Folasaga i le Tusi a Paulo i Kalatia

Aisea e suesue ai lenei tusi?

O le Tusi a Paulo i Kalatia sa tusia e Kerisiano Iutaia o e sa sese ese mai le Alii e ala i le toe faalagolago tasi i galuega a le tulafono a Mose. Sa saili e le Aposetolo o Paulo e faasao le faafitauli lea e ala i le faamamafa atu o le eseesega i le va o le mamafa o le “amo” o le tulafono a Mose, lea e taitai atu ai i le pologa faaleagaga, ma le talalelei a Iesu Keriso, lea e taitai atu ai i le saolotoga faaleagaga. O le suesueina o lenei tusi e mafai ona fesoasoani i le vasega e talisapaia atili ai le saolotoga ua ofoina mai i le talalelei a Iesu Keriso.

O ai na tusiaina lenei tusi?

Na tusia e le Aposetolo o Paulo le Kalatia (tagai Kalatia 1:1).

O anafea ma o fea foi na tusia ai?

Peiseai na tusia e Paulo lana Tusi i Kalatia a o malaga atu i Maketonia i le taimi o lana malaga lona tolu faafaifeautalai pe tusa o le T.A. 55–57 (tagai Bible Dictionary, “Pauline Epistles”).

O ai na faatatau i ai le tusiaina o lenei tusi, ma pe aisea foi?

“E i ai sina faaletonu pe o a lotu sa faatuatusi i ai lenei tusi. Pei a le o Kalatia i matu, o le itumalo o lona laumua o Ancyra, pe o le itumalo i le tuaoi o Filikia ma Kalatia lea sa asia e Paulo i lana malaga muamua faafaifeautalai. I tulaga ia o ekalesia i Kalatia sa mautinoa lava le asia e Paulo i lana malaga lona lua (Galuega 16:6) ma le lona tolu (Galuega 18:23)” (Bible Dictionary, “Pauline Epistles: Tusi i Kalatia”

Na tusi atu Paulo i le Au Paia i Kalatia ona sa matuai popole o ia ona ua se ese i latou mai le Alii e ala i le mulimuli i aoaoga a nisi o e sa saili e “faasese le talalelei” (tagai Kalatia 1:6–7). Na aoao atu e Kerisiano Iutaia ia Kerisiano o Nuuese le mataupu sese e faapea e tatau ona peritomeina i latou ma tausia sauniga moomia o le tulafono a Mose ina ia mafai ai ona faaolaina (tagai Kalatia 6:12; tagai foi Galuega 15:1). Na talia e nisi o le Au Paia i Kalatia ia aoaoga a nei tagata (tagai Kalatia 4:10).

O faamoemoega autu lava o Paulo ia i le tusia o lenei tusi e aofia ai:

O le puipuia o ia lava mai tuuaiga a aoao pepelo o e sa teena o ia.
Aoao atu o tagata uma, pe o se Iutaia po o se Nuuese, e faasaoina i le Togiola a Iesu Keriso e ala i le tuu atu o lo latou faatuatuaga ia Iesu Keriso nai lo le faalagolago i galuega a le tulafono a Mose.
Faamaninoina o le matafaioi a le tulafono a Mose i le fuafuaga a le Atua.
Faavasega le eseesega i le va o le feagaiga tuai na faia e le Atua e ala ia Mose ma le feagaiga fou e ala ia Keriso.
Valaau atu i le Au Paia ia ola i le Agaga.

O a nisi o vaaiga uigaese o lenei tusi?

O le tusi o Kalatia e tulagaese lava o se tusi e sili ona o‘oo‘o lagona, lea sa ia tuuina atu ai se aoaiga matuia i tagata o le Ekalesia o e sa se ese atoa ai ma aoao pepelo o e sa taitaiseseina i latou. O le Kalatia o loo i ai uluai aoaoga tusitusia a Paulo e uiga i le mataupu o le tauamiotonuina—e le tauamiotonuina i tatou e ala i galuega o le tulafono a Mose ae e ala i le faatuatua ia Iesu Keriso. O le tusi ua aumaia ai le eseesega “o galuega a le tino” ma “le fua o le Agaga” (Kalatia 5:16–25).

Otootoga

Kalatia 1–2o loo tusi atu ai Paulo i le Au Paia i Kalatia aua sa latou se ese mai le Alii ma latou talia aoaoga sese. Ua ia puipuia lona valaauga o se Aposetolo e ala i le toe faamatalaina o lona uluai tetee i le Ekalesia ma lona liua mai. Ua ia faamamafa atu ai faapea na ia maua le faaaliga tuusao mai le Atua ma faamanino atu ai o lana galuega i Nuuese ua faamaonia e Aposetolo. Ua ia tau atu na i ai se taimi na la eseese ai ma Peteru e uiga i le Au Paia o Nuuese. Ua ia aoao mai faapea e le tauamiotonuina tagata i galuega o le tulafono a Mose ae e ala i le faatuatua ia Iesu Keriso.

Kalatia 3–4 Ua puipuia e Paulo le savali o le talalelei. Ua ia aoao atu o Aperaamo o se faataitaiga o se tagata ua tauamiotonuina e ala i le faatuatua ae le o galuega o le tulafono a Mose. O le Togiola, na laveaiina ai e Iesu Keriso le tagata mai le fetuu o le tulafono. O le faamoemoega o le tulafono a Mose o le avea o se “taitaitama ia aumaia ai i tatou ia Keriso.” O le faatuatua ma le papatisoga, e maua ai e le Au Paia ia faamanuiaga o le Togiola, ulu atu ai i le feagaiga o le talalelei, avea ma suli o le Atua e ala ia Keriso, ma e le toe avea ai ma pologa ae o fanau a le Atua.

Kalatia 5–6ua tatalo atu Paulo i le Au Paia ia tumau mausali i le feagaiga o le talalelei ua ofoina ai e Keriso. Ua faavasega e Paulo le eseesega o le olaga o se tagata e aofia ai i “galuega a le tino” a le e fiafia i “fua o le Agaga.” Ua ia aoao atu e tatau i le Au Paia ona fesui i avega a le tasi ma le isi ma aua nei vaivai i le faia o le lelei. Tatou te selesele mea tatou te lulu.