Lesona 15
Mataio 13:1–23
Folasaga
A o i ai le Faaola i Kalilaia, sa o mai ia te Ia se motu o tagata e toatele. Sa aoao atu e le Faaola ia tagata ma faaaoga ai faataoto, e amata i le faataoto i le lulu saito.
Fautuaga mo le Aoaoina Atu
Mataio 13:1–17
Ua amata ona aoao atu le Faaola i faataoto
Faaali i le vasega se tamai koneteina e tumu i le eleele.
-
O a ni uiga o le eleele lafulemu? O le eleele e le lafulemu?
Faamatala o leMataio 13:1–23, tatou te faitau ai na faatusa e le Faaola ia ituaiga eseese o eleele i le tulaga o le tatala mai, po o le taliagofie faaleagaga i loto o tagata. Valaaulia le vasega a o latou suesue i nei fuaiupu, ia mafaufau pe o le a le ituaiga eleele atonu e i ai le tulaga o o latou loto i le taimi nei.
Valaaulia se tamaitiiti aoga e faitau leotele le 13:1–3. Fai i le vasega e mulimuli ai ma vaavaai pe na faapefea ona aoao atu e Iesu le motu o tagata i Kalilaia.
-
Na faapefea ona aoao atu e Iesu le motu o tagata? (I faataoto.)
Valaaulia le vasega e faitau filemu ia parakalafa muamua e lua i lalo o le ulutala“Faataoto” i le Bible Dictionary.
-
O Le a Le Faataoto?
Faamalamalama atu o se faataoto o “se tala faigofie sa faaaoga e faamalamalama ai ma aoao mai ai se upumoni po o se mataupu faavae faaleagaga. E faavae se faataoto i le faatusatusaina o se meafaitino masani po o le mea na tupu i se upumoni” (Taiala i Tusitusiga paia, “Faataoto,” scriptures.lds.org).
-
E tusa ai ma leMataio 13:3, o le a le mea na faatatau i ai le faataoto a le Faaola? (Faamatala o leluluo lona uiga o le faasalalau pe toto ia fatu.)
Valaaulia ni nai tamaiti aoga e feauauai i le faitauina leotele mai o le Mataio13:4–9. Valaaulia le vasega e mulimuli ai, ma vaavaai mo ituaiga e fa o eleele na pauu i ai fatu a le lulu saito.
-
O le a le ituaiga eleele na pauu i ai fatu a le lulu saito?
Tusi i luga o le laupapa ata e faaalia ai ituaiga e fa o eleele, ma valaaulia le vasega e faia ni ata faapena ia latou api po ni pepa e te tufa atu i ai.
Faamatala o tafa o auala o se ala lea i autafa o faatoaga ia e malo aua e savavali ai tagata. O le malo la o tafa o auala e taofia ai fatu mai le ola o fatu i le eleele. O mea papa o laualuga maamaa e ufitia i se lau manifi o le eleele. E ui ina mafai ona ola ae ia fatu i ni a’a papa’u, ae o le papa o loo i lalo tonu o le laualuga e taofia ai ia a’a mai le ola tele i lalo. O le eleele e i ai le vaotuitui e lafulemu, ae o le vaotuitui e fetina’i ai laau ma le maua ai le la, o le vai, ma niuterene e manaomia. O le eleele lelei e lafulemu le eleele ma e lava le loloto mo a’a malolosi.
Otooto le Mataio 13:10–13i le faamatala atu ai na fesili ia soo o le Faaola ia te ia pe aisea na Ia aoao atu ai i faataoto. Na faamatala atu e le Faaola o faataoto e faaali atu ai mealilo poo upumoni o le malo o le lagi ia i latou ua saunia e taliaina, a o nanaina le uiga mai ia i latou sa lei saunia faaleagaga (tagai Tusi lesona a le Tagata Aoga o le Feagaiga Fou [Church Educational System manual, 2014], 45).
Valaaulia se tagata e faitau leotele le Mataio 13:14–15, ma fai i le vasega e vaavaai po o a mea sa taofia ai tagata mai le malamalama i upumoni sa aoao atu e le Faaola.
-
O le a le fetalaiga a le Faaola o mea sa taofia ai tagata mai le vaai, faalogo, ma malamalama i upumoni sa Ia aoao atu? (Faamatala atu o le fasifuaitau “ua mafiafia loto o lenei nuu”o lona uiga ua oo ina malo loto o tagata ma ua fefeu.)
I luga o le laupapa i autafa o le ata o le eleele i le tafa o le auala, tusi ai le faamatalaga lea e lei uma: Afai tatou te faamaaa o tatou loto, ona …
-
E tusa ai ma le fuaiupu 15, o a faamanuiaga e mafai ona tatou le maua pe a tatou faamaaa o tatou loto? (A uma ona tali mai le vasega, faauma le faamatalaga o i luga o le laupapa e avatua i le mataupu faavae lenei: Afai tatou te faamaaa o tatou loto, ona tatou le malamalama lea i le upu a le Atua, liua i le Faaola, ma faamaloloina e Ia.
-
O le a le uiga o le liua i le Faaola ma faamaloloina? (Ina ia suia ma faamamaina e ala i Lana Togiola ina ia ogatasi ai o tato talitonuga, loto, ma olaga ma le finagalo o le Tama Faalelagi ma ua faasaolotoina i tatou mai avega o le agasala.)
Otooto le Mataio 13:16–17 i le faamatala atu na ta’u atu e Iesu i Ona soo ua faamanuiaina i latou ona ua i ai o latou mata e vaai ai ma taliga e faalogo ai.
Mataio 13:18–23
Ua saunia e le Faaola le faaliliuga o faataoto i le tagata lulu saito.
Toe vaai i le ata i luga o le laupapa o le eleele i le tafa o le auala. Valaaulia se tamaitiiti aoga e faitau leotele le Mataio 13:18–19. Valaaulia le vasega e mulimuli ai, ma vaavaai mo mea na faatusatusa e le Faaola i le fatu, o le tafa o le auala, ma manufelelei o loo ta’ua i le Mataio 13:4.
-
O le a le mea ua faatusa i ai le fatu? (Faaigoa le atatusi o le fatu O le upu a le Atua.)
-
O le a le ituaiga loto e faatusa i ai le auala? (Faaigoa le atatusi o le tafa o le aualaLe malamalama i le upumoni [o se loto maaa].)
-
O a mea e faatusa i ai manu felelei? O ai “le amioleaga”? (Faaigoa le ata o manu felelei oSatani ma ana auauna.)
-
E mafai faapefea e aoaoga a le Faaola e uiga i le auala ona fesoasoani e malamalama atili ai i le mataupu faavae afai tatou te faamaaa o tatou loto, ona tatou le malamalama ai lea i le upu a le Atua, liua i le Faaola, ma faamaloloina e Ia?
Faasino i le ata o i luga o le laupapa o le eleele papa.
Valaaulia ni nai tamaiti aoga e feauauai i le faitauina leotele mai o le Mataio 13:20–21 ma le Luka 8:13. Valaaulia le vasega e mulimuli ai, ma vaavaai mo le faaliliuga a le Faaola o nofoaga papa?
-
O a mea ua faatusa i ai laau na tutupu i mea papa? (Faaigoa le ata o laau i mea papaMolimau e le i maua’a lelei.)
-
O le a le mea ua faatusa i ai le vevela o le la? (I luga a’e o le ata o laau e papa’u ia aa, tusi ai Puapuaga, sauaga, ma faaosoosoga.)
Tusi le faamatalaga lea e lei maea i luga o le laupapa i autafa o le ata o le eleele papa: Vagana ua tatou taumafai e faaloloto a tatou molimau …
-
E fua i mea sa e aoaoina mai le Mataio 13:20–21 ma le Luka 8:13, mata e faapefea ona e faamaeaina lenei faamatalaga? (A uma ona tali mai le vasega, faamaea le faamatalaga o i luga o le laupapa ina ia aumaia ai le mataupu faavae lenei: Vagana ua tatou taumafai e faaloloto a tatou molimau, e mafai ona tatou le maua le malosi e tatau ai e onosaia ai puapuaga, sauaga, ma faaosoosoga.
Faasino i le ata o i luga o le laupapa o le eleele papa. Valaaulia le vasega e faitau filemu Mataio 13:22 ma vaavaai mo mea e faatusa i ai le vao tuitui.
-
O a mea e faatusa i ai le vaotuitui? (Faaigoa le ata o le vaotuitui O mea o le lalolagi.)
-
O a ni nai faataitaiga o “mea o le lalolagi”? (Faalelalolagi, faaloloto, po o mea faalavefau o le olaga ia e aveesea ai i tatou mai le Atua.)
-
O le a se mataupu faavae e mafai ona tatou aoao mai lenei fuaiupu e uiga i mea e mafai e mea o le lalolagi ona fai i lo tatou faatuatua ma molimau? (A uma ona tali mai le vasega, tusi le mataupu faavae lea i luga o le laupapa i autafa o le eleele o le vaotuitui: O mea o le lalolagi e mafai ona faalavelaveina ai i tatou, aveesea ai la tatou taulaiga mai le Alii, ma feto’i ai lo tatou faatuatua ma molimau i le upu a le Atua.
Faasino i le ata o i luga o le laupapa o le eleele lelei. Valaaulia se tagata e faitau leotele le Mataio 13:23 ma le vaega o le Faaliliuga a Iosefa Samita, Mataio 13:21, o loo maua i le Mataio 13:23, vaefaamatalaga e. Valaaulia le vasega e mulimuli ai, ma vaavaai mo mea o faatusa i ai le eleele lelei.
Ina ia fesoasoani i le vasega ia malamalama i le taua o le upu onosaia i le Faaliluga a Iosefa Samita, Mataio 13:21, ta’u i ai o laau i le eleele lelei sa velasia foi i le aasa lava lea o le la (e faatusa i puapuaga, sauaga, ma faaosoosoga) e pei o laau na mamae i le eleele papa.
-
E faapefea ona e aoteleina mea e faatusa i ai le eleele lelei? (Faailoga le ata o le eleele lelei O le e faalogo ma malamalama i le upu a le Atua ma onosaia puapuaga, sauaga, ma faaosoosoga.)
-
E fua i mea sa tatou aoaoina mai le Mataio 13:15, mata o le a le mea ua faatusa i ai le fua o loo ta’ua i le fuaiupu 23? (Liua ia Iesu Keriso.)
-
O le a le mataupu faavae e mafai ona tatou aoao mai aoaoga a le Faaola e uiga i le eleele lelei? (A uma ona tali mai le vasega, tusi le mataupu faavae lea i luga o le laupapa i autafa o le ata o le eleele lelei: A tatou maua le upu a le Atua, malamalama i ai, ma onosai i puapuaga, sauaga, ma tofotofoga, o le a tatou liua i le Faaola.
Ina ia fesoasoani ia malamalama atili le vasega i mataupu faavae sa latou faailoa mai, valaaulia ni tagata se toafa e faitau leotele ia tulaga taitasi nei. A uma ona faitau tulaga taitasi, valaaulia le vasega e faamatala mai pe o le a le mataupu faavae o faapupula mai i mea taitasi:
-
Ua faaalu e se alii talavou le tele o lona taimi e suesue ai ina ia talia ai o ia i se iunivesite lauiloa. A le suesue, e pisi e faigaluega. Ua ta’u ifo ia te ia lava e leai sona taimi e faitau ai ia tusitusiga paia, tatalo, pe alu i le lotu.
-
Sa masani se tamaitai talavou ona fiafia e alu i le lotu i Aso Sa taitasi. Peitai, ina ua matua sa amata e nisi o ana uo ona aamu ia te ia ona o ona tulaga faatauaina. Na amata ona ia solia nisi poloaiga. Ua le toe maua se lagona lelei i le lotu ma ua le toe fia manao e alu i le lotu.
-
O se alii talavou e alu e le aunoa i le lotu, ae e seasea ona auai i le faatinoga, ma e le tatalaina lona loto i le faatosinaga a le Agaga Paia. Sa ia faitauina ni faamatalaga i luga o peau lagi e luitauina ai ia aoaoga faavae taua o le Ekalesia, ma sa ia tuufesili pe o ia talitonu pea lava i le moni o le talalelei.
-
O se tamaitai talavou e alu lava i le lotu, ma e tatalo lemu ia mafai ona ia taliagofie ia uunaiga a le Agaga Paia. A ia maua ni uunaiga, na te faatinoina. E lagona e ia lona latalata i le Alii ma e faafetai mo auala sa musuia ai o ia e faatoilalo ia tofotofoga.
Faamatala i le vasega o loto, e pei foi o le eleele, e mafai ona suia ma faaleleia. Tusi fesili nei i luga o le laupapa pe saunia o se tufaaga mo le vasega. Valaaulia le vasega e faitau ma talanoaina ma se paga ia fesili:
O le a se mea e mafai ona fai pe suia pe faatumauina i ituaiga taitasi o eleele ina ia avea o se nofoaga lelei e toto ai ni laau maloloina ma fua tele mai?
E mafai faapefea ona tatou faatusaina le faaleleia o eleele taitasi i mea e mafai ona tatou faia ina ia atili taliagofie ai le upu a le Alii?
A uma ua lava se taimi, valaaulia ni nai tagata aoga e lipoti mai a latou tali i le vasega.
-
Na fesoasoani faapefea le saili ia maua ma malamalama i le upu a le Atua ia te oe e saga liua loloto ai i le Faaola?
Valaaulia le vasega e mafaufau loloto pe o le fea eleele e sili ona faatusa i le tulaga o i ai o latou loto i le taimi nei. Valaaulia le vasega e faatu se sini e faatatau i mea o le a latou faia ia sili atu ona talia ai ma malamalama i le upu a le Atua ma onosaia ai puapuaga, sauaga, ma tofotofoga. A lava le taimi, valaaulia le vasega e tusi a latou sini i a latou api po o api talaaga o le suesueina o tusitusiga paia.
Tala ma Faamatalaga o Talaaga
Mataio 13:3–8, 18–23. O le faataoto i le lulu saito
Na aoao mai e Peresitene James E. Faust ia mea e mafai ona tatou faia e saunia ai o tatou loto ia taliagofie atili ai le upu a le Atua:
“Mo fatu o le faatuatua ina ia fotu a’e i o tatou olaga, e tatau ona tatou aloese mai le pue a Satani.
“E manaomia foi ona tatou saunia a tatou lava peti mo fatu o le faatuatua. Ina ia faia lenei mea, e tatau ona tatou suaina le palapala e ala i le tatalo lotomaualalo i aso taitasi, ole atu mo le malosi ma le faamagaloga. E ao ina tatou suaina [vaevae] le palapala e ala i le faatoilaloina o lagona o le faamaualuga. E ao ina tatou saunia peti e ala i le tausia o poloaiga i le mea sili tatou te mafaia”(“Of Seeds and Soils,” Ensign, Nov. 1999, 48).
Mataio 13:6, 21. “Ua magumagu … ona ua leai ni aa”
E manaomia le susulu o le la mo se laau ina ia ola ai, ae afai e le loloto ia aa, o le a velasia i le susulu o le la ma o le a faataumaoia ai le laau. E faapena foi, o tofotofoga, sauaga, ma le tetee e mafai ona fesoasoani tatou te tuputupu ae ai pe afai tatou te faatagaina le upu a le Atua e atinae ni aa loloto i o tatou loto; a leai, e mafai e na aafiaga ona maaleale ai a tatou molimau ma mamae atu ai.
Mataio 13:21, 23. Ia mauaa i le talalelei
Na aoao mai e Peresitene Thomas S. Monson e uiga i faamanuiaga o le i ai o se molimau ua mauaa i le talalelei.
“‘Vagana ua maua’a lau molimau, o le a faigata ia te oe ona e tatalia le taufaifai a i latou o loo luitauina lou faatuatua. A oo ina totoina ma le mausali, o le a faatosinaina e lau molimau i le talalelei, i le Faaola, ma lo tatou Tama Faalelagi mea uma e te fai i lou olaga atoa” (“Ia Outou Lototetele,” Ensign po o le Liahona, Me 2009, 126).