Human makasaksi sa apostasiya nga matang sa pagsimba sa mga Zoramite, si Alma ug ang iyang mga kaubanan misangyaw sa pulong sa Dios ngadto kanila. Nagsugod sila sa pagsinati og pipila ka mga kalampusan ngadto sa mga tawo nga mga kabus ug gipalayas gikan sa mga sinagoga sa mga Zoramite. Gamit ang pagkumpara sa pagtanom ug pag-alima sa usa ka liso, gitudloan sila ni Alma unsay angay nilang buhaton aron makadawat ug makaalima og pagtuo sa pulong sa Dios. Si Alma midapit kanila (ug kanato) sa pag-eksperimento sa pulong ug sa pag-alima matag adlaw sa ilang pagtuo ug pagpamatuod.
Gitudloan ni Alma ang mga Zoramite kinsa nahimong mga mapainubsanon tungod sa ilang kakabus
Hunahunaa nga usa ka higala nangutana nimo kon unsaon sa usa ka tawo sa pagkahibalo nga tinuod ang Simbahan. Sa imong scripture study journal, isulat ang imong tubag kon unsaon sa pag-angkon og pagpamatuod. Dayon isulat Unsaon sa pagkadawat ug paglig-on og usa ka pagpamatuod diha sa sunod nga linya sa imong journal. Samtang magtuon ka sa Alma 32, paghimo og lista ubos niini nga ulohan sa mga panabut nga imong nadiskubrihan kon unsaon sa pagkadawat ug paglig-on og usa ka pagpamatuod. Ipadayon ang pagdugang dinhi sa lista hangtud sa tibuok nimo nga leksyon; busa, makatabang ang pagbilin og ekstra nga luna sa tunga dinhi sa unang scripture study journal nga assignment ug sa assignment 2.
Sa milabay nga leksyon sa (Alma 31), imong nabasa sa unsang paagi nabantayan ni Alma ug sa iyang mga kaigsoonan ang sayop nga pagsimba sa mga Zoramite, nga usa ka grupo sa mga Nephite kinsa mibiya sa kamatuoran. Human sa hugot nga pagtuo nga pag-ampo ni Alma, siya ug ang iyang mga kaigsoonan nagsugod sa pagsangyaw sa ebanghelyo niining mga tawhana. Basaha ang Alma 32:1–3, ug pangitaa kon asa nga grupo sa mga Zoramite ang nagpakita og interes sa mensahe sa mga misyonaryo.
Basaha ang Alma 32:4–6, ug hibaloi sa unsang paagi nga usa ka panalangin ang epekto niini nga kakabus.
Usa sa baruganan nga gihulagway niini nga mga bersikulo mao: Ang pagpaubos mag-andam kanato sa pagdawat sa pulong sa Dios. Isulat ang magmapainubsanon diha sa imong scripture study journal ubos sa ulohan nga “Unsaon sa pagkadawat ug paglig-on og usa ka pagpamatuod.”
Sa imong scripture study journal, isulat kon ngano kaha nga ang pagpaubos mahinungdanon man sa pagkadawat ug paglig-on og usa ka pagpamatuod.
Basaha ang Alma 32:13–16, nga mangita sa lain-laing mga pamaagi nga ang mga tawo mahimong mapainubsanon. Base sa unsay gitudlo ni Alma, mas pilion ba nimo ang pagpaubos o pugson ka sa pagpaubos? Ngano man?
Hunahunaa kon unsa kaha ang ipasabut sa pagpaubos sa kaugalingon “tungod sa pulong” (Alma 32:14). Sa unsang paagi kaha kini magamit sa imong kinaiya ngadto sa kalihokan sa Simbahan, seminary, o family home evening?
Pilia ang pagpaubos pinaagi sa paggamit sa bisan unsang mga pag-aghat nga imong nadawat kabahin sa kaugalingon nimong kamapainubsanon.
Gitudloan ni Alma ang mga Zoramite unsaon sa pagpalambo sa ilang pagtuo
Samtang nagtudlo sa mga Zoramite, nailhan ni Alma ang usa ka sayop nga ideya nga gibatunan sa daghang mga two mahitungod sa pag-angkon og usa ka pagpamatuod. Basaha ang Alma 32:17–18, ug ilha kining sayop nga ideya.
Hunahunaa sa makadiyot sa unsang paagi ang pagpaabut og usa ka timailhan mamahimong babag sa pagtukod og pagtuo ug pagpamatuod. (Mahimo nimong isulat ang D&P 63:9–11 diha sa margin sa imong mga kasulatan tupad sa Alma 32:17–18 ug basaha kini alang sa dugang pa nga panabut.)
Basaha ang Alma 32:21, usa ka scripture mastery passage, ug pangitaa ang depinisyon ni Alma kon unsa ang pagtuo ug unsa ang dili. (Mahimo nimong markahan kini sa lahi nga paagi aron mapangita nimo kini sa umaabut.)
Basaha ang Alma 32:22. Pamalandunga kon unsay imong mahimo sa pagpalambo og mas hugot nga pagtuo ug personal nga pagpamatuod.
Idugang ang hinumduman ang kalooy sa Dios ug ang pilion ang pagtuo diha sa lista sa imong scripture study journal sa “Unsaon sa pagkadawat ug paglig-on og usa ka pagpamatuod.”
Gitudloan ni Alma ang mga Zoramite sa unsang paagi sila makasugod sa pagtuo sa pulong sa Dios pinaagi sa pag-ekspiremento. Paghunahuna og pipila ka eksperimento nga imong nahimo sa mga klase sa science o ubang mga klase ug ang mga lakang nga imong gisunod. Timan-i nga ang mga eksperimento nagkinahanglan og buhat gikan sa tig-siksik. Sa samang paagi, ang proseso sa pagkadawat o paglig-on sa usa ka pagpamatuod nagkinahanglan og buhat gikan sa imong bahin. Basaha ang Alma 32:27, ug pangitaa ang eksperimento nga gisugyot ni Alma nga sulayan sa mga Zoramites.
Tingali makatabang ang pagkahibalo nga ang pulong nga galamhan nagpasabut sa mga gahum o mga abilidad nga gipanalangin kanato aron mahibaloan ug masabtan ang kalibutan sa atong palibut. Naglakip kini sa mga butang sama sa atong mga pamalatian sa pagpaminaw, pagtan-aw, ug paghikap; pagpangatarungan; ug paghinumdom.
Idugang ang ekperimentuhan (o lihukon) ang pulong diha sa lista sa imong scripture study journal nga “Unsaon sa pagkadawat ug paglig-on og usa ka pagpamatuod.”
Samtang imong basahon ang Alma 32:28, mahimo nimong markahan ang imong mga kasulatan ang mga pulong sama sa “mosugod sa pagtubo,” “pagpadako sa akong kalag,” “pagdan-ag sa akong salabutan,” ug “pagkaanindot ngari kanako.” Si Elder Bruce R. McConkie sa Korum sa Napulog Duha ka mga Apostoles mitudlo sa unsang paagi molambo ang atong pagtuo:
Imahe
Elder Bruce R. McConkie
“Molambo kita diha sa pagtuo: mahimo kini og lakang sa usa ka lakang gikan sa mas ubos nga ang-ang ngadto sa mas taas nga ang-ang. Madugang nato ang grasya sa laing grasya hangtud nga kita moabut sa kahimtang diin mahingpit na ang atong pagtuo, sama sa makab-ot sa mga matarung sa kinatibuk-an, nga mahimo sa mga mortal nga tawo, ug maanaa kita sa dapit diin makapadayon kita sa kahangturan sa mahangturon nga paglambo. …
“Buhata ang mga buluhaton ug kon nahimo na nimo ang usa ka lakang sa pag-angkon og pagtuo, maghatag kini og kasiguroan diha sa imong kalag nga ikaw makapadayon sa sunod nga lakang, ug anam-anam ang imong gahum o impluwensya molambo” (Lord, Increase Our Faith, Brigham Young University Speeches of the Year [Okt. 31, 1967], 9, 11).
Human og basa sa Alma 32:28, kompletuha ang duha o daghan pa sa mosunod nga mga assignment diha sa imong scripture study journal:
Unsa nga mga buhat ang angay natong lihukon o dili lihukon samtang himoon nato kini nga eksperimento sa pulong? (Ang lista sa posibling mga tubag gilakip diha dapit sa katapusan sa leksyon.)
Unsa kaha ang ipasabut sa “mohatag og luna, nga [ang pulong sa Dios] matanom diha sa imong kasingkasing”?
Kanus-a ka mibati sa pulong sa Dios nga mipadako sa imong kalag ug midan-ag sa imong salabutan? Ihulagway sa kaugalingon nimong mga pulong kon unsa kaha ang pagbati niana.
Basaha ang Alma 32:29–34, ug markahi ang mga pulong o hugpong sa mga pulong nga naghulagway kon unsay makat-unan sa usa ka tawo mahitungod sa pulong sa Dios kon buhaton niya ang eksperimento. Ang pulong nga moalima nagpasabut sa pagpakaon, pagmintenar, o pag-atiman.
Imahe
seed in ground
Hunahunaa sa makadiyot sa unsang paagi ang proseso sa pagtabang sa kahoy aron motubo susama ra sa pagtabang sa imong pagpamatuod nga motubo. Ikonsiderar usab kon nganong ang pagtuo sa usa ka tawo ug pagpamatuod dili pa mahingpit hangtud mahimo ang eksperimento sa pulong sa Dios. Unsa pa kaha ang dugang gikinahanglan nga buhaton aron makaangkon og malungtaron nga pagpamatuod sa ebanghelyo?
Basaha og maayo ang Alma 32:35–40, nga mangita kon unsay gisulti ni Alma nga angay natong buhaton aron makompleto ang eksperimento. Pamalandunga kon unsay angay nimong buhaton sa kahoy, o sa imong pagpamatuod, aron motubo. Unsa ang mahitabo kon mapakyas ka sa paghimo niining mga butanga?
Imahe
Tree Small
Isarado ang imong mga kasulatan, ug sulayi kon pila sa mosunod nga mga pangutana ang imong matubag:
Unsay kinahanglan gayud natong buhaton aron ang atong pagtuo sa pulong sa Dios motubo ngadto sa usa ka mamunga nga kahoy?
Unsa kaha ang girepresentaran sa bunga?
Unsay mahitabo kon mataligam-an nato ang kahoy o dili kini maalimahan?
Sa unsang paagi kaha kini susama nga mahitabo kon mataligam-an nato o dili maalimahan ang usa ka pagpamatuod?
Kon gikinahanglan, ablihi ang imong mga kasulatan ug ribyuha ang Alma 32:35–40 aron matabangan ka sa pagtubag sa mga pangutana. Idugang ang magkugi sa pag-alima diha sa imong lista nga “Unsaon sa pagkadawat ug paglig-on og usa ka pagpamatuod” sa scripture study journal.
I-summarize sa usa ka sentence kon unsay imong nakat-unan sa Alma 32 kon unsay gikinahanglan aron makadawat o malig-on ang usa ka pagpamatuod, ug isulat kini nga baruganan diha sa imong mga kasulatan duol sa Alma 32:37–43.
Tingali gisulat nimo ang sama sa: Kon magkugi kita sa pag-alima sa atong pagtuo sa pulong sa Dios diha sa atong mga kasingkasing, ang atong pagtuo ug pagpamatuod kang Jesukristo ug sa Iyang ebanghelyo motubo.
Basaha ang Alma 32:41–43, nga mangita kon sa unsang paagi gihulagway ni Alma ang bunga nga moabut sa mga tawo nga matinud-anong moalima sa ilang mga pagpamatuod. Ang Alma 32:42 naghisgot sa kakugi ug pagpailub. Ngano kaha nga nagkinahanglan man og kakugi ug pailub aron ang kahoy—o imong pagpamatuod—motubo?
Imahe
Large Small
Tubaga ang usa o ang duha ka pangutana diha sa imong scripture study journal:
Unsa ang nakita nimong mga resulta sa imong kinabuhi dihang gisunod nimo ang eksperimento nga gihulagway ni Alma sa Alma 32?
Sa unsang paagi nimo magamit ang eksperimento nga gihulagway diha sa Alma 32 sa imong kinabuhi?
Basaha og usab ang Alma 32:21. Sulayi sa pagmemorya kini nga bersikulo, ug dayon i-recite kini gikan sa imong hunahuna ngadto sa usa ka higala o sakop sa pamilya. Pagsulat og pipila ka sentence diha sa imong scripture study journal nga magpasabut unsay gitudlo niini nga bersikulo mahitungod sa pagtuo.
Posibling mga tubag para sa assignment 3a: (a) mohatag og luna alang sa pulong (o liso) nga matanom sa imong kasingkasing, (b) dili ilabay ang liso pinaagi sa imong kawalay pagtuo, ug (c) ilhon ang tinuboan sa liso.
Isulat ang mosunod sa ubos sa mga assignment karong adlawa diha sa imong scripture study journal:
Akong natun-an ang Alma 32 ug nahuman kini nga leksyon sa (petsa).
Dugang nga mga pangutana, mga hunahuna, ug mga panabut nga gusto nakong ipakigbahin sa akong magtutudlo: