Lesona 47: Luka 6:1–7:18

Lesona 47

Luka 6:1–7:18

Folasaga

Na aoao atu e Iesu le taua o le faia o mea lelei i isi tagata e aofia ai i le Sapati. Ina ua uma se po na alu o tatalo, sa ia valaauina Aposetolo e Toasefululua ona aoao atu lea o i latou ma se motu o tagata. Sa ia faamalolo foi le auauna a se taitai o le toaselau ma faatuina le tama a le fafine ua oti lana tane mai le oti.

Fautuaga mo le Aoaoina Atu

Luka 6

Ua faamalolo e Iesu i le Sapati, filifilia Aposetolo e Toasefululua, ma aoao atu le motu o tagata

(Manatua: O le tele o le anotusi i le Luka 6 sa aofia ai i lesona mo le Mataio 5–7; 10:1–4; ma le Mareko 3:1–6. O lenei vaega o le lesona o le a taulai atu i leLuka 6:31–38.)

Fai i le vasega e manatu faapea i a latou saungia Lotu i le Aso Sa na latou faalogo ai i se faasilasilaga e uiga i se galuega fesoasoani mo se aiga e nonofo latalata ane. Ina ua uma le faasilasilaga, sa latou faalogoina ni tali eseese se fa. Valaaulia ni tagata se toafa e faitau leotele mai tali le faavaea:

“O le tele o faafitauli o lena aiga talu ai nei. Ou te fiafia e fesoasoani i soo se ala ou te mafai ai.”
“E tatau ona i ai se meaai pe a uma, aua a leai ou te le alu.”
“Ou te le o manao moni e alu, ai e mafai ona ou faaaogaina se fesoasoani i le vaiaso lea i le galuega faatino o loo ou fuafuaina, o lea la atonu e tatau ona ou fesoasoani nei.”
“Afai e alu la’u uo, o le a ou alu foi.”

O a ni mea o fautuaina mai e nei faataitaiga e uiga i mafuaaga e auauna atu ai tagata i nisi taimi?

Fai i le vasega e mafaufau i ni avanoa sa latou maua e auauna atu ai ma pe o a o latou lagona e uiga i le auauna atu. Valaaulia i latou e vaavaai mo mataupu faavae a o latou suesue i le Luka 6–7ia e mafai ona fesoasoani latou te tuu atu ai ni auaunaga i ni auala e sili ona anoa.

Otooto leLuka 6i le faamatala atu a o i ai Iesu i Kalilaia i le amataga o Lana galuega, sa Ia faamaloloina i le Sapati le lima o se tagata na gase, alu le po o tatalo, ma sa valaauina Aposetolo e Toasefululua. Ona amata ai lea e Iesu ona aoao atu i latou ma “se motu o tagata e toatele” (fuaiupu 17) i le ala e maua ai taui faalelagi.

Valaaulia le vasega e faitau lemu le Luka 6:19, ma vaavaai mo mea na faia e Iesu mo tagata a o lei amata ona ia aoao atu ia te i latou. Fai atu i tagata o le vasega e lipoti mai mea ua latou mauaina.

Valaaulia ni nai tamaiti e feauaua’i i le faitauina leotele mai o le Luka 6:31–35. Fai atu i le vasega e mulimuli i le faitauga, ma vaavaai mo le fautuaga na tuuina atu e le Alii i Ona soo.

O le a le fautuaga na tuu atu e Iesu i Ona soo?
E tusa ai ma lefuaiupu 35, o le a le mea tatou te faamoemoe e toe maua mai mo le faia o mea lelei i isi? (Atonu e te manao e valaaulia le vasega e maka le fasifuaitau “aua le faamoemoe i se mea e tasi e aumai.”)
O a taui faaletino e ono faamoemoe tagata e maua mai pe a latou tuu atu se auaunaga?
Afai tatou te faia mea lelei i isi e aunoa ma le faamoemoe e toe aumai se mea, o le a le mea ua folafola mai e le Alii o le a tupu? (E tatau i le vasega ona faailoa mai se mataupu faavae e pei o lea: Afai tatou te faia mea lelei mo isi e aunoa ma le faamoemoe i se mea e toe aumai, o le a sili atu lo tatou taui ma o le a avea i tatou o fanau a Le Silisiliese.

Faamatala atu e ui o i tatou uma o fanau a le Atua, o i latou o e faia mea lelei i isi e faataunuuina lo latou gafatia paia o le avea ai faapei o le Tama Faalelagi.

Aisea ua avea ai lenei folafolaga ma taui silisili mo le alolofa ma faia mea lelei mo isi?

Valaaulia se tamaitiiti e faitau leotele le Luka 6:36–38. Fai i le vasega e mulimuli ai, ma vaavaai mo faataitaiga na tuu atu e Iesu i auala e mafai ai ona tatou faia o mea lelei i isi.

E tusa ai ma lefuaiupu 36–37, o a faataitaiga na tuu mai e Iesu i auala e mafai ona tatou faia ai mea lelei i isi? (Atonu e te manao e faamatala o i latou o e faia mea lelei i nei auala o le a mauaina le alofa mutimutivale ma le faamagaloga a le Atua.)

Ina ia fesoasoani ia malamalama le vasega i lefuaiupu 38 aumai i le vasega se pakete, po o se pusa e i ai nisi mea, e pei o ni ofu, meaai, ma fagu vai. Ia mautinoa e tele atu ni mea e aumai nai lo mea e ofi i le koneteina na e aumai. Valaaulia se tagata e sau i luma o le vasega, ma fai i ai e taumafai e faaofi uma le tele o mea i le koneteina i le mea e gata ai. A uma, ona fesili lea i ai:

E faapefea e fasifuaitau o le “fua lelei, lolomi ma luluina, ma solo i tua”(fuaiupu 38) ona faamatalaina ai au taumafaiga e faatumu le koneteina lea? (Faafetai i le tagata, ma fai i ai e nofo i lalo.)
E faamatala faapefea e nei fasifuaitau le ala e tauia ai i tatou e le Tama Faalelagi pe a tatou foai atu i isi? (E ono faaaoga e le vasega ni upu eseese ae e tatau ona latou faailoa maia le upumoni lenei: A o tatou foai atu ma le matamau i isi, e sili atu ona faamanuiaina i tatou ma le agalelei e le Tama Faalelagi.
O a ni auala tatou te matamau ai e foai atu i isi?

Valaaulia le vasega e mafaufau i se taimi na latou pe o se tasi latou te iloa na foai atu ai ma le matamau i isi. Faaali ia fesili nei (pe tuu atu i le vasega ni kopi o nei fesili), ma valaaulia le vasega e tali i na fesili i a latou api po o api talaaga mo le suesueina o tusitusiga paia (pe tusi i luga o le tufaaga na e saunia):

Na faapefea ona faamanuiaina oe po o se tasi e te iloa, e le Alii ona o le foai atu ma le matamau?
O le a se mea e te faia ina ia matamau atili ai i isi?

A uma ua lava se taimi, fuafua e valaaulia soo se tagata e fiafia e faasoa mai mea sa latou tusia. Fautuaina le vasega e tatalo mo le fesoasoani a le Alii a o latou taumafai ia matamau atili i isi.

Luka 7:1–10

Ua faamalolo e Iesu le auauna a le taitai o le toaselau

Faamatala ina ua uma ona aoao atu le motu o tagata, sa ulu atu Iesu i se taulaga e igoa o Kapanaumi.

Valaaulia ni tamaiti e feauauai i le faitauina leotele o le Luka 7:2–5. Fai i le vasega e mulimuli ai, ma vaavaai pe o ai na sailia le fesoasoani a Iesu ina ua faalogo ua maliu atu o Ia i le taulaga.

O ai na sailia le fesoasoani a Iesu?

Faamatala o le taitai o le toaselau o se taitai o le au fitafita a Roma o se aofaiga e 50 i le 100 tane.

O le a le mea na atuatuvale ai le taitai o le toaselau?

Ta’u i ai e masani lava e le fiafia Iutaia i taitai o le toaselau ona o latou e suia le malosiaga faaupufai ma le militeli a Roma e pulea ai Iutaia ma o latou laueleele (tagai Tusi lesona a le Tagata Aoga o le Feagaiga Fou [Church Educational System manual, 2014], 153).

O le a le ituaiga tagata e i ai lenei taitai o le toaselau?

Valaaulia se tamaitiiti e faitau leotele le Luka 7:6–8. Fai i le vasega e mulimuli ai, ma vaavaai pe na faaalia faapefea e le taitai o le toaselau le faatuatua tele ia Iesu Keriso.

Na faaalia faapefea e le taitai o le toaselau le faatuatua tele ia Iesu Keriso?

Fai i se tamaitiiti e faitau leotele le Luka 7:9–10. Valaaulia le vasega e mulimuli ai, ma vaavaai pe na faapefea ona tauia le faatuatua o lenei taitai o le toaselau. Fai atu i le vasega e lipoti mai mea ua latou mauaina.

O le a se mataupu faavae e mafai ona tatou aoaoina mai i lenei tala? (Atonu e faailoa mai e le vasega ni mau mataupu faavae, e aofia ma lenei: O le faaalia o le faatuatua ia Iesu Keriso, e mafai ai ona tatou fesoasoani e aumaia faamanuiaga i o tatou olaga.

Luka 7:11–18

Ua faatuina mai e Iesu mai le oti le tama a le fafine ua oti lana tane.

Faamatala o le aso na sosoo ma le faamaloloina e le Faaola o le auauna a le taitai o le toaselau, na Ia faia ai se isi vavega.

Valaaulia se tagata e faitau leotele le Luka 7:11–12. Fai i le vasega e mulimuli ai, ma vaavaai po o le a le mea na fetaiai ma Iesu ma Ona soo a o latou latalata atu i le aai o Naina.

Nai lo le faitauina leotele e se tagata o le Luka 7:11–12, e mafai ona e faaalia se vaega o le vitio “The Widow of Nain” (0:00–0:45) mai le The Life of Jesus Christ Bible Videos, lea e maua i le LDS.org.

O le a le mea na vaaia e Iesu ma Ona soo a o latou latalata atu i le faitotoa o le aai?
E tusa ai ma lefuaiupu 12, aisea na faapitoa ai le matuia i lenei fafine le oti o lenei taulealea?

Ta’u i ai e le gata ua oti le tama e toatasi a lenei fafine, ae e lei leva foi ona maliu lana tane. E le gata i le faanoanoa tele atonu sa feagai ma ia, ae atonu foi e leai se tasi e lagolagoina o ia i mea tautupe.

Fai i se tasi e faitau leotele leLuka 7:13–15, pe faaali le vaega o totoe o le vitio (0:45–2:23). Valaaulia le vasega e vaavaai pe o le a le mea na faia e le Faaola ina ua Ia silasila atu i le faanoanoaga o lenei fafine. (Atonu e te manao e faamatala o le fata o se pusa maliu po o se tulaga o loo tuu ai se pusa maliu.)

O le a le mea na faia e le Faaola mo lenei fafine?
E tusa ai ma le fuaiupu 13, aisea na faamalolo ai e Iesu le tama a lenei fafine? (Atonu e te manao e ta’u i ai e lei ole atu le fafine ia te ia e faamalolo lana tama ae na Ia matauina le mea sa ia manaomia ona fesoasoani ai lea e faataunuu.)
Mata o a ni ou lagona pe ana e i ai i le tulaga o lea fafine ua oti lana tane ma e vaai i le Faaola o faatuina mai lau tama e toatasi mai le oti?
O le a le upumoni e mafai ona tatou aoao mai lenei tala pe mafai faapefea ona tatou mulimuli i le faataitaiga a Iesu keriso? (E ono faaaoga e le vasega ni upu eseese, ae ia manatua latou te faailoa maia le upumoni lea: E mafai ona tatou mulimuli i le faataitaiga a le Faaola i le faaalia o le agaalofa mo isi ma auauna atu i o latou manaoga e le faaleoa maia.
E mafai faapefea ona tatou iloatinoina manaoga o isi pe afai latou te le faasoa maia ia i tatou?

Faamatala ao saili e le vasega le mafautaga a le Agaga Paia, e mafai ona latou mauaina uunaiga i le ala e tali atu ai i manaoga natia o isi. E tusa ai ma lena, e mafai e tagata ona mafaufau i le fautuaga a Peresitene Henry B. Eyring o le Au Peresitene Sili na ia maua: “A e feiloai i se tasi, fai i latou e faapei o feagai ma se faaletonu matuia, ma o le a e sa’o e silia ma le afa o le taimi”(“In the Strength of the Lord,” Ensign po o le Liahona, May 2004, 16).

Ina ia fesoasoani i tagata aoga ia lagona le moni ma le taua o lenei aoaoga faavae, valaaulia se tagata aoga e faitau leotele le saunoaga lenei a Peresitene Thomas S. Monson.

“O nisi tala e uiga i le galuega a le matai e pito sili ona ou ootia ai o Lana faataitaiga o lona mutimuti alofa sa faaalia i le fafine ua oti lana tane i Naina. …

“!O le a le mana, o le a le agamalu, o le a le mutimuti alofa lea sa faaalia e lo tatou matai! E faamanuiaina i tatou pe a tatou mulimuli i lana faataitaiga mamalu. O loo maua avanoa i mea uma. O le mea e manaomia o mata e vaai ma taliga e faalogo i tagi lemu o se loto mafatia . Ioe, ma se agaga e tumu i le mutimuti alofa, ina ia mafai ona fesootai e le na o mata i mata poo le leo i le taliga ae ui i lea, i agamalie a le faaaola, e oo lava i le fatu i le fatu” (“Meeting Life’s Challenges,” Ensign, Ian. 1994, 71).

O le a se taimi na e maua ai pe maua ai foi e lou aiga se galuega alofa mai isi, e tusa lava pe tou te lei talosagaina?
E mafai faapefea e le mulimuli i le faataitaiga a Keriso ona fesoasoani tatou te atiinae ai le tomai e iloatino ai manaoga le faaleoa mai o isi?

Afai e lei faaalia le vitio, valaaulia se tagata e faitau leotele leLuka 7:16–17. Fai i le vasega e mulimuli ai, ma vaavaai pe na faapefea ona tali atu tagata i le vavega o le faatuina mai o le tama a le fafine ua oti lana tane.

Na faapefea ona tali atu tagata ina ua uma ona faatuina mai e Iesu le tama a le fafine ua oti lana tane?

Faamatala atonu na tautino atu e tagata faapea “ua tu mai ia te i tatou le perofeta sili” (fuaiupu 16) ona o mea e tutusa ai ma le faamalologa o le tama a le fafine Naina ua oti lana tane ma taimi na faatuina mai ai e perofeta o le Feagaiga Fou o Elia ma Elaia ni atalii mai le oti (tagai 1 Tupu 17:17–24; 2 Tupu 4:17–22, 32–37; Tusi lesona a le Tagata Aoga o le Feagaiga Fou 154).

Faaiu i le valaaulia o le vasega e vaavaai mo avanoa e faafetaiaia ai manaoga le faaleoa maia o isi. Fautuaina i latou e auauna atu ma le matamau e aunoa ma le faamoemoe ia maua mai se mea.

Tala ma Faamatalaga o Talaaga

Luka 6:31–38. Aisea tatou te auauna atu ai i isi

Na lisi mai e Elder Dallin H. Oaks o le Korama a Aposetolo e Toasefululua ni nai mafuaaga e tatauai ona tatou auauna atu:

“E feauaunaai tagata mo mafuaaga eseese, ma o nisi o mafuaaga e sili atu nai lo isi. Atonu e leai se tasi o i tatou e auauna atu i taimi uma mo se mafuaaga se tasi. Talu ai o i tatou o ni tagata e le atoatoa, o le toatele o i tatou atonu e auauna atu mo ni mafuaaga tuufaatasi, ma atonu e eseese mai lea taimi i lea taimi a o tatou tuputupu ae faaleagaga. Ae e tatau ona tatou taumafai uma e auauna atu mo mafuaaga e sili ona maualuga ma silisili.

“O a ni nai mafuaaga mo le auauna atu? O le a ou fautua atu ni mafuaaga se ono, mai le itiiti i le sili atu.

“O nisi atonu e auauna atu ma le faamoemoe mo se taui faalelalolagi. …

“O se tasi mafuaaga o le auauna atu—atonu e sili atu ona aoga nai lo lea na muamua, ae o la lava e i ai i le vaega o le saili i taui faalelalolagi—o lea e faaosofia ai se manao faaletagata ia maua ni mafutaga lelei. …

“O nisi atonu e auauna atu ona o le fefe i le faasalaga. …

“ O nisi tagata atonu e auauna atu ona o se lagona o lana tiute pe ona o le faamaoni i uo po o aiga po o tu masani faaleaiga. …

“O le tasi o mafuaaga maualuga atu mo le auauna atu o le faamoemoe i se taui faavavau. …

“O le faamoemoega mulimuli o le a ou talanoaina o le, i lo’u taofi, o le mafuaaga e silisili ona maualuga i lo mea uma. I lona sootaga ma le auauna atu, o lea e ta’ua i tusitusiga paia ’o le ala e silisili lava’ (1 Kori. 12:31).

“‘O le alofa mama o le alofa le pona lea o Keriso’ (Moro. 7:47). …

“O lenei mataupu faavae—o la tatou auaunaga e tatau ona faia mo le alofa o le Atua ma le alofa i uso a tagata ae le o le faia mo se mafuaaga faaletagata po o se isi lava faamoemoega e itiiti ifo—e moni lava o se tulaga maualuga. Atonu na silafia lava e le Faaola, talu ai na ia faafesootaia tonu lava lana poloaiga mo le le manatu faapito ma le alofa atoatoa ma le taua tele o le atoatoa“ (“Aisea Tatou Te Auauna Atu Ai?” New Era, March 1988, 6, 7; see also Dallin H. Oaks, “Aisea tatou te Auauna ai?” Liahona, Ian. 1985, 12–15).