Fautuaga mo Aso Fetuunai

O le taiala o le saoasaoa mo faiaoga i aso taitasi e faavae i luga o se tausaga aoga e 36-vaiaso po o le 180 aso. O lenei tusi lesona ua tuuina atu ai lesona e 160 mo aso taitasi, ae tuua ai aso e 20 e leai ni anomea faafaiaoga o tuuina atu ai. O nei “aso fetuunai” e 20 e tatau ona faaaoga tatau mo sini ma gaoioiga aoga, e aofia ai mea nei:

Faavasegaga. O le Faamoemoega o Seminare ma Inisitituti o Mataupu Faalelotu o le “fesoasoani lea i le autalavou laiti ma talavou matutua ia malamalama ma faalagolago i aoaoga ma le Togiola a Iesu Keriso, ia agavaa mo faamanuiaga o le malumalu, ma ia saunia i latou lava, o o latou aiga, ma isi mo le ola e faavavau faatasi ma lo latou Tama i le Lagi.” O le mafaufau ai i lenei faamoemoega, ua saunia ai e le S&I ni faavasegaga faaleaoaoga. Ua fuafuaina nei faavasegaga e fesoasoani i tamaiti aoga ina ia malamalama, faamatala, talitonu, ma ola i mea ua latou aoaoina i le vasega.

I le 2014, na toe fetuunaia tulaga manaomia mo le faauuga o le seminare e faapea ai e tatau i tagata aoga ona pasi ia faavasegaga faaleaoaoga mo vasega suesueina taitasi ina ia mafai ai ona faauu. E tatau ona e faatautaia faavasegaga faaleaoaoga e faatasi i le gasologa o afa taitasi o le tausaga aoga. E lua vaega o faavasegaga taitasi: (1) faatautaia le faavasegaga, lea e pe tusa ma le 40 minute e alu ai, po o le periota e tasi o le vasega i aso taitasi, ma le (2) faasaoina ma talanoaina le faavasegaga faatasi ma tamaiti aoga i le piriota o le vasega e sosoo ai. O lenei iloiloga o se vaega taua tele e fesoasoani ai i tamaiti aoga e aoao mai le aafiaga. Afai e sili atu ma le 60 minute e feiloai ai lau vasega, e na o le tasi lava le piriota o le vasega e tatau ona e faatautaia ai ma iloiloina le faavasegaga.

O faavasegaga e tatau ona faaaogaina e fesoasoani i tamaiti aoga. Ao faalauiloa atu ia le faaopoopo ai o faavasegaga faaleaoaoga i tulaga manaomia o le seminare, sa saunoa mai Elder Paul V. Johnson o le Fitugafulu, “E tele se eseesega e faia e uiga o se faia. Afai e iloa e le faiaoga le auala o le a faamanuia ai e lenei mea ia olaga o tamaiti aoga, o le a latou vaai i faavasegaga o se auala e fesoasoani ai ia i latou. … Ou te manatu afai sa i ai se lapataiga, o le a faapea tatou te le mananao i faiaoga e vaai i lenei mea o se ituaiga o auupega taufaasese po o se taufaamatau—atonu o se taufaamatau i uiga e lua o le upu—o se mea matatupa e fasi ai se tagata, po o se vaega filifilia mo na o tamaiti aoga faapitoa. Tatou te mananao e vaai atu i lenei mea o se faamanuiaga moni lava i o latou olaga” (“Elevate Learning Announcement” [Seminaries and Institutes of Religion global faculty meeting, June 20, 2014], si.lds.org).

Manatua: E mafai ona maua nisi faavasegaga e faia i ai le filifiga i le sailiili i le uepisaite a le S&I (si.lds.org) e faaaoga ai le upu autu assessment [faavasegaga].
Fetuunaiga o lesona i aso taitasi. Atonu e te manao e faaalu se taimi faaopoopo i se lesona e umi se taimi e aoao faalelei ai. Atonu foi e te manao e faaaoga ia manatu faaopoopo faafaiaoga o loo faaali atu i faaiuga o nisi o lesona, pe faaalu le taimi e tali ai fesili a tamaiti aoga e uiga i se mau faapitoa po o se autu o le talalelei. O aso fetuunai e mafai ona e faaaoga lelei ai nei avanoa ao faatumauina le saoasaoa o lau faasologa ma faataunuu ai lou tiutetauave o le aoao atu faasolosolo o tusitusiga paia.
Iloa lelei o fuaitau o mau autu ma Aoaoga Faavae Autu. Atonu e te manao e faaaoga gaoioiga toe faamanatu mo mau tauloto o loo maua i le tusi lesona atoa ma i le faaopoopoga. E mafai ona e fatuina ni gaoioiga toe faamanatu faaopoopo mo mau tauloto e fetaui ma manaoga faapitoa ma fiafia i ai tamaiti aoga o lau vasega. E mafai foi ona e faaaogaina se vaega o le aso fetuunai mo gaoioiga e fesoasoani ai i tamaiti aoga e toe faamanatu ma faateleina lo latou malamalama i Aoaoga Faavae Autu.
Toe faamanatuina o mea sa aoaoina muamua. E aoga mo tamaiti aoga le toe vaavaai i tua mai lea taimi i lea taimi, i mea na latou aoaoina i lesona na muamua atu pe mai i se tusitusiga paia faapitoa. E mafai ona e tuu atu i tamaiti aoga se avanoa e faamatala mai ai se upumoni mai se lesona ua mavae atu ma faasoa mai pe na faapefea ona uunaia e lena upumoni o latou olaga. E mafai foi ona e fatuina ma tuuina atu se suega puupuu po o ni gaoioiga aoao e toe faamanatu ai mea na aoaoina muamua.
Ia i ai se avanoa mo se taimi e faalavelaveina ai lau faatulagaga atofaina. O gaoioiga ma faapotopotoga a aoga, gaoioiga i le lotoifale, o le tau, ma isi mea faalavefau e ono manaomia ai lou tolopoina po o le faapuupuuina o vasega i nisi taimi. O aso fetuunai e mafai ona faaaoga e faataga ai mo tulaga faalavefau faapena.