Human masugilon ang daghang katuigan sa kasaysayan sa mga Jaredite, gipaila ni Moroni ang pangalagad ni propeta Ether. Mihunong dayon si Moroni sa iyang pagsugilon sa kasaysayan ug mirekord sa pipila ka mga panalangin nga moabut niadtong nagpakita og hugot nga pagtuo diha ni Jesukristo. Misulti usab siya og usa ka problema. Nabalaka siya nga kadtong mobasa sa Basahon ni Mormon sa ulahing mga adlaw dili modawat niini tungod sa iyang kahuyang ug sa ubang mga tigsulat diha sa pagsulat. Misaad ang Ginoo ni Moroni nga Iyang lig-unon ang mga kahuyang sa tanan niadtong kinsa mopaubos sa ilang kaugalingon sa Iyang atubangan ug magbaton og hugot nga pagtuo.
Nagsangyaw si Ether og paghinulsol ngadto sa mga Jaredite
Imahe
boat anchored to beach
Nganong importante man alang sa usa ka sakayan nga dunay angkla? Unsa nga mga kakuyaw o kalisdanan ang mahimong masugatan sa usa ka sakayan kon wala kini angkla? Butangi og ngalan ang sakayan diha sa litrato og Ang akong kinabuhi. Hunahunaa ang mosunod nga mga pangutana:
Kon ang sakayan nagrepresentar sa imong kinabuhi, sa unsa man ipahisama ang mga balud?
Kon atong itandi ang mga balud ngadto sa kalisdanan ug pagkadautan, unsa man kaha ang mahitabo sa kinabuhi sa usa ka tawo kon siya walay angkla? (Tan-awa sa Mormon 5:18.)
Unsa ang gihatag sa Ginoo kanimo aron matabangan ka nga mapabiling luwas sama sa angkla?
Samtang magtuon ka sa Ether 12, pangitaa kon unsay kinahanglan gayud nimong buhaton aron mahisama sa usa ka sakayan nga dunay angkla—lig-on ug luwas bisan pa man sa mga balud ug mga pagpamugos nga imong sagubangon. Ang Ether 12 nagsugod kang Moroni nga nagpaila ni propeta Ether, kinsa nagpuyo sa usa ka panahon nga ang katawhan misalikway sa mga propeta ug nagpuyo sa pagkadautan. Basaha ang Ether 12:1–3, ug pangitaa ang bisan unsa nga nakapadayeg kanimo bahin sa mga binuhatan ni Ether atol niining lisud nga mga kahimtang.
Samtang naglibut nga nag-awhag sa katawhan nga maghinulsol, nagtudlo si Ether kon unsay malauman sa usa ka tawo nga mituo sa Dios bisan pa man nga malibutan og kalisdanan ug pagkadautan. Basaha ang Ether 12:4, ug markahi kon unsa kana nga paglaum. (Samtang magbasa ka, mahimong makatabang nga masayran nga ang pagbaton og “usa ka dapit diha sa tuo nga kamot sa Dios” nagpasabut nga mobalik ngadto sa presensya sa Dios ug makadawat og kinabuhing dayon.)
Tubaga ang mosunod nga mga pangutana diha sa imong scripture study journal:
Sa imong hunahuna nganong ang pagbaton og paglaum “uban sa kasiguroan” lahi man kay sa basta lang maghandum lang alang sa usa ka butang?
Sa unsang paagi nga ang hugot nga pagtuo kang Jesukristo makatugot kanato nga molaum “uban sa kasiguroan” alang sa usa ka dapit diha sa tuo nga kamot sa Dios?
Unsa nga mga pulong diha sa Ether 12:4 ang naghulagway sa mga binuhatan sa usa ka tawo nga dunay paglaum ug hugot nga pagtuo kang Jesukristo?
Diha sa litrato sa sakayan sa sinugdanan niini nga leksyon, sulati ang angkla og mga pulong nga hugot nga pagtuo ug paglaum.
Ang Ether 12:4 nagtudlo sa baruganan nga kon kita dunay paglaum ug hugot nga pagtuo kang Jesukristo, makadawat kita og kalig-on nga mahimong makanunayon ug puno sa maayo nga mga buhat.
Pamalandunga ang mga panahon nga mahimong lisud alang nimo nga magmakanunayon (dili matarug) ug puno sa maayo nga mga buhat. Aron matabangan ka niining mga sitwasyon ug sa tibuok nimong kinabuhi, pangita og mga paagi nga imong mapalambo ang imong pagtuo diha ni Ginoong Jesukristo samtang magpadayon ka sa pagtuon sa Ether 12.
Gisaysay ni Moroni ang mga milagro ug dagkong mga buhat nga miabut tungod sa hugot nga pagtuo
Sa imong scripture study journal, humana ang mosunod nga sentence pinaagi sa bisan unsang mga kamatuoran sa ebanghelyo nga nagtinguha ka og espirituhanong pagsaksi: Ganahan ko nga makabaton og espirituhanong pagsaksi sa …
Ang ubang mga tawo mobati nga kinahanglan gayud silang makakita una og ebidensya sa kamatuoran ug mapamatud-an kini ngadto nila sa dili pa nila kini sundon. Namulong si Moroni bahin niana nga kinaiya diha sa Ether 12:5–6. Basaha kini nga mga bersikulo ug markahi kadtong mga bahin sa iyang tambag nga makahuluganon diha kanimo. (Ang Ether 12:6 usa ka scripture mastery passage.)
Sumala sa Ether 12:6, unsa ang kinahanglan gayud natong maangkon sa dili pa makadawat og pagsaksi gikan sa Ginoo? Unsay mosantup sa hunahuna kon maghunahuna ka bahin sa “pagsulay sa inyong hugot nga pagtuo”?
Imahe
Elder Richard G. Scott
Ang ubang mga tawo nasayop sa paghunahuna bahin sa “pagsulay sa inyong hugot nga pagtuo” nga kanunayng nagpasabut sa kalisdanan. Si Elder Richard G. Scott sa Korum sa Napulog Duha ka mga Apostoles mihatag niining ideya sa unsay gipasabut sa “pagsulay sa inyong hugot nga pagtuo”: “Makakat-on kamo sa paggamit sa hugot nga pagtuo sa mas epektibong paagi pinaagi sa paggamit niini nga baruganan nga gitudlo ni Moroni: ‘… kamo dili makadawat og saksi hangtud human sa pagsulay sa inyong hugot nga pagtuo’ [Ether 12:6; mga italic gidugang]. Mao nga, matag higayon nga inyong sulayan ang inyong hugot nga pagtuo, buot ipasabut nga, takus nga mobuhat sa usa ka impresyon, makadawat kamo sa mapamatud-anong ebidensya sa Espiritu. Kana nga mga pagbati makapalig-on sa inyong pagtuo. Sa inyong pagsubli niana nga sumbanan, ang inyong pagtuo mahimong mas lig-on” (“Ang Maabagon nga Gahum sa Hugot nga Pagtuo sa Walay Kasigurohan nga mga Panahon ug Pagsulay,” Ensign o Liahona, Mayo 2003, 76).
Basaha ang mosunod nga mga tudling sa kasulatan, ug pangitaa ang mga panalangin nga miabut human nga ang katawhan mipakita og hugot nga pagtuo.
Base sa unsay imong natun-an sa Ether 12, sa kaugalingon nimong mga pulong, isulat sa imong scripture study journal kon unsay imong gibati sa gitudlo ni Moroni bahin sa pagdawat og espirituhanong pagsaksi gikan sa Ginoo.
Usa sa mga baruganan nga gitudlo ni Moroni mao ang: Kon nagtinguha kita og pagsaksi, nan kinahanglan gayud kitang mopakita og hugot nga pagtuo diha ni Jesukristo.
Basaha ang mosunod nga mga sitwasyon, ug dayon isulat sa imong scripture study journal kon sa unsang paagi nga ang usa ka tawo sa duha o sobra pa niadtong mga sitwayon makapakita og hugot nga pagtuo sa Ginoo:
Usa ka batan-ong babaye gustong makadawat og pagsaksi bahin sa katinuod sa Basahon ni Mormon.
Usa ka batan-ong lalaki dunay lig-ong tinguha sa pagtabang sa iyang mga minahal sa kinabuhi nga modawat sa ebangelyo.
Usa ka batan-ong babaye ang nagtinguha nga panalanginan sa Ginoo ang iyang masakiton nga amahan.
Isulat sa imong scripture study journal ang bahin sa usa ka panahon sa dihang ikaw o ang usa ka tawo nga imong kaila nakadawat og pagsaksi o milagro human makapakita og hugot nga pagtuo.
Hunahunaa og balik ang baruganan o doktrina nga ganahan nimong makadawat og espirituhanong pagsaksi (tan-awa ang assignment 2 niini nga leksyon). Unsa ang imong mahimo aron mapakita ang imong hugot nga pagtuo sa dili pa makadawat og pagsaksi?
Aron matabangan ka nga mamemorya ang Ether 12:6, basaha kini sa pipila ka higayon, dayon isulat ang bersikulo kutob sa imong mahinumduman diha sa imong scripture study journal. Pagkahuman, itandi ang unsay imong gisulat ngadto sa aktwal nga bersikulo. Tun-i pag-usab ang bersikulo, ug isulat kini sa ikaduhang higayon diha sa imong scripture study journal.
Gipahayag ni Moroni ang kabalaka bahin sa unsay reaksyon sa mga Hentil ngadto sa Basahon ni Mormon
Sama sa narekord diha sa Ether 12:23–41, mipahayag si Moroni sa iyang kabalaka nga kadtong makadawat sa Basahon ni Mormon sa ulahing mga adlaw dili modawat niini tungod sa iyang kahuyang ug sa ubang mga tigsulat diha sa pagsulat. Samtang magbasa ka sa tubag sa Ginoo sa kabalaka ni Moroni diha sa Ether 12:26–27, tan-awa kon giunsa pagsulti sa Ginoo nga ang mahuyang nga mga butang mahimo nga malig-on. (Ang Ether 12:27 usa ka scripture mastery passage.)
Ang mga kasulatan usahay nagpakita og usa ka baruganan sa ebanghelyo pinaagi sa paggamit sa mga pulong nga kon ug nan. Ang pulong nga kon naghulagway sa unsay kinahanglan gayud natong buhaton, ug ang nan nagpasabut kon unsay mahitabo isip resulta sa atong mga aksyon. Basaha ang Ether 12:27, hibaloi ang kon–nan nga baruganan, ug isulat kini sa ubos.
Kon kita , nan ang Ginoo .
Imong hisgutan kining mga bersikulo nga mas detalyado diha sa leksyon uban sa imong magtutudlo karong semanaha. Tun-an ug mahibaloan usab nimo ang dugang pa bahin sa paghisgot ni Moroni mahitungod sa hugot nga pagtuo, paglaum, ug gugmang putli nga makita diha sa Ether 12:28–41.
Aron matabangan ka nga makahinumdom sa mga ideya diha sa Ether 12:27, kopyaha ang mosunod ngadto sa usa ka piraso nga papel: Kon … moduol … mopakita … kahuyang. … mohatag … kahuyang … magpaubos; … grasya … tanan nga mga tawo … magpaubos … kon … magpaubos … hugot nga pagtuo … mahuyang … malig-on.
Basaha pag-usab ang Ether 12:27, nga magbantay niining mga pulong. Isulti pag-usab ang bersikulo kutob sa imong mahimo, nga magtan-aw lamang sa mga pulong nga anaa sa imong papel. Ibutang ang piraso nga papel sa dapit nga imo kining makita karon o ugma (pananglitan, diha sa imong bulsa o sa imong mga kasulatan). Ribyuha ang Ether 12:27 sa higayon nga imong makita ang piraso nga papel hangtud nga imong mamemorya ang tudling.
Isulat ang mosunod diha sa ubos sa mga buluhaton karong adlawa sa imong scripture study journal:
Akong natun-an ang Ether 12 ug nahuman kini nga leksyon niadtong (petsa).
Dugang nga mga pangutana, mga hunahuna, ug mga panabut nga gusto nakong ipakigbahin sa akong magtutudlo: