Lesona 27

Iosefa Samita—Mataio ;Mataio 24

Folasaga

Na valoia e Iesu Keriso le faatafunaina o Ierusalema ma le malumalu. Na Ia faaalia mai ia faailoga o Lona Afio Mai Faalua ma faatonuina e faamaoni e matau ma sauniuni mo lena aso.

Fautuaga mo le Aoaoina Atu

Faaleleia e avea o se faiaoga

A o e manao e faaleleia ma galue pea e aoao atu i se ala e malie ai lo tatou Tama Faalelagi, o la a Ia musuia oe i au sauniuniga, faamalolosia au sootaga ma tagata aoga, faalauteleina au taumafaiga, ma faamanuiaina oe i Lona Agaga. O le a fesoasoani o Ia ia e iloa pe mafai faapefea ona alualu i luma a o e taumafai e aoao atu i se ala e taitai atu ai tagata aoga ia malamalama ma faalagolago i aoaoga ma le Togiola a Iesu Keriso.

Iosefa Samita—Mataio 1:1–20

Ua valoia e Iesu le faatafunaina o Ierusalema ma le malumalu

Faaali le ata O Le Afio Mai Faalua (Tusi Ata o le Talalelei [2009], nu. 66; tagai foi i le LDS.org). Fai i le vasega e mafaufau loloto i a latou fesili e faatatau i le Afio Mai Faalua o Iesu Keriso ma tusi a latou fesili i a latou api po o api talaaga o le suesueina o tusitusiga paia. Aua tou te suea tali o nei fesili i le taimi lenei. Valaaulia le vasega e vaavaai mo tali a o latou suesueina le Iosefa Samita—Mataio.

Ta’u i ai o le Iosefa Samita—Mataio o le Faaliliuga a Iosefa Samita o le Mataio 23:39 ma le Mataio 24. Otooto le Iosefa Samita—Mataio 1:1–3e ala i le faamatala atu a o aoao atu Iesu Keriso i le malumalu i Ierusalema, sa malamalama Ona soo o le a toe foi mai o Ia i le lalolagi. Ona tuua lea e Iesu o le malumalu, ma sa o mai Ona soo ia te Ia, ua mananao e iloa atili pe o afea o le a faaumatia ai le malumalu.

Valaaulia se tamaitiiti aoga e faitau leotele le Iosefa Samita—Mataio 1:4. Fai i le vasega e mulimuli ai, ma vaavaai mo fesili e lua na fesili atu ai le au soo ia Iesu i luga o le Mauga o Olive. Valaaulia le vasega e lipoti mai mea latou te maua, ma tusi ia fesili nei i luga o le laupapa:

1. O afea e faaumatia ai Ierusalema ma le malumalu?

2. O a faailoga o le Afio Mai Faalua o Iesu Keriso ma le faatafunaga o e amioleaga?

Faamatala na tuuina atu e Iesu Keriso le uluai fesili i fuaiupu 5–21, ma o loo taliina le fesili lona lua i fuaiupu 21–55. Vaevae le vasega i ni paga. Faatonu i latou e faitau leotele le Iosefa Samita—Mataio 1:5–12 ma a latou paga, ma vaavaai mo faailoga e faatatau i le faatafunaga o Ierusalema ma le malumalu. Fai atu i tagata aoga e lipoti mai mea ua latou mauaina.

• E ui ina sa fetalai Iesu o le a puapuagatia Ona soo i lona taimi, ae o le a Lana fetalaiga e uiga ia i latou o e “tumau mausali ma [e] le faatoilaloina”? (fuaiupu 11).

• O le a le mataupu faavae e mafai ona tatou aoao mai i le fuaiupu e 11? (E ono faaaoga e tagata ni upu eseese ae e tatau ona faailoa mai le mataupu faavae lenei: Afai tatou te tumau mausali ma e le faatoilaloina lava, o le a faasaoina i tatou. I le faaaogaina o upu a tagata aoga, tusi lenei mataupu faavae i luga o le laupapa.)

• O le a le uiga o le mausali ma le le faatoilaloina? Mausali}e ta’u mai ai le tumau, malosi, e le maluelue, ma e le mafaatoilaloina.)

Ina ia fesoasoani ia malamalama le vasega i le uiga o le upufaasaoina i le fuaiupu 11, faamalamalama a tatou tutu mausali, atonu o le a le faasaoina i tatou mai mea faigata, ae o le a iu ina faasaoina i tatou i le malo o le Atua.

Valaaulia se tagata aoga e faitau leotele le parakalafa lenei. Fai i le vasega e faalogologo pe faapefea e i latou o e tumau mausali i le usiusitai i le fautuaga a le Faaola ona faaolaina mai le faatafunaga.

I leIosefa Samita—Mataio 1:13–18ua tatou aoao ai sa lapataia e Iesu Ona soo ina ia saunia e sosola i mauga ma ia le toe foi mai i o latou aiga aua o le a osofaia ia Ierusalema ma faaumatia. Sa Ia valoia o mafatiaga o na aso o le a aupito sili ona leaga nai lo se isi mea e vaai i ai Isaraelu. I leT.A 70, pe tusa ma le 40 tausaga i le maea ai ona fetalai Iesu i nei upu, sa faaoo e Roma se faasalaga tele i Ierusalema ma fasiotia ai tagata Iutaia e ova atu ma le miliona. Sa faaumatia le malumalu ma sa leai se maa na tuua i luga o le isi—e faapei lava ona sa valoia ai e le Faaoa (tagai Mataio 24:2). Peitai, o i latou o e gauai atu i lapataiga a Iesu sa sosola ma le saogalemu i Pela, o se taulaga pe tusa ma le 50 maila i matusasae o Ierusalema (tagai Bible Dictionary, “Pella”).

• E faapefea e le aafiaga o Iutaia ona faapupula mai ai le taua o le tumau mausali i le usitai i upu a le Faaola?

• O anafea na faamanuiaina ai oe i le tumau mausali i le usitai i poloaiga?

Iosefa Samita—Mataio 1:19–20 e ala i le faamalamalama atu na valoia e Iesu faapea e ui ina o le a mafatia ia Iutaia i tofotofoga e tele, ae o le a faasaoina i latou ona o le feagaiga a le Atua ma i latou.

Iosefa Samita—Mataio 1:21–37

Ua valoia e Iesu ia faailoga o Lona Afio Mai Faalua

Faamatala e le gata i le faamatalaina o faailoga o le a lapataia ai le faatafunaga o Ierusalema, ae sa tali atu foi le Faaola i le fesili lona lua a le au soo e ala i le valoia o faailoga e faatatau i le Afio Mai Faalua.

Fai atu i se tagata o le vasega e faitau leotele le Iosefa Samita—Mataio 1:21–23 Valaaulia le vasega e mulimuli i le faitauga, ma vaavaai pe aisea na faaalia mai ai e le Faaola ia faailoga o Lona Afio Mai Faalua.

• E fesoasoani i se a mo soo o Iesu Keriso le iloa o faailoga o le a oo mai o le Afio Mai Faalua?

Valaaulia se tamaitiiti aoga e faitau leotele le Iosefa Samita—Mataio 1:24–26. Fai i le vasega e vaavaai pe faapefea ona faaali mai le Faaola i le Afio Mai Faalua.

• E faapefea ona faaali mai le Faaola i Lona Afio Mai Faalua?

• E mafai faapefea e le iloaina o lenei mea ona aloese ai mai le faaseseina?

Valaaulia le vasega e faitau filemu le Iosefa Samita—Mataio 1:27–31, ma vaavaai mo faailoga o le a muamua mai i le Afio Mai Faalua.

• O a faigata o le a feagai ma tagata i luma mai o le Afio Mai Faalua?

• E faavae i fuaiupu 27 ma 31, o a faailoga faamoemoeina o le a muamua mai i le Afio Mai Faalua? (E ono faaaoga e tagata ia ni upu eseese, ae e tatau ona faailoa mai le upumoni lenei: A o lei oo mai le Afio Mai Faalua o Iesu Keriso, o le a faapotopoto le au filifilia a le Alii ma o le a folafola atu le talalelei i le lalolagi uma.

• O a ni auala ua tatou vaai i ai i le faataunuuina o lenei valoaga?

Faamatala atu faapea o leIosefa Samita—Mataio 1:32–36 o loo faamatala mai ai isi faailoga e tusa ai ma le Afio Mai Faalua.

Faamanatu i le vasega le lapataiga a le Faaola e faapea o aso e gata ai o le a saili ai Keriso pepelo ma perofeta pepelo e “faaseseina le au filifilia”fuaiupu 22 Valaaulia se tagata o le vasega e faitau leotele le Iosefa Samita—Mataio 1:37 . Fai atu i le vasega e mulimuli i le faitauga, ma vaavaai mo auala e mafai e le au filifilia ona aloese mai le faaseseina.

• E mafai faapefea e le au filifilia ona aloese mai le faaseseina?

• O le a se mataupu faavae e mafai ona tatou aoaoina mai i lenei fuaiupu? (E ono faaaoga e le vasega ni upu eseese ae e tatau ona faailoa mai le mataupu faavae lenei: Afai tatou te teuina upu a le Alii, ona le faaseseina lea o i tatou. Tusi lenei mataupu faavae i luga o le laupapa.)

Ina ia fesoasoani i tagata aoga ia malamalama i lenei mataupu faavae, valaaulia se tagata aoga e faitau leotele le saunoaga lenei a Elder M. Russell Ballard o le Korama a Aposetolo e Toasefululua.

“O se tasi o a’u faifeautalai lelei, sa ma galulue a o ou peresitene i le misiona i Toronto, [Kanata] na sau e vaai a’u i ni nai tausaga mulimuli ane. Sa ou fesili ia te ia, ‘Lau susuga, pe mafai faapefea ona ou fesoasoani atu ia te oe?’

“‘Peresitene,’ na ia fai mai ai, ‘Ou te manatu ua le toe i ai sa’u molimau.’

“Sa ou le talitonu i ai. Sa ou fesili atu pe mafai faapefea lena mea.

“‘Mo le uluai taimi ua ou faitauina ai ni tusi e faasagatau i Mamona,’ na ia fai mai ai. ‘E i ai ni a’u fesili, ma e leai se tasi e taliina mo au. Ua ou fenumiai lava. ma ou te manatu ua leiloa atu la’u molimau(”O Afea e Oo Mai Ai Nei Mea?” Liahona, Tes. 1996, 60).

Fai i le vasega e mafaufau loloto pe ua latou, po o nisi foi latou te iloa,na oo i se mea e talitutusa ma le mea na oo i ai lenei faifeautalai.

• O le a se fautuaga e te tuuina atu i se tasi e i ai i lenei tulaga? Aisea?

Valaaulia se tagata e faaauau ona faitauina leotele le tala a Elder Ballard:

“Sa ou fesili atu ia te ia po o a ana fesili, ma sa ia ta’uina mai ia te au. O ni faafitauli masani e faasagatau i le Ekalesia, ae sa ou manao mo sina taimi e ao mai ai ni mea ina ia mafai ai ona ou tuuina atu ni tali anoa. O lea sa faatulaga ai se taimi i le 10 aso mulimuli ane, ma o le taimi lea sa ou ta’u atu ai ia te ia o le a ou taliina ai ana fesili taitasi. Ina ua amata ona savali ese atu, sa ou taofia o ia.

“‘Lau susuga, e tele au fesili na tuu mai ia te au i le aso,’ sa ou fai atu ai. ‘Ia e tasi la’u fesili mo oe.’

“‘O le a Peresitene?’

“‘O le a le umi e te lei toe faitauina ai le Tusi a Mamona? Sa ou fesili ai.

“Sa sui lana pupula. Sa tilotilo ifo o ia i le fola mo sina taimi. Ona ia tilotilo mai lea ia te au. ‘Ua leva tele, Peresitene,’ sa ia ta’u sao mai ai.

“‘Ua lelei,’ na ou fai atu ai. ‘Ua uma ona e tuuina mai ia te au la’u galuega e fai. Ua fetaui lelei foi ua ou tuuina atu lau. Ou te manao ia e folafola mai ia te au o le a e faitauina le Tusi a Mamona ia le itiiti ifo i le tasi le itula i aso uma e amata atu nei seia oo i le isi a ta feiloaiga.’ Sa malie o ia o le a ia faia lena mea

“Sefulu aso mulimuli ane, sa ia toe foi mai ai i lo’u ofisa, a ua ou saunia foi. Sa ou aumaia a’u pepa e amata ai ona tali ana fesili, peitai sa ia taofia au.

“‘Peresitene,’ sa ia fai mai, ‘o le a le manaomia lena mea.’ Ona ia faamalamalama mai lea: ‘Ou te iloa e moni le Tusi a Mamona. Ou te iloa o Iosefa Samita o se perofeta a le Atua.’

“‘Ia, lelei tele,’ sa ou fai atu ai. ‘Ae o le a avatu pea tali o au fesili. Sa ou galue mo se taimi umi i lenei mea, o lea la tau lava o lou saofai mai iina ma faalogo.

“Ma o lea sa ou taliina uma ai ana fesili ona fesili atu lea, ‘Lau susuga, o le a se mea ua e aoaoina mai lenei mea?’

“Ma sa ia fai mai, ‘Ia tatou tuu atu taimi tutusa i le Alii”(“O Afea e Oo Ai Nei Mea?” 60).

• E faapefea ona faapupula mai i lenei aafiaga le mataupu faavae sa tatou faailoaina i le fuaiupu 37?

• Na faapefea ona faamanuiaina oe a’o e teuina upu a le Alii?

Iosefa Samita—Mataio 1:38–55

Ua faatonuina e Iesu Ona soo ia saunia mo Lona Afio Mai Faalua

Faamatala o le faaaogaina o faataoto, sa aoao ai e Iesu Ona soo i le ala e teuina ai Ana upu ma ia saunia ai mo Lona Afio Mai Faalua.

Vaevae le vasega i ni paga. Tofi se tagata se toatasi mai paga taitasi e suesue le Iosefa Samita—Mataio 1:38–46 a o le isi e suesue le Iosefa Samita—Mataio 1:47–54. Valaaulia le vasega e vaavaai mo aoaoga faavae ma mataupu faavae i a latou fuaiupu na atofa atu ma tusi i lalo.

A uma ua lava se taimi, fai i tagata aoga e otooto mai ia faataoto sa latou faitauina i a latou paga ma ia talanoaina ia fesili nei:

• O a upumoni na e mauaina?

• Na faapefea ona faapupula mai e le Faaola nei upumoni i fuaiupu na e suesueina?

Valaaulia ni tagata e lipoti mai ia upumoni sa latou faailoa maia, ia e ono aofia ai mea nei: E na o le Tama Faalelagi na te silafia le taimi o le a tupu ai le Afio Mai Faalua o le Faaola. Afai tatou te vaavaai atu mo faailoga ma usitai i poloaiga a le Alii, ona tatou saunia lea mo le Afio Mai Faalua o le Faaola.

Toe iloilo ia upumoni na faailoa mai i le Iosefa Samita—Mataio, ma fai i le vasega e mafaufau pe na faapefea e nei upumoni ona fesoasoani e tali ai fesili sa latou tusia i le amataga o le lesona. Valaaulia i latou e molimau atu i upumoni sa latou aoaoina.

Fai i se tagata e faitau leotele le saunoaga lea a Elder Dallin H. Oaks o le Korama a Aposetolo e Toasefululua (afai e mafai, ia saunia ni kopi e tufatufa i le vasega):

“E faapefea pe afai o taeao e afio mai ai o Ia? Afai sa tatou iloa o taeao le aso tatou te fetaia’i ai ma le Alii —e ala i lo tatou oti faafuasei, po o Lona toetu faafuase’i mai foi —o le a sa tatou mea e fai i le aso? O a ni mea o le a tatou tautau atu? O a ni mea o tatou faia o le a tatou tuua? O a ni o tatou toatuga o le a faaleleia? O a ni faamagaloga tatou te tuuina atu? O a ni molimau o le a tatou faia?

“Afai e tatau ona tatou faia na mea i lena taimi, aisea e le faia ai nei? ((“Sauniuniga mo le Afio Mai Faalua,” Ensign po o le Liahona,, Me 2004, 9).

Fai i tamaiti e tusi a latou tali i le fesili lenei: Afai ou te iloa o le a ou feiloai i le Faaola taeao, o le a le mea e tatau ona ou suia i le aso? Fautuaina i latou e faaaoga le mea sa latou tusia.

Tala ma Faamatalaga o Talaaga

Iosefa Samita—Mataio 1:11. “O le e tumau mausali ma e le faatoilaloina”

Na faamatala e Elder David A. Bednar o le Korama a Aposetolo e Toasefululua le uiga o le “tumau ma mausali:

“O le upu ‘mausali’ e faaaoga e ta’umai ai le tumau i se tulaga, ua malosi ma ua mau, e le maluelue ma ua mautu (Oxford English Dictionary Online, 2nd ed. [1989], “Steadfast”). “O se tagata e mausali ma e le ma sii ese, e mautu, maopo, lotomau, malupuipuia lelei, ma e le mafai ona tata‘iese mai se faamoemoega taua po o se misiona” (“Steadfast and Immovable: Always Abounding in Good Works,” New Era, Jan. 2008, 2).

Na aoao mai le Faaola: “O ia o le e nofo tumau ma lē faatoilaloina, o ia lava lea o le a faaolaina” (Iosefa Samita—Mataio 1:11). Ina ia faasaoina e le faapea o le a sao mai i faigata uma lava. Na faamatala e le Perofeta o Iosefa Samita

“E sese le manatu e faapea o le a sao mai le Au Paia mai faamasinoga uma, ae o le a puapuagatia ai e amioleaga; aua o tagata uma e oo i ai puapuaga, ma ‘o e amiotonu o le a tau le mafai ona sao mai ai; … o le toatele o e amiotonu o le a oo i gasegase, i faama’i, ma isi mea faapena, e ala i mafuaaga o le vaivai o le tino, ae e faaolaina lava i le Malo o le Atua” (i le History of the Church, 4:11; tagai foi i Journals, Volume 1: 1832–1839, vol. 1 of the Journals series of The Joseph Smith Papers [2008], 352–53). 1832–1839, vol. 1 of the Journals series of The Joseph Smith Papers, ed. Dean C. Jessee, Ronald K. Esplin, and Richard Lyman Bushman [2008], 352–53).

Iosefa Samita—Mataio 1:22. “O le a tulai mai foi o Keriso pepelo, ma perofeta pepelo.”

I faaupuga “Keriso pepelo:” ma “perofeta pepelo” e faasino i soo se tasi—i totonu ma fafo atu o le Ekalesia—o e fai mai ua tautatala mo le Alii e aunoa ma le pule po o e folafola mai aoaoga e feteenai ma upu a perofeta soifua. O faiga pepelo o le tapuai e mafai foi ona avea ma Keriso pepelo (tagai Bruce R. McConkie, The Millennial Messiah [1982], 48). O le fasifuaitau “o le filifilia e tusa ai ma le feagaiga” i le fuaiupu 22e faasino i tagata o le Ekalesia a Iesu Keriso.

Na faamalamalama mai e Elder M. Russell Ballard o le Korama a Aposetolo e Toasefululua ia faaupuga “Keriso pepelo” ma “perofeta pepelo”.

“Pe a tatou mafaufau i perofeta pepelo ma faiaoga pepelo tatou te matele lava i le mafaufau ia i latou o e lagolagoina se aoaoga sese ua iloga mai pe taumateina foi le i ai o le pule e aoao atu ai le talalelei moni a Keriso pe tusa ai ma la latou faaliliuga. E masani ona tatou taumateina faapea o na ituaiga tagata e faifaimea faatasi ma ni vaega laiti matautia o loo i tuaoi o nuu. Ae peitai ou te toe tau atu:o loo iai perofeta pepelo ma faiaoga pepelo o e o loo faapea mai e auai i le Ekalesia. E iai i latou o e, e aunoa ma le pule, ua faapea mai ua faamaonia e le ekalesia a latou galuega ma faatinoga. Ia nofouta i ituaiga tagata faapea” (“Ia Faaeteete i Perofeta Pepelo ma Faiaoga Pepelo,” Liahona, Ian. 2000, 62).

Iosefa Samita—Mataio 1:22. “Afai e mafai, o le a latou faasese i e ua filifilia”

Sa lapataia mai e Peresitene Iosefa F. Samita ia tagata o le Ekalesia:

“E leai se mea e mafai ona tatou talia e talitonuina e sa’o, ae o lena mea lea e sau sa’o mai le ala ua tofia, faalapotopotoga faatulagaina o le perisitua, o le ala lea sa atofa e le Atua e faailoa mai ai Lona mafaufau ma le finagalo i le lalolagi.

“… Ma o le taimi lava e vaavaai atu ai tagata i se isi lava punavai, o le taimi foi lena latou te tatala atu ai i latou lava i faatosinaga faataumaoi a Satani, ma tuuina atu i latou lava ia avea ma auauna a le tiapolo; ua latou le vaai atu i le upumoni lea e mafai ai ona sapi i faamanuiaga o le Perisitua; ua latou laa ese atu mai le malutaga o le malo o le Atua, ma ua i ai i le eleele matautia. Soo se taimi e te vaai ai i se tagata ua tulai mai ma faapea sa ia maua se faaaliga tuusao mai le Alii i le Ekalesia, e ese mai le faatulagaga ma le ala o le perisitua, e mafai ona e tuuina o ia i lalo o se tagata taufaasese’ (Gospel Doctrine, 5th ed. [1939], 42)”