Unit 13: Day 3
Mosiah 21–24
Pasiuna
Ang katawhan ni Limhi nahiagum sa pagkaulipon sa mga Lamanite isip resulta sa ilang pagkadautan (tan-awa sa Mosiah 20:21); nahimo silang mapaubsanon ug midangup ngadto sa Dios isip resulta sa ilang pagkaulipon. Ang katawhan ni Alma nahiagum sa pagkaulipon isip pagsulay sa ilang hugot nga pagtuo (tan-awa sa Mosiah 23:21). Ang duha ka mga grupo nag-ampo og maayo aron makalingkawas gikan sa pagkaulipon. Samtang ang duha ka grupo sa katawhan sa katapusan naluwas ug miabut sa Zarahemla, ang Ginoo mitabang sa matag grupo sa lain-laing mga paagi. Gikan sa pagtuon sa mga pagsulay ug pagkaluwas sa grupo ni Limhi, imong makita nga ang Ginoo motubag sa atong pag-ampo sa Iyang kaugalingong paagi ug panahon samtang magpaubos kita sa atong kaugalingon. Gikan sa pagtuon sa mga pagsulay ug pagkaluwas sa katawhan ni Alma, imong makat-unan kon unsaon sa pagsalig diha sa Ginoo alang sa kalig-on taliwala sa imong kaugalingong mga panglimbasug ug mga hagit.
Mosiah 21–24
Ang mga Nephite didto sa yuta sa Lehi-Nephi nakasinati sa katumanan sa mga panagna ni Abinadi
Hunahunaa nga nagpuyo ka sa yuta sa Lehi-Nephi sa panahon sa paghari ni Haring Noah ug misalikway sa mga pagtulun-an ni Abinadi. Karon ikaw ug ang imong katawhan naulipon sa mga Lamanite, sama sa gipanagna ni Abinadi. Unsa kaha ang imong buhaton?
Karon paghunahuna og bisan unsa nga mga pagsulay o kalisud nga imong nasinati. Basaha ang mosunod nga mga bersikulo sa imong mga kasulatan, ug markahi kon unsay gitudlo niini mahitungod sa pagpangita ug pagdawat og kaluwasan: Mosiah 21:5, 14; 22:1–2; 23:23; ug 24:21. Ang pagkaluwas nagpasabut nga mabuhian, matabangan, o madala pinaagi sa usa ka butang.
Samtang imong basahon ang mosunod nga pamahayag ni Elder Richard G. Scott sa Korum sa Napulog Duha ka mga Apostoles, linyahi ang iyang gihatag nga duha ka mga tinubdan sa mga pagsulay ug mga pag-antus nga atong masinati sa atong kinabuhi: “Walay usa nga gusto og kalisdanan. Ang mga pagsulay, mga kasagmuyo, mga kagul-anan, ug emosyunal nga kasakit moabut kanato gikan sa duha ka lain-laing tinubdan. Kadtong mga nakalapas sa mga balaod sa Dios kanunay makasinati niadto nga mga hagit. Ang laing hinungdan sa kalisdanan mao ang pagtuman sa kaugalingon nga katuyoan sa Ginoo diha sa atong kinabuhi aron kita makadawat sa paghinlo nga moabut gikan sa pagsulay. Hilabihan kaimportante alang sa matag usa kanato ang pag-ila kon asa niining duha ka tinubdan naggikan ang atong mga pagsulay ug mga hagit, kay ang mga buhat sa pagkorihir managlahi ra kaayo” (“Trust in the Lord,” Ensign, Nob. 1995, 16).
Ang katawhan ni Limhi nahiagum sa pagkaulipon tungod sa ilang pagkadili masulundon, samtang ang matarung nga katawhan ni Alma nakasinati og kalisdanan nga mohashas kanila. Ang katawhan ni Limhi nahimong mapaubsanon ug gidala ngadto sa Dios isip resulta sa ilang pagkaulipon. Ang pagtuon niining duha ka mga istorya sa balaanong pagkaluwas makatabang kanimo sa pagpalambo sa imong pagtuo sa pagtawag sa Ginoo alang sa pagkaluwas gikan sa bisan unsa nga mga kasakit nga imong nasinati.
-
Diha sa tsart sa ubos, ang unang pangutana—Sa unsang paagi sila naulipon?—gitubag na alang kanimo. Sa imong scripture study journal, tubaga ang ikaduha nga pangutana: Sa unsang paagi sila giluwas?
|
Katawhan ni Limhi |
Katawhan ni Alma | |
|---|---|---|
|
Sa unsang paagi sila naulipon? |
Tungod kay ang mga tawo wala maghinulsol, ang Ginoo mihatag sa mga Lamanite og gahum aron sa pag-ulipon sa katawhan. |
(Mosiah 23:1–4, 19–20, 25–38; 24:8–9) Ang katawhan mituman sa ilang mga pakigsaad, apan sila gibudhian, nadakpan, ug gigukod sa dautang mga tawo. |
|
Sa unsang paagi sila giluwas? |
Paghunahuna og mga tubag sa mosunod nga mga pangutana mahitungod sa katawhan ni Limhi:
-
Sumala sa Mosiah 21:6, unsa nga mga ebidensya ang anaa diin ang grupo ni Limhi wala pa magpaubos sa ilang mga kaugalingon ug modangup ngadto sa Ginoo? Sa unsang paagi kini maikumpara sa gibuhat sa katawhan ni Alma agig tubag sa ilang pagkaulipon? Maghunahuna sa kasinatian sa grupo ni Limhi, unsay imong nakat-unan nga makatabang nimo sa pagtubag sa hustong paagi sa imong kaugalingong mga pagsulay?
-
Bisan tuod ang katawhan ni Limhi wala dayon luwasa gikan sa ilang mga kasakit, sa unsang paagi ang Ginoo mipanalangin kanila? (Mahimo nimong markahan ang mga pulong nga “pag-uswag sa hinay-hinay” diha sa Mosiah 21:16.) Nakasulay ka ba nga mobati nga ang Ginoo mitabang kanimo nga makasugakod sa pagsulay sa hinay-hinay?
-
Sa unsang paagi kaha nga ang kinaiya sa katawhan, nga gihulagway diha sa Mosiah 21:30–33, nakatampo sa ilang kaluwasan sa katapusan?
-
Pagpili og usa sa mosunod nga mga kamatuoran nga gikuha gikan sa unsay imong natun-an mahitungod sa mga pagsulay ug pagkaluwas sa katawhan ni Limhi. Sa imong scripture study journal, pagsulat og usa ka paragraph nga nagpasabut kon unsaon nimo sa paggamit niana nga kamatuoran sa imong kaugalingong kinabuhi.
-
Kon magmapainubsanon kita sa atong kaugalingon, motawag ngadto sa Ginoo, ug maghinulsol sa atong mga sala, Siya maminaw sa atong mga pag-ampo ug mopagaan sa gibug-aton sa atong mga sala sa Iyang kaugalingong panahon.
-
Kon kita nakigsaad nga moalagad sa Dios ug motuman sa Iyang mga sugo, ang Ginoo moandam og paagi alang sa atong kaluwasan.
-
Hunahunaa ang mga kasakit ug pagluwas sa grupo ni Alma samtang imong basahon ang mosunod nga pamahayag ni Elder Richard G. Scott: “Sa dihang ingon og maayo na ang dagan sa tanan, ang daghang mga hagit sa kasagaran moabut nga magdungan. Kon kadto nga mga hagit dili mga sangputanan sa inyong pagkamasupakon, kini mga ebidensya nga ang Ginoo mibati nga kamo andam na sa dugang nga kalamboan (tan-awa sa Proverbio 3:11–12). Busa Siya naghatag kaninyo og mga kasinatian nga makahatag og kalamboan, pagsabut ug kalooy, nga mohashas kaninyo alang sa inyong mahangturong kaayohan. Aron madala kamo gikan sa inyong nahimutangan ngadto sa dapit nga gusto Niyang inyong adtoan nagkinahanglan og taas nga pag-inat, ug kana sa kasagaran nagpasabut og kalisdanan ug kasakit” (“Trust in the Lord,” 16–17).
Markahi ang mga pulong diha sa Mosiah 23:21–22 nga nagpakita nga ang Ginoo mosulay sa atong pailub ug hugot nga pagtuo aron sa pagtabang kanato nga mapalambo ang atong pagsalig diha Kaniya (tan-awa usab sa D&P 122:5–7).
Pagsulat og mugbo nga mga tubag sa mosunod nga mga pangutana diha sa imong manwal:
-
Unsa kaha ang pinakalisud nga pagsulay nga atubangon kon apil ka sa katawhan ni Alma panahon sa mga hitabo nga narekord sa Mosiah 23–24? Ngano kaha?
-
Unsay imong makat-unan gikan sa paagi sa pagresponde ni Alma ug sa iyang katawhan sa ilang mga pagsulay? (Tan-awa sa Mosiah 24:1–12, 15–16.)
-
Bisan tuod ang Ginoo wala dayon moluwas sa katawhan ni Alma, unsay una Niyang gibuhat alang kanila? (Tan-awa sa Mosiah 24:15.)
Usa ka baruganan nga atong makat-unan gikan sa kasinatian sa grupo ni Alma mao nga kon mapailubon kita nga motugyan ngadto sa kabubut-on sa Ginoo, molig-on Siya kanato ug moluwas kanato gikan sa atong mga pagsulay sa Iyang panahon.
-
Diha sa imong scripture study journal, ipasabut kon unsa kaha ang kahulugan sa mapailubong pagtugyan ngadto sa kabubut-on sa Ginoo panahon sa pagsulay ug kon sa unsang paagi ang pagbuhat sa ingon makaandam kanimo sa pagdawat sa kalig-on ug mga panalangin nga Iyang ihatag sa pagtabang kanimo agi nianang lisud nga panahon.
Sa sinugdanan niini nga leksyon, gihangyo ka sa paghunahuna og mga pagsulay o mga kalisdanan nga imong giatubang karon. Samtang maghinumdom ka niini, ikonsiderar ang pagsulat sa mga tubag sa mosunod nga mga pangutana diha sa imong personal nga journal o sa laing piraso nga papel:
-
Unsa nga mga pagsulay ang kasamtangan nakong giatubang sa akong kinabuhi?
-
Unsay kinahanglan nakong buhaton aron maandam ang akong kaugalingon sa pagdawat sa gahum sa Ginoo sa pagluwas sa akong kinabuhi?
-
Isulat ang mosunod sa ubos sa mga assignment karong adlawa diha sa imong scripture study journal:
Akong natun-an ang Mosiah 21–24 ug nahuman kini nga leksyon sa (petsa).
Dugang nga mga pangutana, mga hunahuna, ug mga panabut nga gusto nakong ipakigbahin sa akong magtutudlo: