Lesona 115: 2 Korinito 6–7

Lesona 115

2 Korinito 6–7

Folasaga

Sa tumau pea ona puipuia e Paulo i le Au Paia i Korinito lana amio o se auauna a le Atua. Sa ia apoapoai atu i le Au Paia e tuuese mai i latou lava mai amioletonu uma. Sa ia faamautu atu lona tuuto i le Au Paia ma olioli ua latou iloa le faanoanoa faaleatua ma salamo ia latou agasala.

Fautuaga mo le Aoaoina Atu

2 Korinito 6:1–13

Ua faamatala e Paulo ia uiga o auauna a le Atua

Valaaulia tamaiti aoga e mafaufau i tulaga nei:

A o outou faia ma nisi mai lau uarota po o le paranesi se galuega fesoasoani, sa pasi ane nisi tagata ma fai atu ni tala leaga e uiga i le Ekalesia. Mata o le a se mea e tupu pe afai e te tali atu pe tali atu nisi o le vaega ma le le mafaufau?

Fai i le vasega e mafaufau i taimi atonu na latou fetaiai ai ma ni tetee po o ni tauemuga a o latou auauna atu i le Alii. Valaaulia le vasega e vaavaai mo se upumoni a o latou suesueina le 2 Korinito 6:1–13 lea e mafai ona taiala ai i latou i taimi faapena.

Aotele le 2 Korinito 6:1–2 i le faamatala atu sa faasino e Paulo ia te ia lava ma e sa latou galulue o ni “e sa galulue faatasi ma Keriso” (Faaliliuga a Iosefa Samita, 2 Korinito 6:1 [i totonu 2 Korinito 6:1, vaefaamatalaga b]). Sa sii mai e Paulo upu a le perofeta o Isaia (tagai Isaia 49:8) e faamamafa atu ai faapea ua oo mai le taimi e mafaufau ai le Au Paia i lo latou faaolataga.

Valaaulia se tamaitiiti aoga e faitau leotele le 2 Korinito 6:3–7. Fai i le afa o le vasega e vaavaai mo upu po o fasi fuaitau o loo faamatala ai le tetee na feagai ma Paulo ma ona uso a auauna. Fai i le isi afa e vaavaai mo upu po o fasifuaitau o loo faamatala ai pe na faapefea ona tali atu Paulo ma ona uso a auauna i tetee.

O a ituaiga tetee na feagai ma Paulo ma ona uso a auauna?
O a upu po o fasifuaitau o loo faamatala ai pe na faapefea ona latou tali atu i tetee?

Toe iloilo le fuaiupu 3, ma faamatala o le upugaluegae faasino i le galuega a le Ekalesia.

E mafai faapefea ona aafia manatu o isi e uiga i le Ekalesia ona o mea e faia e tagata o le Ekalesia?
E faapefea ona e aoteleina aoaoga a Paulo o i le fuaiupu 3–7o se mataupu faavae? (e tatau i le vasega ona faailoa mai se mataupu faavae e pei o lea: A o tatou tali atu i e ita mai ma le alofa, agalelei,ma le amiotonu, e mafai ona tatou fesoasoani i isi ia vaai atu i le Ekalesia i se ala e lelei.

Faamanatu i tagata aoga le tulaga na tuuina atu i le amataga o le lesona. Valaaulia i latou e faamatala pe mafai faapefea e se tagata ona tali atu i lena tulaga i se ala amiotonu ma pe o a taunuuga e mafai ona maua mai le faia.

2 Korinito 6:14–18

Ua fautua atu Paulo i le Au Paia e o ese mai e amioleaga

Vaevae le vasega i ni paga, ma tuu atu ia tofu le tagata ma se kopi o letufaaga lea.

2 Korinito 6:14–18

Tusi lesona a le Faiaoga Seminare o le Feagaiga Fou—Lesona 115

Fautuaga i le Au Paia	Folafolaga mai le Alii

Valaaulia tamaiti e faitau le 2 Korinito 6:14–18 i paga. Fai i se tagata se toatasi i paga taitasi e vaavaai mo le fautuaga a Paulo i le Au Paia. Fai i le isi o le paga e vaavaai mo folafolaga mai le Alii o le a faataunuuina pe afai e usitaia e le Au Paia le fautuaga a Paulo. Valaaulia i latou e faaaoga mea latou te maua e faamaea faatasi ai le siata. Atonu e moomia lou faamatala atu o le upu gatasi o lona uiga e ogatusa, pelialo e faasino i le amioleaga (tagai Bible Dictionary, “Belial”), ma le le talitonu e faasino i se tagata e le talitonu po o se tasi e talitonu i atua e ese mai le Tama Faalelagi. Ma le isi, sa faatusa talu ai e Paulo le Au Paia o Korinito i le malumalu o le Atua; o le mea lea o le upumalumalue faasino ia i latou o se nuu.

Tuu atu ia lava se taimi mo paga e lipoti ai e le tasi i le isi mea na maua ma faamaea le siata.

Faamatala sa lapataia patino e Paulo le Au Paia e tuuese mai i latou lava mai “mea e le mama” (fuaiupu 17) e aofia ai le ifo i tupua ma i latou o e faia—ina ia puipuia ai i latou lava mai le agasala. O le ifo i tupua o le alofa po o le tapuai i soo se mea e fauina e le tagata e sili atu nai lo le Atua.

Valaaulia le vasega e tusi le Afai i luga ae o le ulutala “Fautuaga i le Au Paia” ma le Ona i luga ae o le ulutala “Folafolaga mai le Alii” i a latou tufaaga.

O a mataupu faavae e mafai ona tatou aoaoina mai le 2 Korinito 6:14–18? (E ono faailoa mai e le vasega ni mataupu faavae, ae ia mautinoa e faamamafa atu a o tatou tuuese mai i tatou mai faiga pepelo ma mea e le mama, o le a taliaina i tatou e le Alii.)
O a ni faataitaiga o faiga pepelo po o mea e le mama i o tatou aso?
E mafai faapefea ona tatou tuuese mai i tatou lava mai nei mea ma i latou o loo faalauiloaina na mea?

Faamatala o le mataupu faavae lenei e le faapea tatou te soona faia ma le le mafaufau i latou e ese talitonuga pe mumusu e mafuta ma i latou ae tatou te faamautuina ma le faaaloalo o tatou talitonuga ma aloese mai le auai i soo se gaoioiga e ono taitai atu ai i tatou e faia le agasala.

O le a sou manatu o le a le uiga o “le a talia” i tatou e le Alii (2 Korinito 6:17)?

Valaaulia le vasega e mafaufau i se taimi na latou lagonaina ai le faatasi mai o le Alii ia te i latou a o latou vavaeese mai i latou lava mai faiga pepelo e ono taitai ese mai ai i latou mai le Alii. Valaaulia ni nai tamaiti aoga e faasoa mai o latou aafiaga.

Valaaulia le vasega e mafaufau po o a mea e manaomia ona latou faia ina ia vavaeese mai ai i latou lava mai faiga pepelo ma mea e le mama ina ia mafai ai ona latou maua faamanuiaga a le Alii.

2 Korinito 7

Ua olioli Paulo i le salamo moni o le Au Paia

Valaaulia se tagata e faitau leotele le tulaga lenei.

I se faatalanoaga mo se pepa faataga o le malumalu mo se faaipoipoga, sa tautau atu ai e se tamaitai talavou nisi o agasala ua mavae i lona epikopo. Ina ua maea se isi talanoaga, sa malamalama le epikopo e lei salamo moni le tamaitai talavou i ana agasala ma ua lava le matuia o ana agasala e le agavaa ai mo se pepa faataga o le malumalu. Ua faamatala e le epikopo e tatau ona faatalitali le tamaitai talavou sei maua sona pepa faataga pe a salamo atoatoa. Sa faateia o ia, ma fai mai sa salamo o ia aua na te lei toe faia se tasi o na agasala mo se taimi umi. Na faamatala atu e le epikopo o le na ona tuu o se agasala ua le toe faia e le o se salamo atoatoa lea, ma sa ia valaaulia o ia ina ia amata ma le loto faamaoni le faagasologa o le salamo moni.

O le a sou manatu o a lagona o le tamaitai talavou i le taimi lea i lana faatalanoaga?

valaaulia le tagata e faauau le faitauina leotele o le tulaga lea:

Na faamatala atu e le tamaitai talavou i lona epikopo ua matuai le fiafia lava o ia ona ua uma ona tufa ia valaaulia ma le aiga o le faaipoipoga. Fai mai a ia e le mafai ona ia tatalia fesili uma ma le maasiasi i le toe tuu i tua o ana fuafuaga o le faaipoipoga. Sa fesilli o ia pe i ai se auala e mafai ai ona faamauina o ia i le malumalu e pei ona sa fuafuaina ona galue ai lea mulimuli ane i le faagasologa o le salamo.

E faavae i le tali a le tamaitai talavou i le epikopo, o le a le mea sa foliga mai na sili ona ia popole i ai?

Valaaulia le vasega e vaavaai mo se upumoni a o latou suesueina le 2 Korinito 7lea e manaomia e le tamaitai talavou ona malamalama ai a o lei mafai ona ia salamo moni i ana agasala.

Aotele le 2 Korinito 7:1–7 i le faamatala atu sa faaauau pea e Paulo lona puipuia mai e sa saili e faaleaga o ia ma faamautinoa atu i le Au Paia i Korinito na te lei faia lava se mea sese i se tasi.

Valaaulia se tamaitiiti e faitau leotele le 2 Korinito 7:8–9. Fai i le vasega e mulimuliai, ma vaavaai pe na faapefea ona aafia le Au Paia i Korinito i se tasi o tusi muamua a Paulo.

Na faapefea ona aafia le Au Paia i le tusi?
Aisea na olioli ai Paulo i lo latou tiga?

Fai i tamaiti e faitau le leoa le 2 Korinito 7:10–11. Atonu e te manao e fautuaina e maka ituaiga e lua o tiga na taua e Paulo ma pe o a mea na tau atu i ai mea taitasi.

O a ituaiga e lua o tiga sa taua e Paulo?

Tusi ulutala o le Tiga Faaleatua ma le Tiga Faalelalolagi i le laupapa. Valaaulia se tamaitiiti aoga e faitau le saunoaga lenei mai ia Peresitene Ezra Taft Benson, o le sa faamatalaina le uiga o le “tiga faalelalolagi”:

“E le o se mea e le masani ai le iloa o tane ma fafine i le lalolagi o e lagona le tiga ona o mea sese latou te fai. O nisi taimi e afua ona o a latou faatinoga ua mafua ai ona latou po o e pele ia i latou, tiga tele ma faanoanoa. O nisi taimi o lo latou tiga e mafua ona ua maua i latou ma ua faasalaina ona o a latou faatinoga. O na lagona faalelalolagi e le aumaia ai le ‘tiga faaleatua’” (Aoaoga a Peresitene o le Ekalesia: Ezra Taft Benson [2014], 82).

E faapefea ona e aoteleina le tiga faalelalolagi?
E tusa ai ma le fuaiupu 10, o le a le mea e mafai ona taunuu i ai le tiga faalelalolagi? (Faamatala o le upu oti i le fuaiupu 10e faasino i le oti faaleagaga, o lona uiga o le vavaeeseina mai le Atua. I lalo o le ulutala “Tiga Faalelalolagi” i le laupapa, tusi ai le upumoni lenei: O le tiga faalelalolagi e mafai ona taitai atu ai i tatou i le oti faaleagaga, po o le vavaeese mai le Atua.
O a ni auala e mafai ai e le tiga faalelalolagi ona taitai atu se tagata i le oti faaleagaga? (E mafai ona taofia mai se tagata mai le salamo faamaoni ma mauaina le faamagaloga a le Tama Faalelagi.)
E faavae i le fuaiupu 10, o le a le mea e taunuu i ai le tiga faaleatua? (I lalo o le ulutala “Tiga Faaleatua” i le laupapa, tusi ai le upumoni lenei: O le tiga faale-Atua e taitai atu ai i tatou i le salamo mai a tatou agasala ma mauaina le faaolataga.

Ina ia fesoasoani ia malamalama atili le vasega pe aisea e taitai atu ai i tatou e le tiga faaleatua ia salamo, valaaulia se tagata e faitau leotele le saunoaga lea a Peresitene Ezra Taft Benson:

“O le tiga faale-Atua o se meaalofa a le Agaga O se iloaina loloto lea ua tatou faatiga i lo tatou Tama ma lo tatou Atua ia tatou mea e fai. O le matuai iloaina lea ma le mautinoa o a tatou amioga ua afua ai e le Faaola, o le e leai se agasala, o le silisili ese i lo tagata uma, ona onosaia tiga ma mafatiaga. O a tatou agasala na afua ai ona afutoto o Ia mai puafu uma. O le tiga moni faalemafaufau lea ma faaleagaga o loo faasino i ai tusi paia o le ia i ‘o se loto momomo ma se agaga salamo.’ … O lea ituaiga o agaga o le muai mea lea e moomia mo le salamo moni” Aoaoga: Ezra Taft Benson, 83).

Aisea e te manatu ai o le tiga faaleatua e taitai atu ai i tatou ia salamo faamaoni ia tatou agasala?

Valaaulia le vasega e toe mafaufau i le tulaga e faatatau i le tamaitai talavou na sailia se pepa faataga o le malumalu.

I le faatalanoaga o le tamaitai talavou ma le epikopo, o le a le mea na tau mai ai e lei oo o ia i le tiga faaleatua?
O le a se mea e mafai ona tatou faia e suia ai le tiga faalelalolagi i le tiga faaleatua?

Afai e tatau ai, fesoasoani ia malamalama le vasega o lagona o le tiga faaleatua tatou te oo i ai pe a tatou salamo, e mafai ona eseese e fuafua lava i le matuia o le agasala.

Molimau atu a tatou lagonaina le tiga faaleatua nai lo le tiga faalelaolagi ona o a tatou agasala, o le a mafai ona tatou salamo faamaoni, mama mai a tatou agasala, ma iu ai ina maua le faaolataga. Valaaulia le vasega e saili mo le tiga faaleatua ia latou taumafaiga ia salamo.

Aotele le 2 Korinito 7:12–16i le faamatala atu sa faaalia e Paulo lona manatu alofa ma le talitonuga i le Au Paia.

Toe iloilo faapuupuu ia upumoni sa faailoa mai e le vasega i la latou suesuega o le 2 Korinito 6–7, ma fautuaina i latou e mulimuli i soo se uunaiga latou te lagonaina ia faaaoga nei upumoni.

Tala ma Faamatalaga o Talaaga

2 Korinito 6:17. “O mai outou nai totonu ia te i latou, ma ia vavae mai”

Na faamatala e Elder Quentin L. Cook o le Korama a Aposetolo e Toasefululua le manaomia o le vavaeese mai o i tatou lava mai le amioletonu ma faamanuiaga e maua mai le faia:

“O le upu paia i le faaeleni e uiga ‘vavae ese, tuuese, [ma] paia’ [in Daniel H. Ludlow, ed., Encyclopedia of Mormonism, 5 vols. (1992), 3:1249]. Afai tatou te mananao e avea i tatou ma tagata o le au paia i o tatou aso, e tatau ona tavavae ese mai i tatou lava mai amioga leaga ma gaioiga faatafunaina ua tumu ai le lalolagi.

“O loo tatou vaaia pea lava pea ia foliga vaaia o le fevatauai ma le ola le mama. O musika le lelei ma tusi ata mataga ua faateleina ona taliaina. O le faaaogaina o fualaau ma vailaau faasaina ma mea inu malolosi ua le mafai ona taofiofi . Ua itiiti le faatauaina o le faamaoni ma uiga lelei o se tagata. Ua fesiligia ia aia a le tagata lava ia, ae ua lafoai ia matafaioi ma tiute. Ua faateteleina le faaaogaina o gagana ma upu masoa ma le faaalia o mea leaga ma le le migao. Ua le malolo le fili i ana taumafaiga ina ia faatamaia le ala sili o le fiafia. Afai tatou te o ese mai lenei amioga faalelalolagi, o le a tatou maua le Agaga i o tatou olaga ma iloa ai le olioli o le avea ma ni tagata o le Au paia o aso e gata ai” (“O oe o se Tagata o le Au Paia?” Ensign po o le Liahona, Nov. 2003, 95).

2 Korinito 7:8–11. “O le tiga faalelalolagi e tupu ai le oti”

Sa faamatala e Peresitene Dieter F. Uchtdorf o le Au Peresitene Sili le eseesega o le tiga faalelalolagi ma le tiga faaleatua:

“O loo i ai se eseesega taua i le va o le faanoanoa mo agasala lea e taitai atu i le salamo ma le faanoanoa lea e taitai atu i le pagatia.

“Na aoao mai le Aposetolo o Paulo e faapea ‘o le tiga faaleatua e galueaiina ai le salamo e oo i le faaolataga … ae o le tiga faalelalolagi e galueaiina le oti’ [2 Korinito 7:10; faaopoopo le faamamafa]. Tiga faaleatua e musuia le suiga ma le faamoemoe e ala i le Togiola a Iesu Keriso. Tiga faalelalolagi e toso i tatou i lalo, aveesea ai le faamoemoe, ma faatosinaina i tatou ia lolo atu atili i faaosoosoga.

“Tiga faaleatua e tau atu i le liua [tagai Acts 3:19] ma se suiga o le loto [tagai Esekielu 36:26; 2 Korinito 5:17; Mosaea 3:19]. E afua ai ona tatou inoino i le agasala ma fiafia i le lelei [tagai Mosaea 5:2]. E faamalosiauina ai i tatou e tutu i luga ma savavali i le malamalama o le alofa o Keriso. O le salamo moni e faatatau i le suiga, ae le o tiga ma mafatiaga. Ioe, o le faanoanoa faamaoni ma le loto momomo moni mo le le usiusitai e tele lava ina tiga ma o ni laasaga taua ia i le faagasologa paia o le salamo. Ae a oo atu le tausalaina i le musuā o le tagata lava ia po o le taofia o i tatou mai le toe tutulai ae i luga, o le a faatuai ai nai lo le uunaia o lo tatou salamo. Ensign po o le Liahona, Nov. 2013, 56).

Na aoao mai Elder Neal A. Maxwell o le Korama a Aposetolo e Toasefululua:

“O le faamaualuga e manao i le salamo taugofie, e totogi i le faanoanoa papau. E le o se mea e ofo ai, o e saili i le salamo taugofie e saili foi mo le faamagaloga maualuga nai lo le faaleleiga moni. O le mea lea, o le salamo moni e mamao tele atu i lo le na o na faapea atu, ‘Ou te faamalie atu’” (“Salamo,” liahona Ian. 1992, 31).