Unit 22: Day 3
Helaman 5
Pasiuna
Ang mga Nephite nagpadayon sa pagkadautan hangtud nga kadaghanan kanila mipili sa dautan kay sa matarung. Nadasig sa mga pulong sa ilang amahan, sila si Nephi ug Lehi mihalad sa ilang kaugalingon sa pagsangyaw sa ebanghelyo. Ang ilang amahan, nga si Helaman, mitudlo kanila sa kaimportante sa pagtukod sa ilang kinabuhi diha sa pundasyon sa Manluluwas. Human motudlo sa mga Nephite, sila si Lehi ug Nephi misangyaw ngadto sa mga Lamanite ug gibalhug ngadto sa bilanggoan. Human nga milagrosong giluwas sa Ginoo sila si Nephi ug Lehi gikan sa bilanggoan, ang kadaghanan sa mga Lamanite nakabig ngadto sa ebanghelyo.
Helaman 5:1–13
Gitudloan ni Helaman ang iyang mga anak nga sila si Nephi ug Lehi sa paghinumdom sa mga sugo sa Dios ug sa gahum ni Jesukristo sa pagtabang kanila
Basaha ang mosunod nga unom ka mga pulong ug hugpong sa mga pulong. Aron matabangan ka sa pagkompleto sa sunod nga kalihokan, paningkamuti ang paghinumdom sa matag usa niini. Hangyoon ikaw sa pagsulat niini gikan sa hunahuna diha sa imong scripture study journal: pamilya, mga ginikanan, ang Pag-ula ni Jesukristo, mga propeta, paghinulsol mosangput sa kaluwasan, tumana ang mga sugo.
-
Isira ang imong manwal, ug isulat kining unom ka mga pulong o hugpong sa mga pulong diha sa imong scripture study journal gikan sa hunahuna.
Susiha ang imong mga tubag. Hunahunaa sa makadiyot kon sayon ba o lisud ang paghinumdom sa mga pulong. Sa imong pagtuo nakahimo ba og kalainan nga ikaw gisultihan nga hangyoon ka sa pagsulat sa mga item gikan sa hunahuna?
Basaha ang mosunod nga pamahayag gikan ni Presidente Spencer W. Kimball ug hunahunaa ngano nga ang paghinumdom usa ka importante nga pulong kon kita maningkamot sa pagsunod sa ebanghelyo: “Kon tan-awon nimo sa diksyonaryo ang labing importante nga pulong, nasayud ba ikaw unsa kini? Mahimong kini mao ang paghinumdom. Tungod kay kamong tanan nakahimo og mga pakigsaad—nasayud kamo unsay buhaton ug nasayud kamo unsaon sa pagbuhat niini—ang atong labing dako nga panginahanglan mao ang paghinumdom” (“Circles of Exaltation” [pakigpulong ngadto sa mga religious educator sa Church Educational System , Hunyo 28, 1968], 5).
Karon imong tun-an ang mahitungod sa duha ka mga tawo kinsa nakahimo og kalainan sa mga kinabuhi sa liboan ka mga tawo tungod kay ilang nahinumduman ang mga kamatuoran nga gitudlo ngadto kanila sa ilang amahan. Sa pagpadayon sa leksyon karon, pamalandunga unsa sa imong hunahuna ang gusto sa Ginoo nga imong hinumduman.
Sama sa gipasabut sa Helaman 5:1–4, miundang si Nephi isip labaw nga maghuhukom tungod kay ang mga katawhan nahimong dautan na kaayo. Siya ug ang iyang igsoon nga si Lehi gustong mohalad sa ilang tanang panahon sa pagsangyaw sa pulong sa Dios. Sa ilang pagsugod sa ilang pangalagad, ilang gihinumduman ang mga pagtulun-an sa ilang amahan, nga si Helaman. Basaha ang mosunod nga mga bersikulo ug i-summarize diha sa mga blangko nga gibutang unsay gihangyo ni Helaman nga hinumduman sa iyang mga anak nga lalaki. Mahimo nimong markahan ang pulong nga hinumdom matag higayon nga makita kini niining mga bersikulo.
-
-
Sa unsa nga paagi nga ang paghinumdom sa matarung nga mga ehemplo sa uban makatabang nimo sa pagpili nga “magbuhat niana nga maayo”? (Helaman 5:7).
-
Unsay imong gibuhat aron mahinumduman ang Pag-ula ni Jesukristo?
-
Basaha pag-usab ang Helaman 5:12, nga mangita sa mga pulong nga nagsuporta niini nga baruganan: Kon tukuron nato ang atong pundasyon diha ni Jesukristo, si Satanas walay gahum kanato. (Ang Helaman 5:12 usa ka bersikulo sa scripture mastery. Mahimo nimo kining markahan sa lahi nga paagi aron makit-an nimo kini sa umaabut.)
Hunahunaa nga ikaw gisugo sa pagdesinyo og building nga dili gayud malusno. Hunahunaa ang mga tubag sa mosunod nga mga pangutana:
-
Unsa nga klase sa pundasyon ang gikinahanglan sa mao nga building?
-
Sa unsa nga paagi nga ang lig-on nga pundasyon makatabang sa building sa pagbatok sa klima, natural nga mga katalagman, o ubang malisud nga mga sirkumstansya?
-
Unsa ang gisugyot sa mga pulong sa Helaman 5:12 nga ang pagtukod diha sa pundasyon ni Jesukristo, atong Manunubos, dili makapugong sa mga pangataki sa kaaway apan makahatag nimo og kusog sa pagbuntog niini?
-
-
Unsa sa imong hunahuna ang gipasabut sa pagtukod sa pundasyon sa imong kinabuhi diha sa lig-on nga tukuranan ni Jesukristo? Giunsa nimo sa pagpaningkamot sa pagbuhat niini sa imong kinabuhi?
-
Kanus-a ka nakabatok sa tintasyon o pagsulay tungod kay ang pundasyon sa imong kinabuhi mao si Jesukristo?
-
Sa unsa nga paagi nimo mapalambo ang paghimo sa Manluluwas nga pundasyon sa imong kinabuhi?
-
Helaman 5:14–52
Ang Ginoo nanalipod ni Nephi ug Lehi sa bilanggoan ug mipaiway sa kangitngit gikan sa ilang mga tigdakop sa dihang nangamuyo sila Kaniya ug naghinuslol
Sumala sa narekord sa Helaman 5:14–19, sila si Nephi ug Lehi misangyaw sa ebanghelyo uban sa dakong gahum didto sa yuta sa Zarahemla ug mibunyag og liboan ka mga tawo didto. Dayon mipanaw sila ngadto sa yuta ni Nephi, nga mao ang yuta sa mga Lamanite. Ang mosunod nga kalihokan gihimo aron sa pagtabang kanimo nga makasabut sa talagsaong mga kasinatian nila ni Nephi ug Lehi taliwala sa mga Lamanite.
-
Sila si Nephi ug Lehi taliwala sa mga Lamanite
Niini nga kasinatian ang panganod nga mangitngit mahimong magrepresentar sa sala ug ang gilis sa kalayo nga naglibut sa matag tawo magrepresentar sa Espiritu Santo.
Ribyuha ang mga bersikulo 28 ug 34, ug isulat kon unsay gibati sa mga tawo sa dihang sila anaa sa panganod nga mangitngit:
Ribyuha ang mga bersikulo 43 ug 44, ug isulat kon unsay gibati sa mga tawo sa dihang gilibutan sila sa gilis sa kalayo:
Ribyuha ang mga bersikulo 41 ug 42, ug isulat kon unsay gibuhat sa mga tawo sa pagkuha sa panganod nga mangitngit, o sa laing mga pulong, sa paghinulsol sa ilang mga sala:
Basaha ang Helaman 5:45–47, ug pamalandunga unsa nga mga kamatuoran ang imong nakat-unan mahitungod sa paghinulsol gikan niini nga kasinatian. Usa ka baruganan mao: Kon kita magpakita og hugot nga pagtuo ni Jesukristo ug maghinulsol sa atong mga sala, ang Espiritu Santo mopuno sa atong mga kasingkasing uban sa kalinaw ug kalipay.
Sa Helaman 5:48–52 atong makat-unan nga mga 300 ka mga Lamanite kabahin niini nga milagro ug hingpit nga nakabig sa ebanghelyo. Miadto sila ug nangalagad sa ilang mga katawhan hangtud nga “ang labaw nga bahin sa mga Lamanite” nakabig (Helaman 5:50). Kini nga mga kinabig “mibutang sa ilang mga hinagiban sa gubat” (Helaman 5:51) ug “mitugyan ngadto sa mga Nephite sa mga yuta nga ilang gipanag-iya” (Helaman 5:52). Sa kasagaran diha sa Basahon ni Mormon, nakuha pagbalik sa mga tawo ang ilang mga yuta pinaagi sa gubat, apan niining higayuna nakuha pagbalik sa mga Nephite ang ilang mga yuta tungod kay ang ilang mga kaaway naghinulsol ug midawat sa ebanghelyo.
-
Scripture Mastery—Helaman 5:12
Basaha ang Helaman 5:12, ug pangitaa ang mga pulong nga nagsugyot og makita nga mga imahe nganha nimo (pananglitan, lig-on nga sukaranan, tukuranan, hangin, ulan nga yelo, unos). Aron matabangan ka nga makamemorya niini nga bersikulo, pagkuha og piraso nga papel ug isulat niini ang unang letra sa matag pulong sa bersikulo, gawas kon ang pulong nagsugyot og makita nga imahe. Dayon, imbis usa ka letra, pagdrowing og yanong litrato nga nagrepresentar niana nga pulong. Praktisa ang pag-recite sa bersikulo gamit lamang ang imong piraso sa papel. Ibutang ang imong papel sa lugar nga makita nimo kini kanunay aron pagtabang nimo nga mahinumdom sa mga kamatuoran niini nga bersikulo.
-
Akong natun-an ang Helaman 5 ug nahuman kini nga leksyon niadtong (petsa).
Dugang nga mga pangutana, mga hunahuna, ug mga panabut nga gusto nakong ipakigbahin sa akong magtutudlo: