Pasiuna sa Jarom

Nganong Kinahanglang Tun-an Kini nga Basahon?

Samtang magtuon ka sa basahon ni Jarom, imong makita nga ang Dios motuman sa Iyang saad sa pagpanalangin niadtong mosunod sa Iyang mga sugo. Makat-unan usab nimo ang mahitungod sa mga paningkamot sa mga hari, mga propeta, mga magtutudlo, ug mga pari nga Nephite sa panahon ni Jarom aron sa pagtabang sa katawhan sa paghinulsol ug paglikay sa kalaglagan.

Kinsa ang Nagsulat Niini nga Basahon?

Ang anak ni Enos nga si Jarom ang misulat niini nga basahon. Sama sa iyang amahan—ug sama sa iyang apohan nga si Jacob ug sa iyang apohan sa tuhod nga si Lehi—si Jarom nakaangkon sa espiritu sa pagpanagna ug pagpadayag (tan-awa sa Jarom 1:2). Sa dihang nahuman na siya sa iyang rekord, iyang gipasa ang gagmay nga mga palid ni Nephi ngadto sa iyang anak nga si Omni.

Kanus-a ug Diin Kini Gisulat?

Ang basahon ni Jarom milangkob sa gibana-bana nga mga 59 ka tuig, gikan sa mga 420 B.C. hangtud sa 361 B.C. (tan-awa sa Enos 1:25; Jarom 1:13). Gisulat kini sa yuta sa Nephi.