Kalatia 5–6

Folasaga

Ua fautuaina e Paulo le Au Paia i Kalatia e toefuatai lo latou faatuatua ia Iesu Keriso ma ia talitonu o le faaolataga e na o Ia e maua ai nai lo la usitai i le tulafono a Mose. Sa faaiu e Paulo lana tusi i le valaaulia o tagata o le Ekalesia e avea ma tagata fou e ala ia Keriso e fesoasoani ai i isi e faia le mea lava lea.

Fautuaga mo le Aoaoina Atu

Kalatia 5

Ua fautuaina e Paulo le Au Paia i Kalatia e toefuatai lo latou faatuatua ia Iesu Keriso

Tusi se ata o se taufalooga i le laupapa.

O le a le taufalooga? E faapefea ona e manumalo ai?
O ni auala e pei ai o tatou olaga o se taufalooga?

Afai e lei taua mai e le vasega, tau i ai o se tasi vaega o o tatou olaga e pei o se taufalooga o la tatou tauiviga e faasaga i faaosoosoga. Valaaulia le vasega e vaavaai mo upumoni a o latou suesueina le Kalatia 5ia e mafai ona fesoasoani latou te iloa ai pe faapefea ona manumalo i faaosoosoga.

Faamanatu i le vasega o nisi o Kerisiano Iutaia na taitaiseseina e le Au Paia i Kalatia e ala i le aoaoina o i latou faapea e tatau ona latou ola i le tulafono a Mose ma ia peritomeina ina ia faasaoina ai. Sa faamatala e Paulo o nei aoaoga sese e uiga i le tulafono a Mose o se “amo o le pologa” (Kalatia 5:1).

Valaaulia se tamaitiiti aoga e faitau leotele le Kalatia 5:1. Fai i le vasega e muimuli ai, ma vaavaai po o ai na fai mai Paulo o le a faasaolotoina mai lenei amo o le pologa.

O ai e aumaia le saolotoga mai lenei amo o le pologa?

Aotele le Kalatia 5:2–15i le faamatala atu faapea na aoai e Paulo le Au Paia i Kalatia i le matua faigofie tele ona o ese mai le saolotoga o le talalelei a Iesu Keriso ma toe foi atu i le noataga o le tulafono a Mose. Ona ia faamanino mai lea e uiga ina ua faasaolotoina mai soo o Keriso mai le pologa o le tulafono a Mose, e le faapea ai ua latou maua le saolotoga e nofo saoloto ai i le agasala.

Valaaulia se tamaitiiti aoga e faitau leotele le Kalatia 5:16–17. Fai i le vasega e mulimuli ai, ma vaavaai mo malosiaga faatautava e lua na faamatala e Paulo.

O a malosiaga faatautava e lua na faamatala e Paulo?

Fatu se siata i luga o le laupapa i le tusia o se laina mai luga i lalo i le ogatotonu o le ata o le taufalooga. Tusi le Savali i le Agaga i luga ae o le tasi itu o le taufalooga, ae tusi le Faataunuu ia tuinanau o le tino i luga ae o le isi itu.

O le a le uiga o le “savali i le agaga”? (fuaiupu 16. (Ia ola agavaa mo ma mulimuli i le Agaga Paia.)
O le a le mea o faasino i ai “le tuinanau o le tino” fuaiupu 16? (Faaosoosoga ia agasala.)
E faapefea ona avea nei ma malosiaga faatautava?
O le a le mataupu faavae e mafai ona tatou aoao mai le fuaiupu 6e uiga i le ala e mafai ai ona tatou faatoilalo ia tofotofoga i le tino? (E ono faaaoga e le vasega ni upu eseese ae e tatau ona faailoa maia se mataupu faavae e pei o lenei: A o tatou savavali i le Agaga, o le a tatou faatoilaloina ia faaosoosoga o le tino. Tusi le mataupu faavae lenei i luga o le laupapa.)

Fai i le vasega e mafaufau pe o le fea itu o latou iai i lenei taufalooga ma pe o le fea foi malosiaga o loo manumalo i o latou olaga.

Vaevae le vasega i ni vaega se lua pe tolu. Tofi le afa o le vaega e faitau leotele faatasi le Kalatia 5:19–21, ma vaavaai mo taunuuga o le “[faataunuuina] o le tuinanau o le tino.” Valaaulia le isi afa e faitau leotele faatasi le Kalatia 5:22–23, ma vaavaai mo taunuuga o le savavali i le Agaga. A uma ona latou faitau, valaaulia se tagata se tasi mai vaega taitasi e lisi mai i le koluma talafeagai i le laupapa se tasi o tali sa latou maua. Valaaulia i latou e faaauau pea le lisi o a latou tali seia atagia mai i le siata mea sa lisi mai e Paulo. Atonu e te manao e aumai se lomifefiloi i le vasega ma valaaulia se tagata e autilo soo se upu e faigata ona malamalama ai.

E tusa ai ma le fuaiupu 21, o le a le mea na aoao mai e Paulo o le a tupu i tagata o e faamatuu atu i “galuega a le tino”?
E tusa ai ma fuaiupu 22–23, o a fua, po o taunuuga, e tau mai ai se tasi ua savali i le Agaga? (E ono faaaoga e le vasega ni upu eseese, ae ia mautinoa latou te faailoa mai lenei upumoni: A o fua o le Agaga o le alofa, olioli, filemu, onosai, mataalofa, agalelei, faamaoni, agamalu, ma le le gaoia. Atonu e te manao e fautua atu i tagata o le vasega e faailoga lenei upumoni i totonu o a latou tusitusiga paia.)

Faasino i le itu o le siata o loo lisi ai fua o le Agaga.

Aisea e aoga ai le maua o nei faamanuiaga?

I lalo o le siata tusi ai se au tele e faasino agai i le itu o loo lisi ai tuinanau o le tino. Fai i le vasega e mafaufau faapea i lenei taufalooga faafaatusa ua tatou faatagaina ai i tatou lava e agai atu i tuinanau o le tino.

O le a le mea e tupu i fua o le Agaga pe a tatou faamatuu atu i tuinanau o le tino? (E amata ona tatou le maua fua o le Agaga.)

Tape le au ma tusi se isi au e faasino agai i fua o le Agaga. Fai i le vasega e mafaufau faapea ua tatou faatagaina nei i tatou lava e agai atu i le itu lea.

O le a le mea e tupu i galuega a le tino pe a tatou savavali i le Agaga? (E le toe avea o se vaega o o tatou olaga.)

Valaaulia le vasega e tusi ia latou api o le vasega po o api talaaga mo le suesueina o tusitusiga paia e uiga i se taimi na latou lagonaina ai pe iloa se tasi o nei fua o le agaga. Fai i ai e faaaofia ai mea sa latou faia e savavali ai i le Agaga i lena taimi. A uma, valaaulia nisi o tagata aoga e faasoa mai mea na latou tusia.

Valaaulia se tamaitiiti aoga e faitau leotele leKalatia 5:24–25. Fai i le vasega e mulimuli ai, ma vaavaai mo mea na taumafai ia soo o Iesu Keriso e fai i tuinanau o le tino.

O a mea sa taumafai soo o Iesu Keriso e fai i tuinanau o le tino? (Faasatauroina, pe aveesea mai o latou olaga.)

Valaaulia le vasega e mafaufau pe o le a le mea o le a latou faia ina ia savavali atili ai i le Agaga. Fautuaina i latou e mulimuli i uunaiga latou te maua ina ia mafai ai ona latou olioli i fua o le Agaga.

Kalatia 6

Ua valaaulia e Paulo le Au Paia i Kalatia ia suia e ala ia Iesu Keriso

Valaaulia le vasega e mafaufau i se tasi latou te iloaina o se e le o maua i le taimi nei ia faamanuiaga o le talalelei, tusa pe o lena tagata e le o se tagata o le Ekalesia. Fai i le vasega e vaavaai mo se mataupu faavae ao latou suesueina le Kalatia 6lea e mafai ona taialaina ai i latou ia latou taumafaiga e fesoasoani i le tagata sa latou mafaufau i ai ia maua faamanuiaga o le talalelei.

Valaaulia se tamaitiiti aoga e faitau leotele le Kalatia 6:1–2. Fai i le vasega e mulimuli ai, ma vaavaai mo mea na aoao atu e Paulo e uiga i le ala e tatau ona tali atu ai tagata o le Ekalesia i se tasi ua agasala. {(Atonu e manaomia lou faamatala atu o le “maua o se tasi i se tasi agasala” fuaiupu 1o lona uiga o le agasala.)

E tusa ai ma Paulo, e tatau faapefea e tagata o le Ekalesia ona tali atu i se tasi ua agasala? (“Toefuatai” le tagata, pe fesoasoani ia te ia e toe foi mai i le ala o le talalelei.)
Aisea e taua ai ona i ai “le agaga o le agamalu” fuaiupu 1a o tatou fesoasoani i se tasi e toe foi mai i le ala o le talalelei?
O a ni auala e mafai ai ona tatou “ave … ia outou avega”? (fuaiupu 2).

Aotele le Kalatia 6:3–5 i le faamatala atu faapea na aoao mai Paulo e le tatau ona tatou faasausili ma faafia-amiotonu ma e tatau i tagata uma ona “ave i lana lava avega” (fuaiupu 4), pe faamasinoina i ana lava filifiliga.

Faaali ni nai fatu o se fualaau suamalie po o se fualaau faisua e faigofie i le vasega ona iloa. Fai i ai e faailoa mai pe o a na ituaiga fatu.

O le a se mea e mafai ona e faamoemoe i ai pe a e totoina nei fatu?

Valaaulia se tamaitiiti aoga e faitau leotele le Kalatia 6:7–8. Fai i le vasega e mulimuli ai, ma vaavaai mo mea na aoao mai e Paulo e uiga i mea e mafai ona tatou faamoemoe i ai pe a tatou totoina ia fatu.

O a mea na aoao mai e Paulo e uiga i mea e tutupu pe a totoina ia fatu? (O le mea na e lulu, pe toto, o le mea foi lea e te selesele, pe maua. O le tulafono lena o le seleselega.)
E faapefea ona fesootai le tulafono o le seleselega ma faaiuga tatou te faia?

Valaaulia tamaiti e faitau lemu le Kalatia 6:9–10. Fai i ai e vaavaai pe aisea na aoao mai ai e Paulo le tulafono o le seleselega.

Aisea tou te manatu ai na aoao atu e Paulo le tulafono o le seleselega ina ua uma ona ia valaaulia ia Kalatia e fesoasoani le tasi i le isi e tumau pe toe foi i le ala o le talalelei?
O le a le mataupu faavae e mafai ona tatou aoao mai i nei fuaiupu e uiga i le fesoasoani atu i isi o e e le o olioli i faamanuiaga o le talalelei? (E ono faaaoga e le vasega ni upu eseese ae e tatau ona faailoa maia se mataupu faavae e pei o lenei: Afai tatou te maelega i le faia o mea lelei, o le a tatou selesele ia faamanuiaga o a tatou faatinoga.
E mafai faapefea e le folafolaga o le a tatou selesele “i ona po e tatau ai” ona fesoasoani ia i tatou ia aua nei “faapalapala” fuaiupu 9 pe fiu, i a tatou taumafaiga e auauna atu i isi ma ola ai i le talalelei i o tatou lava olaga?
O anafea na e maelega ai pe maelega se tasi e te iloaina i le faia o mea lelei e ui e lei oo mai vave ia faamanuiaga? (Atonu foi e te mafaufau e faasoa atu se aafiaga.)

Aotele le Kalatia 6:11–18i le faamatala atu faapea na faaiu e Paulo lana tusi i le Au Paia i Kalatia i le toe faamamafa atu faapea o le filemu ma le alofa mutimutivale o Iesu Keriso e i luga o i latou uma o e avea ma tagata fou e ala i le faatuatua i Lona suafa.

Fautuaina le vasega e “aua nei faapalapala i le amiolelei”fuaiupu 9 ma ia mafaufau ma le agaga tatalo pe o ai e mafai ona latou fesoasoani i ai ia toe foi atu i le ala o le Alii. Valaaulia i latou e mulimuli ma le maelega i uunaiga latou te maua mai le Agaga Paia.

Mau Tauloto Kalatia 5:22–23

Ina ia fesoasoani i le vasega e tauloto le Kalatia 5:22–23, valaaulia le vasega e tauloto ia tofu le tagata ma le upu i le taimi. Mo se faataitaiga, o le tagata muamua ia fai mai “peitai,” tagata lona lua e fai mai “o le,” o le tagata lona tolu e fai mai “fua,” ma faapena ai lava seia maea fuaiupu uma e lua. Ia taimi le faiga e le vasega, ma tuu atu ia i latou ni taimi e faataitai ai ina ia ausia ai se taimi e tausinio i ai. A o e toe faia lenei gaoioiga, mafaufau e fesuiai le faasologa o tagata aoga ina ia latou faia ia upu eseese. E mafai foi ona e fautuaina ia faataitai e le vasega i le amataga o le vasega i ni aso faasolosolo ina ia mafai ai ona latou faaleleia la latou taimi. A uma ona faalogo le vasega a o fai faafia le mau, valaaulia i latou e taumafai e tauloto atu i se tasi o nofo i ona autafa.

Tala ma Faamatalaga o Talaaga

Kalatia 5:24. “Ua faasatauroina e i latou le tino ma ona manao ma ona tuinanau”

O le aoaoga a Paulo faapea “o e o ia Keriso, ua faasatauroina e i latou le tino, ma ona manao ma ona tuinanau” e le faapea o i latou o e mulimuli ia Keriso o le a le toe oo i ni tofotofoga. Ae, o lona uiga o le a latou aoaoina le ala e faatoilalo ai o latou tofotofoga.