga pulong nga nagpakita sa mosunod nga baruganan sa ebanghelyo: Kon ang mga tawo dili na matuohon human makadawat sa kahingpitan sa ebanghelyo, makadawat sila og mas dako nga panghimaraut. Mahimo nimong isulat kini nga kamatuoran sa imong kasulatan tupad sa mga bersikulo. Mahimo usab nimong isulat ang D&P 82:3 isip cross-reference diha sa margin sa imong mga kasulatan.
Unsa ang kagamitan niini nga baruganan sa imong kinabuhi? Diha bay mga panahon nga lahi ang imong gibuhat batok sa unsay imong nahibaloan nga tinuod? Unsay kinahanglan nimong buhaton sa pagpalig-on sa imong pagtuo sa Manluluwas, paghinulsol, ug magmalig-on ug magmakanunayon sa mga kamatuoran sa ebanghelyo?
Helaman 16
Kadtong mituo ni Samuel gibunyagan; ang uban nagpatig-a sa ilang mga kasingkasing
Pamalandunga kon unsa sa kasagaran ang imong reaksyon sa mga pulong sa buhi nga mga propeta ug mga apostoles. Ang mga Nephite gihatagan og kahigayunan sa pagdawat sa mga pulong sa Lamanite nga propeta nga si Samuel. Gamita unsay imong nakat-unan sa Helaman 16:1–7 sa pagsulat sa mosunod nga tsart sa pag-ila kinsa nga mga tawo ang mituo ug unsay reaksyon sa mga Nephite.
|
Kini ba nga grupo sa mga Nephite mituo? |
Unsay reaksyon niining mga katawhan ngadto sa mga pulong ni Samuel? | ||
|---|---|---|---|
|
Oo |
Dili | ||
-
-
Ngano sa imong hunahuna nga ang ubang mga batan-on tingali masuko ug mosalikway sa tambag sa mga propeta karon?
-
Kanus-a ka nakakita og usa ka tawo nga mipili sa pagsunod sa tambag sa usa ka propeta bisan ang uban misalikway niini?
-
Kanus-a ikaw mipili sa pagsunod sa tambag sa usa ka propeta bisan ang uban sa imong palibut misalikway niini?
-
Unsay imong nakat-unan mahitungod sa mga pulong sa mga propeta sa Helaman 16:13–14?
-
Pamalandunga ang mosunod nga pamahayag gikan ni Presidente Ezra Taft Benson kon unsay pagtuo sa mga tawo sa kalibutan sa moderno nga mga propeta: “Ang propeta dili popular sa kalibutan o sa kalibutanon. Kon ang usa ka propeta mopadayag sa kamatuoran, nagbahin kini sa mga tawo. Ang matinuoron sa kasingkasing maminaw sa iyang mga pulong, apan ang dili matarung mobaliwala o makig-away kaniya. Kon ang propeta mosulti sa mga sala sa kalibutan, sa kalibutanon, imbis nga maghinulsol sa ilang mga sala, sila gusto nga mopatak-um sa ba-ba sa propeta o magpakaaron-ingnon nga walay propeta. Ang pagkapopular dili gayud usa ka pagsulay sa kamatuoran. Daghang mga propeta ang gipatay o gisalikway. Samtang magkaduol kita sa ikaduhang pag-anhi sa Ginoo, makapaabut kamo nga samtang ang mga tawo sa kalibutan magkadautan, ang propeta dili na kaayo popular alang nila” (The Teachings of Ezra Taft Benson [1988], 133).
Basaha ang Helaman 16:16–21 aron mahibaloan sa unsa nga paagi nga ang mga dili tumutuo mihatag og katarungan sa ilang pagsalikway sa katumanan sa mga panagna ug mga timailhan gikan sa langit. Tingali mahimo nimong markahan ang imong mga kasulatan hain niini nga mga pamalibad o mga argumento batok sa mga propeta nga imong gituohan nga labing komon sa atong panahon.
Basaha ang Helaman 16:23, ug isulat sa imong mga kasulatan o diha sa imong scripture study journal ang sangputanan nga moabut niadtong mosalikway sa mga saksi sa Ginoo. Ang imong pamahayag mahimong susama sa mosunod nga baruganan: Kon atong isalikway ang mga saksi sa Ginoo, gitugutan nato si Satanas sa pagkontrol sa atong mga kasingkasing.
Basaha ang mosunod nga pamahayag gikan si Presidente Henry B. Eyring sa Unang Kapangulohan, ug markahi ang bisan unsa sa iyang mga pulong nga nagmatuod unsay imong nakat-unan gikan sa Helaman 16: “Kon isalikway nato ang tambag nga gikan sa Dios, wala kita mopili nga mahimong independente sa impluwensya sa gawas. Mipili kita og laing impluwensya. Atong gisalikway ang panalipod sa hingpit nga pagkamahigugmaon, gamhanan sa tanan, nasayud sa tanan nga Amahan sa Langit, kansang tibuok katuyoan, sama sa Iyang Hinigugma nga Anak, mao ang paghatag kanato og kinabuhing dayon, sa paghatag kanato sa tanan nga Iyang gipanag-iya ug sa pagdala kanato pag-usab pauli sa panimalay isip mga pamilya ngadto sa mga bukton sa Iyang gugma. Sa pagsalikway sa Iyang tambag, atong gipili ang impluwensya sa laing gahum, kansang katuyoan mao ang paghimo kanato nga makalolooy ug kansang motibo mao ang kasilag. Kita adunay moral nga kabubut-on isip gasa sa Dios. Kay sa katungod nga mopili nga makalingkawas sa impluwensya, kini ang dili makuha nga katungod ang pagtugyan sa atong mga kaugalingon ngadto sa bisan unsa niadto nga gahum nga atong gipili” (“Finding Safety in Counsel,” Ensign, Mayo 1997, 25).
Unsay gisulti ni Presidente Eyring nga mahitabo kon isalikway nato ang impluwensya sa Dios sa atong mga kinabuhi? Ngano nga importante nga masabtan nga kon isalikway nato ang impluwensya sa Dios, kita mahimong mapaubos sa impluwensya ni Satanas?
Ikonsiderar kon duna bay higayon nga imong gipatig-a ang imong kasingkasing batok sa tambag nga gihatag sa mga propeta ug mga apostoles. Tingali makatabang ang pagribyu sa Alang sa Kalig-on sa mga Kabatan-onan nga pamphlet samtang imong hunahunaon unsay gitudlo niini ug giunsa nimo pagdawat ang ilang tambag. Paghukom unsay imong buhaton karon aron magmalig-on ug magmakanunayon sa pagsunod sa ebanghelyo ug sa pagpaminaw sa tambag sa mga propeta sa Ginoo.
-
Akong natun-an ang Helaman 15–16 ug nahuman kini nga leksyon niadtong (petsa).
Dugang nga mga pangutana, mga hunahuna, ug mga panabut nga gusto nakong ipakigbahin sa akong magtutudlo: