Potutusi
Lesona 110: 1 Korinito 13–14

Lesona 110

1 Korinito 13–14

Folasaga

Ua aoao mai Paulo i le taua o le alofa mama Sa ia fautuaina le Au Paia i Korinito ia maua ma mulimuli i le alofa mama ma saili atu i isi meaalofa faaleagaga. Na aoao atu Paulo o le meaalofa o valoaga e sili atu i lo le meaalofa o gagana ma e tuuina atu i tagata o le Ekalesia ina ia mafai ai ona faamalolosia isi faaleagaga.

Fautuaga mo le Aoaoina Atu

1 Korinito 13

Ua aoao atu Paulo e uiga i le taua o le i ai o le alofa mama

A o lei amataina le vasega tusi tulaga nei i lelaupapa, pe avatu i le vasega ni kopi o ia tulaga. Valaaulia se tagata e faitau leotele ia tulaga taitasi, ma fai i le vasega e mafaufau pe i ai se tasi o nei faamatalaga o faamatala ai i latou.

  1. E tele taimi e te ita ai ma le fiafia ona o amio a se uso po o se tuagane.

  2. E faasausili se tasi o le vasega ia te oe, ma ua e lagona ai e tauamiotonuina pe a e tali atu foi i le faasausili.

  3. Ua lagona le loto mataua i taleni a se uo ma mea ua ia ausia.

  4. O nisi taimi e faigofie ia te oe ona e faitala ma tautala leaga i isi o lau korama o le perisitua po o le vasega a Tamaitai Talavou.

  • O a ni aafiaga faataumaoi e mafai ona tulai mai i le i ai o nei uiga ma amioga?

Valaaulia le vasega e vaavaai mo upumoni a o latou suesueina le 1 Korinito 13ia e mafai ona fesoasoani latou te aloese ai mai uiga ma amioga e mafai ona faalavefau ai le fiafia o le tagata lava ia ma sootaga ma isi.

Faamanatu i le vasega o le Au Paia i Korinito sa amio i ni ala sa taitai atu ai i le fefinauai ma fevaevaeiga i le Ekalesia. I lana tusi, sa aoao atu ai e Paulo o meaalofa faaleagaga e tuuina atu ia manuia ai tagata uma ma fesoasoani ai i tagata o le Ekalesia ia auauna atu ma fefaamalosiai le tasi ma le isi. Sa fautuaina e Paulo le Au Paia e saili ma le faamaoni i “meaalofa silisili” (tagai 1 Korinito 12:7–31).

Valaaulia se tamaitiiti aoga e faitau leotele le 1 Korinito 13:1–3. Fai i le vasega e mulimuli ai, ma vaavaai mo se uiga ma se meaalofa a le Agaga sa maualuga le viia e Paulo.

  • O le a le uiga faaleatua ma le meaalofa a le Agaga na maualuga le viia e Paulo? (Alofa mama .)

Faamatala o le “alofa mama o le ituaiga alofa e aupito sili ona mauluga, viia, ma malosi, e le na o se agaalofa” (Bible Dictionary, “Charity”).

  • Na faapefea ona faamatala e Paulo i latou o e e leai se alofa mama e ui ina i ai isi meaalofa faaleagaga?

Faamatala o fasifuaitau “sumepalo tagitagi” ma le “apamemea taalili” i le fuaiupu 1e faasino i mea faifaaili e leotetele le pao. I le talaaga o le fuaiupu 1, o nei fasifuaitau e mafai ona tau mai ai le tautalagia o upu e avea ma mea e gaogao ii pe leai se uiga pe a le faaosofia le failauga i le alofa moni.

  • Aisea e te manatu ai o i tatou o ni mea noa pe a aunoa ma le alofa mama ?

  • E mafai faapefea ona foai atu e se tasi ana meatotino uma e fafaga ai e matitiva pe naunau e oti mo le upumoni ae leai lava se alofa mama ? (Faamatala o le alofa mama e sili atu i le na o se faatinoga o le agalelei ma e sili atu i le na o le oti mo le upumoni.)

Kopi le siata lenei i le laupapa:

O Le A Le Alofa Mama pe O Le A Foi Lana Mea e Fai

O le a Le Mea e Le o Se Alofa Mama po le Mea Foi Na te le Faia

Faamatala na faamalamalama e Paulo ia uiga auaumama ma uiga o le alofa mama e fesoasoani ai ia malamalama atili le Au Paia i Korinito i lenei meaalofa. Vaevae le vasega i ni paga. Valaaulia le vasega e faitau le 1 Korinito 13:4–8ma a latou paga, ma vaavaai mo faamalamalamaga a Paulo o le alofa mama .

A uma ua lava se taimi, ona fai lea i tamaiti e o mai i le laupapa ma tusi ia faamalamalamaga a Paulo o le alofa mama i lalo o ulutala talafeagai i le siata. A manaomia, fesoasoani i le vasega ia malamalama i faamalamalamaga taitasi.

  • O ai e fetaui i ai le faamalamalamaga o nei uiga faaleatua uma o le alofa mama ? (Iesu Keriso.)

Faamanatu i le vasega na aoao mai e le perofeta o Mamona o le “alofa mama o le alofa mama lea o Keriso” (Moronae 7:47). Faamatala o le alofa moni e mafai ona faamatala i ni auala taua se lua: (1) Alofa o Keriso mo i tatou ma lo (2)tatou alofa faa-Keriso mo isi. Fai i le vasega e filifili ni nai faamalamalamaga o le alofa mama mai le lisi o i le laupapa ma faamatala i le vasega pe faapefea ona avea ma faamatalaga lelei o Iesu Keriso.

  • O le a sou manatu o le a le uiga i le fuaiupu 8 o le “e le uma le alofa”?

Valaaulia se tamaitiiti aoga e faitau leotele le saunoaga lenei a Elder Jeffrey R. Holland o le Korama a Aposetolo e Toasefululua:

Elder Jeffrey R. Holland

“O le alofa mama … e faaalia atoatoa ma mama aiai i le alofa e le uma, faatumutumu, ma le togiola a Keriso mo i tatou. …O le alofa mama lena—alofa mama aiai mo i tatou—a leai o i tatou lava o ni mea noa, leai se faamoemoe, o le a sili ona faanoanoa i lo alii ma tamaitai uma. …

“Ua i ai i le olaga lona sao i popolega ma toilalo. O nisi taimi e i ai mea e le atoatoa. O nisi taimi e le amanaia i tatou e tagata, po o le tamaoaiga po o pisinisi po o malo. Ae o le mea e tasi i le olaga nei po o le faavavau e le uma mo i tatou—o le alofa mama lea o Keriso” (Christ and the New Covenant [1997], 337)

  • E mafai faapefea ona fesoasoani le manatua o le alofa mama o Keriso e le uma lava?

  • E faavae i mea ua tatou aoaoina mai le 1 Korinito 13:4–8, o le a le mea e tupu ia i tatou pe a tatou maua le meaalofa o le alofa mama ? (E ono faailoa mai e le vasega ni upumoni eseese, ae ia mautinoa e manino a tatou saili ia maua le meaalofa faaleagaga o le alofa mama , ona avea atili ai lea o i tatou e pei o lo tatou Faaola o Iesu Keriso. Tusi le upumoni lenei i luga o le laupapa.)

Aotele le 1 Korinito 13:9–12i le faamatala atu na aoao mai e Paulo le mafuaaga e iu ai ina mou atu meaalofa faaleagaga o le iloa ma valoaga. Sa matauina e Paulo o le iloa o loo maua i lenei olaga e le o atoa ma o le a tatou maua se iloa atoatoa i le faavavau.

Valaaulia se tamaitiiti aoga e faitau leotele le 1 Korinito 13:13. Fai i le vasega e mulimuli ai, ma vaavaai mo meaalofa e tolu o le Agaga na aoao mai e Paulo o le a tumauo lona uiga e tumau pe i ai pea lava. Valaaulia tamaiti aoga e lipoti mai mea ua latou mauaina.

  • O le a le mea na aoao atu e Paulo o le meaalofa silisili? (E tatau i le vasega ona faailoa mai le upumoni lenei: O le alofa moni o le meaalofa silisili a le Agaga. Tusi lenei upumoni i luga o le laupapa.)

  • O le a le sootaga i le va o le faatuatua, faamoemoe, ma le alofa mama ? (O le faatuatua e tau atu i le faamoemoe, ma o le faamoemoe e tau atu i le alofa mama )

  • E faavae i mea ua tatou aoaoina i le 1 Korinito 13, aisea e te manatu ai o le alofa mama o le meaalofa silisili lea a le Agaga?

Tau i ai o le fautuaga a Paulo i le 1 Korinito 14:1e “tausisi i le alofa.”

  • O le a se mea e mafai ona tatou faia e “tausisi ai” pe maua ai le meaalofa o le alofa mama ?

Valaaulia se tamaitiiti aoga e faitau leotele le Moronae 7:48. Fai atu i le vasega e mulimuli i le faitauga, ma vaavaai po o a mea na aoao atu e Mamona i lona nuu e fai ina ia maua ai le meaalofa o le alofa mama . Valaaulia tagata aoga e lipoti mai mea latou te maua.

  • E mafai faapefea i le i ai o le alofa ona faaleleia atili a tatou sootaga ma aiga, uo, ma paaga?

  • Pe mafai ona e faamatalaina se taimi na e molimauina ai le alofa mama i le ala na faia ai oe po o isi e se tasi? (Mafaufau e faasoa atu sou lava aafiaga.)

Valaaulia le vasega e tusi i ni fasipepa pe o a faamatalaga o le alofa mama latou te manatu e sili ona faigata ia i latou ma pe aisea foi. fautuaina le vasega e tusi se sini e faatatau i mea o le a latou faia e saili ai pea ia maua se alofa mama e sili atu. Valaulia le vasega e tuu i se mea o le a latou vaai i ai i le tele o taimi ma faamanatu atu ai ia i latou la latou sini.

1 Korinito 14

Ua aoao mai Paulo o le meaalofa o valoaga e sili atu nai lo le meaalofa o gagana

Aumai ni mea i le vasega e mafai ona faaaoga e fau ai se olo, e pei o ni poloka, atigi pusa, pepa malo, po o ni tusi. Valaaulia se tagata e faaaoga ia mea na e aumai e fau ai se olo i le maualuga e mafai ai i le minute e tasi. A uma, ona fai lea i le tagata e nofo i lalo. Fai i le vasega e faitau lemu le 1 Korinito 14:1–3, ma vaavaai mo le upu i nei fuaiupu e fesootai ma le faatinoga o le fauina o se olo.

  • O le a le upu i le fuaiupu 3e fesootai ma le fauina o se olo? (Fetomai. Afai e tatau ai, faamatala o le fetomaio lona uiga o le “fausiaina,” e pei o le faamalosi ai po o le faaleleia faaleagaga.)

Valaaulia le vasega e vaavaai mo se mataupu faavae a o latou suesueina le 1 Korinito 14 o le a fesoasoani ia i latou e iloa ai pe mafai faapefea ona latou fausiaina isi.

Faamatala na talanoa atu Paulo i tagata o le Ekalesia i Korinito o e sa iloa le meaalofa o gagana, po o le tomai e tautala i isi gagana. Valaaulia se tamaitiiti aoga e faitau leotele le 1 Korinito 14:1–3. Fai atu i le vasega e mulimuli i le faitauga, ma vaavaai po o le a le meaalofa faaleagaga na fautuaina e Paulo le Au Paia e sailia.

  • O le a le meaalofa a le Agaga na fautua atu Paulo i le Au Paia ia naunau i ai ma saili?

Faamatala o “se valoaga e aofia ai upu po o tusiga paia, e maua e se tagata e ala i faaaliga mai le Agaga Paia. “O le agaga o valoaga o le mau lea ia Iesu” Faaaliga 19:10). A oo ina vavalo se tagata, e tautala o ia pe tusia mea e finagalo ai le Atua ia te ia e iloa, mo lona lava lelei po o le lelei o isi” (Taiala i Tusitusiga Paia, “Valoaga, Valoaga,” scriptures.lds.org).

Tusi ia fuaitau lenei i luga o le laupapa: valoaga = o le aoao atu ma molimau atu e ala i musumusuga

  • E tusa ai ma le fuaiupu 3, e mafai faapefea e le aoao atu ma le molimau atu e ala i musumusuga ona fesoasoani ia i tatou e faamanuia ai isi? (Faaaogaina o a latou lava upu, e tatau i le vasega ona faailoa mai se mataupu faavae e pei o lenei: A o tatou aoao atu ma molimau atu e ala i musumusuga, e mafai ona tatou fesoasoani e faagaeetia ma faamafanafana i isi.

  • Na faapefea ona faagaeetiaina oe ma faamafanafanaina e ala i aoaoga musuia ma le molimau a se tasi tagata?

Aotele le 1 Korinito 14:4–30i le faamatala atu sa lapataia e Paulo le Au Paia i Korinito e uiga i le meaalofa o le tautala i gagana. Sa lapataia e Paulo afai e faaaogaina ma le le tatau, ona le faagaeetiaina lea e le meaalofa o gagana le Ekalesia ma o le a faalavelaveina ai tagata mai le saili atu i isi meaalofa faaleagaga aoga.

Valaaulia se tamaitiiti aoga e faitau leotele le 1 Korinito 14:31, 33, 40 . Fai atu i le vasega e mulimuli i le faitauga, ma vaavaai mo fautuaga na tuu atu e Paulo i le Au Paia e uiga i valoaga.

  • O le a le fautuaga na tuu atu e Paulo i le Au Paia e uiga i valoaga? (O tagata uma, o tane atoa ma fafine, e mafai ona vavalo, pe aoao atu ma molimau atu. E ao ona faia lenei mea i le tulaga faatulagaina lelei, e taitasi le tagata i le taimi.

  • O a ni upumoni e mafai ona tatou aoaoina e uiga i le Ekalesia a Iesu Keriso mai nei fuaiupu? (Faaaoga a latou lava upu, e ao i le vasega ona faailoa mai se mataupu faavae e pei o lenei: I le Ekalesia a Iesu Keriso, o mea uma e faia i le ala faatulagaina lelei

  • Aisea e te manatu ai e taua ona faia mea uma i le Ekalesia i le faatulagaina lelei

Faamatala o tusiga a Paulo i le 1 Korinito 14:34–35 ua aumaia ai se faataitaiga o le ala na ia faatonuina ai le Au Paia i Korinito ia tausisi i le faatulagaga a le Ekalesia. Valaaulia se tamaitiiti aoga e faitau leotele le 1 Korinito 14:34–35. Fai atu i le vasega ia mulimuli i le faitauga, ma vaavaai mo mea na aoao atu e Paulo i tagata o le Ekalesia i Korinito. Valaaulia tagata aoga e lipoti mai mea ua latou mauaina.

faamatala e faigata ona malamalama i le faamoemoega o le fautuaga a Paulo ona sa ia manino i lona le faasaina o fafine mai le tatalo pe lauga i fonotaga a le Ekalesia (tagai1 Korinito 11:5). O le Faaliliuga a Iosefa Samita ua suia ai le uputautala i fuaiupu 34 ma le 35 i le faatonuina. O lea suiga o upu ua fautua mai ai le tulaga faapea sa taumafai Paulo e faasao se tulaga sa i ai nisi o fafine i Korinito pe o le tapuai ma le faaletatau i sauniga tapuai pe sa saili ma le le tatau ai e ave le tiutetuave e taitai ai nai o le lagolagoina ma mulimuli i taitai perisitua (tagai Tusi lesona a le Tagata Aoga o le Feagaiga Fou [Church Educational System manual, 2014], 380).

Faaiu le lesona i le molimau atu i upumoni o loo aoao mai i le 1 Korinito 13–14.

Tala ma Faamatalaga o Talaaga

1 Korinito 13:1–3. O le alofa mama e sili atu i le na o le agalelei

Na aoao mai e Elder Bruce C.Hafen o le Fitugafulu le mea lenei e uiga i le alofa mama :

“E mafai lava ona tuuina atu le auaunaga agaalofa—‘Kerisiano’— e aunoa ma le atinaeina o se uiga loloto ua masani ai ma tumau faa-Keriso. Sa malamalama Paulo ina ua ia lapatai atu mai le foai atu o mea uma a se tagata e fafaga ai e matitiva e aunoa ma le alofa mama . … E mafai ona tatou foai atu e aunoa ma le alofa, ae e le mafai ona tatou alolofa e aunoa ma le foai atu. Afai e atoatoa la tatou sootaga tuusao ma le Atua, ona, avea lea o fua o lena sootaga, o le a atoa foi le sootaga faalava ma o tatou uso a tagata. Ona tatou galulue ai lea ma le alofa mama i isi, e le na o lo tatou mafaufau ua tatau ona tatou faia ae ona o le tulaga lena o o tatou tagata” (O Le Loto Nutimomoia: Faaaogaina o le Togiola i Aafiaga o le Olaga [1989], 196–97).

1 Korinito 13:4–7. Alofa Mama

E pei ona tusia i le 1 Korinito 13:4–5, sa faamatala ai e Paulo ia uiga faaleatua eseese o e alofa mama ; i se isi faaupuga, o tagata e i ai le alofa mama , e faia mea ma e i ai uiga sa ia faamatalaina. O le fasifuaitau “onosai” o loo faamatala ai se tagata e taliaina tofotofoga ma le onosai. “E le losilosivale” e faamatala ai se tagata e le lotoleaga i isi. “E le mitamitavale” e faamatala mai ai se tagata e le gugutu. “E le faafefeteina” e faamatala mai ai se uiga auaumama o le lotomaualalo. “E le amio mataga” e faamatala mai ai se tagata e le faasausili pe le mafaufau i isi. “E le sailia e ia ana lava mea” e faamatala mai ai le uiga auaumama o le faamuamua o le Atua ma isi i lo ia lava. “E le faaitaitagofie” e faamatala mai ai se tagata e le vave ona ita. “E talitonu i mea uma” e faamatala mai ai se tagata e taliaina mea moni uma.

1 Korinito 13:8. O meaalofa o valoaga, gagana, ma le iloa o le a “uma” ma o le a “mou atu”

Na faamatala e Elder Bruce R. McConkie o le Korama a Aposetolo e Toasefululua le mafuaaga o le a iu ai ina le toe i ai ni meaalofa o valoaga ma gagana ma le mafuaaga o le a mou atu ai le meaalofa o le iloa:

“Pe uma ea meaalofa a le Agaga? Pe o le a i ai ea se aso o le a le toe maua ai e le au paia ia meaalofa o valoaga ma gagana? Po o le meaalofa o le atamai? Ioe, i le tulaga o le a tofatumoanaina ai i se mea e silisili, ma o le a le toe manaomia ai i le aso atoatoa. Pe a oo ina iloa e le au paia o gagana uma, e le toe i ai se tasi e tautala i se gagana e le o iloa. A oo ina iloa e le au paia e faapei ona silafia e le Atua mea uma—ua tuanai, i le taimi nei, ma le lumanai—o le a le toe manaomia ona vavalo mo le lumanai” (Doctrinal New Testament Commentary, 3 vols. [1965–73], 2:380).

1 Korinito 14:1. “Tausisi i le alofa”

Na faamalamalama mai e Elder Robert J. Whetten o le Fitugafulu:

“E faapei o le faatuatua, o le alofa faa-Keriso o se meaalofa a le Agaga, e tuuina mai i luga o mataupu faavae o le amiotonu o le tagata lava ia ma e tusa ai ma le maualuga o lo tatou usiusitai i tulafono ua autu i ai. E faapei o le faatuatua, e tatau ona faatino le alofa ina ia ola” (“O Soo Moni,” Liahona, Me 1999, 30).

Sa aoao mai Elder Dallin H. Oaks o le Korama a Aposetolo e Toasefululua:

“Alofa moni, ‘o le alofa mama o Keriso (Moro. 7:47) e le o se amioga ae o se tuutuuga po o se tulaga o le avea ai E maua le alofa mama e ala i se faagasologa o gaoioiga lea e taunuu i se liua. O le alofa mama o se mea e avea ai se tasi” (“O Le Luitau o le Avea Ai,” Liahona, Nov. 2000, 34).

1 Korinito 14:1–3. O le meaalofa o valoaga

Sa faamatala e Elder Dallin H. Oaks o le Korama a Aposetolo e Toasefululua le eseesega o tagata o le Ekalesia e i ai le meaalofa faaleagaga o valoaga ma i latou ua tofia e auauna atu i le tofi faaperofeta:

“I le tulaga o loo faaaogaina i le tautala atu i meaalofa faaleagaga, o se perofeta o se tasi o le e molimau atu ia Iesu Keriso, e aoao atu le afioga a le Atua, ma apoapoai atu i le nuu o le Atua. I le tulaga faaletusi paia, o le vavalo atu e tele atu nai lo le na ona valoia o le lumanai. …

“E taua mo i tatou ona malamalama i le eseesega i le va ose perofeta, o le ua i ai le meaalofa faaleagaga o valoaga, ma le perofeta, o le ua i ai le tofi faaperofeta” (“O Meaalofa Faaleagaga,” Ensign, Sept. 1986, 71).

1 Korinito 14. “O le tautala i se gagana ese”

“O Aposetolo ma isi na tautatala i ‘isi gagana’ i le aso Penetekoso (Galuega 2:4–8). I le taimi lea, o le meaalofa o gagana na faaalia e ala mai i auauna a le Atua na aoao atu le talalelei i gagana sa iloa e e sa faalogologo ia i latou ae sa lei iloa e le au failauga (tagai i le faamatalaga mo le Galuega 2:5–11). O se isi faaaliga mai o meaalofa o gagana pe a uunaia ai se tagata e le Agaga e tautala atu i se gagana e le iloa e le failauga po o e faalogologo (tagai Bruce R. McConkie, Doctrinal New Testament Commentary, 2:383)” (Tusi lesona a le Tagata Aoga o le Feagaiga Fou [Church Educational System manual, 2014], 379).

Mo nisi faamatalaga e uiga i lapataiga taua e tusa ai ma le faamoemoega ma le faaaogaaga o le meaalofa o gagana, tagai “O Meaalofa a le Agaga,” Ensign, Fep. 2002, 14–15.