Unit 12: Day 3
Mosiah 11–14
Pasiuna
Si Haring Noah dako og kalipay diha sa gubot nga pagpuyo ug nangulo sa daghan sa iyang mga katawhan ngadto sa pagkadautan. Ang Ginoo mipadala ni propetang Abinadi aron manawagan sa katawhan ni Noah sa paghinulsol ug mopasidaan kanila sa umaabut nga pagkaulipon. Ang katawhan mipili nga dili maminaw sa mga pasidaan, ug si Abinadi gibilanggo tungod sa iyang mga panagna. Sa dihang ang mga pari ni Haring Noah misukit-sukit ni Abinadi, ang propeta mibadlong kanila tungod sa wala pagsunod o pagtudlo sa mga sugo. Ang Dios mipanalipod ni Abinadi ug mihatag kaniya og gahum aron sa pagtapos sa iyang mensahe ngadto ni Haring Noah ug sa iyang mga pari. Nagkutlo ni Isaias, si Abinadi mipamatuod sa panginahanglan sa tanang katawhan nga mosalig ni Jesukristo ug sa Iyang Pag-ula.
Mosiah 11:1–19
Si Haring Noah nangulo sa iyang katawhan ngadto sa pagkadautan
Ikonsiderar ang mosunod nga mga pangutana:
-
Unsay imong buhaton kon ang imong ginikanan, magbalantay, o lider misugyot nga ang pipila sa imong mga higala adunay bati nga impluwensya diha kanimo?
-
Unsay imong buhaton kon ang usa sa imong mga ginikanan o usa ka lider sa Simbahan mihangyo kanimo nga magsinina og tarung alang sa mga tulumanon sa pagsimba sa Dominggo ug sa ubang mga kalihokan sa Simbahan?
-
Unsay imong buhaton kon ang propeta miingon nga kinahanglan nimong usbon ang imong mga sumbanan sa kalingawan?
Ang mga tawo mahimong managlahi og reaksyon sa mga pangutana sa ibabaw. Samtang magtuon ka niini nga leksyon, tan-awa kon sa unsang paagi nga gusto sa Ginoo nga moresponde ka sa mga tawo nga Iyang gipadala aron sa pagtabang kanimo nga magpuyo nga matarung.
Samtang mangandam ka sa pagtuon sa Mosiah 11, mahimong makatabang nga masayud nga human namatay si Zeniff, ang iyang anak nga si Noah maoy nagmando sa tanang mga Nephite nga anaa sa yuta sa Nephi. Basaha ang Mosiah 11:1–2, 5–7, 14–19, ug markahi ang mga pulong nga naghulagway sa mga binuhatan ni Noah ug unsay iyang gitinguha human nahimong hari. Dayon basaha ang Mosiah 11:2, 6–7, 15, 19, ug markahi sa lahi nga kolor (kon mahimo) ang impluwensya sa mga binuhatan ni Noah ngadto sa katawhan sa gingharian.
Kini nga mga bersikulo naghulagway sa unsang paagi nga ang mga tawo nga atong ikauban makaimpluwensya sa atong mga binuhatan. Hunahunaa kon sa unsang paagi ang imong mga kaila makaimpluwensya sa mga pagpili nga imong himoon. Pamalandungi sa makadiyot kon unsa ang buhaton usahay sa mga tawo sa kalibutan karon nga makumpara ngadto sa paghago sa “hilabihan aron pagbuhi sa kadautan” (Mosiah 11:6).
Mosiah 11:20–12:17
Si Abinadi nag-awhag sa katawhan sa paghinulsol ug nagpasidaan kanila kabahin sa pagkaulipon
Bisan tuod si Haring Noah ug ang iyang katawhan mipili sa pagkadautan, ang Ginoo sa gihapon nahigugma kanila ug gusto nga motabang kanila. basaha kadali ang unang upat ka mga linya sa Mosiah 11:20, ug hibaloi kon unsay gibuhat sa Ginoo sa pagtabang sa katawhan ni Noah.
Isulat ang mosunod nga kamatuoran sa imong mga kasulatan tupad sa Mosiah 11:20: Ang Dios nagpadala og mga propeta aron sa pagtabang kanato nga maghinulsol ug makalikay sa kaalautan.
Gimandoan sa Ginoo si Abinadi sa duha ka lain-laing higayon sa pagpasidaan sa katawhan.
-
Kopyaha ang mosunod nga tsart diha sa imong scripture study journal, nga magbilin og igo nga luna ubos sa matag scripture reference aron masulatan og summary. Tun-i ang mga bersikulo nga nahisulat, ug pagsulat og summary sa mga pasidaan ni Abinadi ug sa mga reaksyon sa katawhan.
|
Ang Mensahe ni Abinadi |
Ang Reaksyon sa Katawhan | |
|---|---|---|
|
Unang Pasidaan | ||
|
Ikaduhang Pasidaan |
-
Sa imong scripture study journal, tubaga ang mosunod nga mga pangutana mahitungod sa mga reaksyon sa katawhan ngadto sa mga pasidaan ni Abinadi:
-
Ngano kaha nga nasuko og maayo ang mga tawo ngadto ni Abinadi, kinsa naningkamot sa pagtabang kanila? Ngano kaha nga ilang gipanalipdan si Haring Noah, kinsa nagdala kanila ngadto sa kauyamot?
-
Timan-i ang mga pulong nga “ang mga mata sa mga katawhan nabutaan” sa Mosiah 11:29. Unsa ang pipila ka mga ehemplo sa mga kinaiya ug mga impluwensya nga sa imong pagtuo gipaningkamutan og maayo ni Satanas nga “mabutaan” ang maayong mga tawo sa kalibutan karon?
-
Unsay imong mabuhat aron sa pagpakita og pagkamapainubsanon kon ang mga sakop sa pamilya, mga lider sa Simbahan, ug mga propeta nag-awhag kanimo sa pagsunod sa pulong sa Dios?
-
Mosiah 12:18–13:26
Ang Dios nanalipod ni Abinadi samtang iyang gibadlong si Haring Noah ug ang iyang mga pari tungod sa ilang kapakyas sa pagsunod ug pagtudlo sa mga sugo
Sa dili pa mopadayon sa imong pagtuon sa Mosiah 12, graduhi ang imong kaugalingon sa sukdanan nga 1 hangtud 10 (ang 10 mao ang hingpit nga natukma) kon unsa ka maayo ang mosunod nga mga pamahayag naghulagway kanimo karon:
Nahibalo ko kon unsay angay nakong buhaton sa pagsunod sa ebanghelyo ni Jesukristo.
Nagsunod ko sa ebanghelyo ni Jesukristo.
Samtang magkat-on ka mahitungod ni Haring Noah ug sa iyang mga pari, ikonsiderar kon unsa ka maayo nila nga nahibaloan ug unsa ka maayo nila nga gisunod ang mga sugo. Human nga gipagawas ni Noah si Abinadi gikan sa bilanggoan, ang mga pari misugod sa pagsukit-sukit kaniya mahitungod sa mga kasulatan. Basaha ang Mosiah 12:26–30, ug markahi kon unsay gisulti ni Abinadi sa pagbadlong kang Noah ug sa iyang mga pari.
Unsa kaha ka maayo ang grado ni Noah ug sa iyang mga pari diha sa sukdanan nga 1 hangtud 10 kabahin sa pagkahibalo ug pagsunod sa mga sugo? Unsa kaha ang gipasabut sa paggamit sa atong “mga kasingkasing aron sa pagsabut”? (tan-awa sa Mosiah 12:27). Tan-awa ang Mosiah 12:33, ug linyahi ang baruganan nga nagpasabut nganong importante ang pagsunod sa mga sugo.
Si Abinadi mipahayag mahitungod niini nga kamatuoran: Kon magsunod kita sa mga sugo sa Dios, kita maluwas. Ngano nga ang pagkahibalo sa paagi sa pagpakabuhi dili igo nga mopasarang kanato alang sa kaluwasan?
Si Abinadi misulti ni Haring Noah ug sa iyang mga pari nga wala sila magsunod o magtudlo sa mga sugo, ug misugod siya sa pagsulti sa Napulo ka mga Sugo. Kini nakapasuko sa hari, ug misugo siya nga pahamtangan sa kamatayon si Abinadi. Ang Dios mipanalipod ni Abinadi ug mihatag kaniya og gahum sa pagpadayon sa pagtudlo mahitungod sa Napulo ka mga Sugo. Mahimo nimong markahan ug numerohan kini diha sa Mosiah 12:35–36 ug Mosiah 13:12–24. Ang mosunod nga tsart motabang kanimo sa pagkahibalo sa matag usa sa Napulo ka mga Sugo:
|
Si Abinadi Mitudlo sa Napulo ka mga Sugo |
Si Abinadi maisugon nga mibadlong ni Noah ug sa iyang mga pari tungod sa wala pagsunod sa Napulo ka mga Sugo, nga nag-ingon, “ako mibati nga sila wala mahisulat sa inyong mga kasingkasing” (Mosiah 13:11). Aron sa pagtabang kanimo sa paghunahuna kon unsa ka maayo nimo nga gisunod ang Napulo ka mga Sugo, sulati ang mosunod nga pag-evaluate sa kaugalingon:
|
Ang mga pamahayag sa ubos mahimong magpasabut kon unsa ka maayo nga nahisulat ang Napulo ka mga Sugo diha sa imong kasingkasing. Markahi kon unsa ka sagad kini nga mga pamahayag tinuod kanimo. |
Hapit wala |
Usahay |
Kasagaran |
Hapit kanunay |
|---|---|---|---|---|
|
Gimahal nako ang akong Langitnong Amahan. | ||||
|
Giuna nako ang Dios diha sa akong kinabuhi (una pa sa mga higala, mga lingaw-lingaw, mga kabtangan, akong kaugalingong mga tinguha, ug uban pang mga butang). | ||||
|
Gisulti nako ang ngalan sa Ginoo uban sa balaang pagtahud. | ||||
|
Akong gibalaan ang adlaw nga Igpapahulay pinaagi sa pag-apil sa mga kalihokan nga mas mopaduol kanako ngadto sa Ginoo; giila ko kini isip Iyang adlaw, dili akò. | ||||
|
Akong gitahud ang akong mga ginikanan pinaagi sa pagkamasulundon ug pagkamatinahuron. | ||||
|
Gikontrolar nako ang akong kasuko ug dili molihok nga bayolente ngadto sa uban. | ||||
|
Putli ako sa sekswal nga paagi. Naglikay ko sa bastos nga mga imahe, pinulongan, ug mga lihok. | ||||
|
Naglikay ko sa pagpangawat ug pagpanikas. | ||||
|
Nagsulti ko sa tinuod. | ||||
|
Naglikay ko sa pagkaibug (nga nagpasabut sa dili angay nga pagtinguha sa usa ka butang nga gipanag-iya sa laing tawo). |
-
Balika og tan-aw ang imong mga tubag ug paghimo og tumong nga mas maayo ang pagsunod sa usa sa Napulo ka mga Sugo. Isulat ang imong tumong diha sa imong scripture study journal.
Mosiah 13:27–14:12
Si Abinadi nagtudlo mahitungod sa pag-anhi ni Jesukristo
Basaha ang Mosiah 13:28, 32–35, ug markahi ang bisan unsa nga mga pulong nga mahimong mokompleto sa mosunod nga kinutlo ni Elder Dallin H. Oaks sa Korum sa Napulog Duha ka mga Apostoles: “Human sa tanan natong pagkamasulundon ug maayong mga buhat, dili kita maluwas gikan sa kamatayon o sa mga epekto sa atong indibidwal nga mga sala kon wala .”
Ang kompleto nga kinutlo ni Elder Oaks mabasa nga: “Human sa tanan natong pagkamasulundon ug maayong mga buhat, dili kita maluwas gikan sa kamatayon o sa mga epekto sa atong indibidwal nga mga sala kon wala ang grasya nga gitanyag pinaagi sa Pag-ula ni Jesukristo” (“Another Testament of Jesus Christ,” Ensign, Mar. 1994, 67).
Mahimo nimong isulat kini nga kamatuoran tupad sa Mosiah 13:28: Walay usa nga maluwas gawas kon pinaagi sa Pag-ula ni Jesukristo.
Paggahin og pipila ka minuto sa pagtuon sa Mosiah 14:1–12, ug markahi ang mga pulong nga naghulagway kon unsay gibuhat ni Jesukristo sa mortalidad aron sa pagtabang kanimo nga makauli ngadto sa atong Amahan sa Langit. Hunahunaa ang kagul-anan, mga kasubo, ug mga sala nga giantus ni Jesukristo alang kanimo. Kini nga mga bersikulo motakdo sa Isaias 53:1–12. Gikutlo ni Abinadi ang gisulat ni Isaias (tan-awa sa Mosiah 14:1).
-
Sa imong scripture study journal, isulat kon unsaon nimo sa pagpasabut ngadto sa usa ka higala ang gitudlo diha sa Mosiah 14:4–5 mahitungod ni Jesukristo.
-
Isulat ang mosunod diha ubos sa mga assignment karong adlawa diha sa imong scripture study journal:
Akong natun-an ang Mosiah 11–14 ug nahuman kini nga leksyon sa (petsa).
Dugang nga mga pangutana, mga hunahuna, ug mga panabut nga gusto nakong ipakigbahin sa akong magtutudlo: