Sauniuniga o Anomea mo le Faiaoga o Suesuega e Fai i le Aiga
Aotelega o Lesona o Suesuega e Fai i le Aiga i Aso Taitasi
O le aotelega lenei o mea na tutupu, aoaoga faavae, ma mataupu faavae na aoaoina e tagata aoga ao latou suesueina le Roma 8–16ma le 1 Korinito 1–6 (iunite 21) e le o faamoemoe e aoao atu o se vaega o lau lesona. O le lesona e te aoaoina atu e taulai atu i na o ni nai vaega o nei aoaoga faavae ma mataupu faavae. Mulimuli i uunaiga a le Agaga Paia a o e mafaufau i manaoga o au tagata aoga.
Mai aoaoga a Paulo i le Au Paia i Roma e uiga i le faaleagaga po o le manatu i mea o le lalolagi, sa aoao ai e le vasega afai tatou te mulimuli i faatosinaga a le Agaga, e mafai ona tatou faatoilaloina le gau atu o le tagata o le lalolagi i le agasala. Sa faailoa mai ai foi e le vasega upumoni nei: Afai o tatou o ni fanau faamaoni o le feagaiga a le Atua, e mafai ona avea i tatou ma suli-faatasi ma Iesu Keriso i mea uma ua i ai a le Tama Faalelagi. Afai tatou te alolofa i le Atua, o le a galulue mea uma mo lo tatou lelei. E ala mai ia Iesu Keriso e mafai ai ona tatou faatoilaloina luitau uma ma puapuaga o le olaga. Afai tatou te talia ma usiusitai ia Iesu Keriso ma Lana talalelei, e mafai ona tatou maua faamanuiaga o feagaiga a le Atua ma faaolaina.
I le Roma 12–13, sa iloa ai e le vasega o loo faamoemoe mai le Atua ia tatou tuuto atu o tatou olaga ia te Ia ma taofia mai le usitai atu i le lalolagi, ma afai tatou te aofia lena mea, e mafai ona avea atili i tatou e faapei o Iesu Keriso. I le Roma 14–15, sa aoao ai e le vasega o mataupu e le o talanoaina i poloaiga patino, e tatau ona taofia lo tatou faamasinoina o filifiliga a isi ma ia magafagafa pe o faapefea ona aafia isi i a tatou filifiliga. Sa aoao foi e le vasega sa tusia tusi paia e aoao ai i tatou ma aumaia ia i tatou le faamoemoe.
I se tusi i le Au Paia i Korinito, sa talanoaina ai e Paulo ni nai popolega ma fesili. Mai ana tusiga, sa aoao ai e le vasega ua faamoemoe mai le Alii ia i tatou o ni Au Paia ina ia lotogatasi ma ia tuu le fevaevaeai ma le fefinauai ma e na o le Agaga e mafai ai ona tatou iloa ma malamalama i mea a le Atua.
I le lesona lenei, sa suesue ai pea e le vasega le tusi a Paulo i le Au Paia i Korinito. Mai upu a Paulo, sa aoao ai e le vasega ia upumoni nei: E ui ina mafai ona tatou fesoasoani i isi e aoao e uiga i le talalelei a Iesu Keriso, ae o le mana o le Agaga Paia e liua ai tagata. O le a faamasinoina tonu i tatou e le Alii aua Na te silafia mea uma, e aofia ai mafaufauga ma faamoemoega o o tatou. Afai tatou te filifili e mafuta vavalalata ma i latou o e fiafia i le agasala, e mafai ona faatosinaina i tatou e lo latou amioleaga.
Folasaga
E mafai ona fesoasoani lenei lesona ia malamalama ai le vasega e faapefea ona aloese mai le agasala pe a o siomia uma ai i latou. E le gata i lea, o le a latou aoao ai pe aisea e taua ai le tausia mama o o latou tino.
Ua aoao atu e Paulo le Au Paia e uiga i le lotogatasi ma le tulafono o le legavia
Tusi seatai le laupapa o se pesini o fualaau aina suamalie ua pala ma se fasi fualaau aina suamalie fou se tasi e tuu i ai. Valaaulia le vasega e mafaufau pe i ai se taimi na latou taumanatunatu ai pe faapefea ona aloese mai le agasala ae o loo siomia uma ai i latou.
Ata
atatusi, pesini o fualaau aina suamalie
A o suesue e le vasega le 1 Korinito 6, valaaulia i latou e vaavaai mo upumoni na aoao mai e le Aposetolo o Paulo ia e mafai ona fesoasoani ia latou ola amiotonu ai tusa lava pe o siomia ai i faatosinaga leaga.
Aotele le 1 Korinito 6:1–8i le faamatala atu sa fautuaina e Paulo le Au Paia i Korinito e foia ma le amiotonu ia feeseeseaiga a i latou lava, nai lo le vave aveina atu i faamasinoga faalemalo.
Valaaulia se tamaitiiti aoga e faitau leotele le 1 Korinito 6:9–11. Fai i le vasega e mulimuli ai, ma vaavaai mo faiga e tumu i le agasala i Korinito lea na aoao atu ai Paulo i tagata o le Ekalesia e taumamao mai ai.
O ituaiga o amioga e tumu i le agasala na aoao atu Paulo i tagata o le Ekalesia e taumamao mai ai?
E tusa ai ma le 1 Korinito 6:11, o le a le mea na faamanatu atu e Paulo i nei Au Paia e uiga ia i latou lava? (E toatele tagata liliu mai mai Korinito sa auai i le faatinoga o nei amioga e tumu i le agasala a o lei auai mai i le Ekalesia, ae sa latou salamo ma sa faamamaina mai a latou agasala.)
Faamatala o Korinitio anamua sa iloga i le ola le mama, ma e toatele tagata Korinito sa faalauiloaina le manatu faapea na faia o tatou tino ina ia faamalieina. Aotele le Faaliliuga Iosefa Samita o le 1 Korinito 6:12i le faamatala atu na aoao atu Paulo e faasaga i le filosofia faapea e leai se sao po o se sese.
E faapefea ona tutusa manatu ma faiga i Korinito i mea ua tatou vaai ua aga i ai le lalolagi i ona po nei?
Valaaulia se tagata aoga e faitau leotele le 1 Korinito 6:13. Fai atu i le vasega ia mulimuli i le faitauga, ma vaavaai mo mea na aoao mai e Paulo e uiga i le faamoemoega o o tatou tino. (Atonu e te manao e faamalamalama atu o le upu mea e ai o lona uiga o meaai.)
O a mea na aoao mai e Paulo e uiga i o tatou tino? (E ui ina toatele tagata Korinito na talitonu o le tino na faia lava mo le faamalieina faaletino, ae sa faasao e Paulo lena manatu e ala i le aoao atu o o tatou tino na foafoaina ina ia faataunuu ai faamoemoega o le Atua.)
Aotele le 1 Korinito 6:14–17 i le faamatala atu o i latou o e ua auai i le Ekalesia, ua tasi ia Keriso o ni “itutino” faaleagaga o Lona tino. Sa faamatala foi e Paulo o feusuaiga le mama e le ogatusa ma se sootaga faaleagaga ma Iesu Keriso.
Valaaulia se tagata aoga e faitau leotele le 1 Korinito 6:18. Fai i le vasega e mulimuli ai, ma vaavaai mo mea na aoao atu e Paulo i le Au Paia i Korinito e fai. (Atonu e te manao e tau i ai o le Faaliliuga a Iosefa Samita o le 1 Korinito 6:18 ua suia ai le fasifuaitau “aunoa ma le tino” i le “faasagatau i le tino o Keriso.”)
O le a le mea na aoao atu e Paulo i le Au Paia i Korinito e fai?
O le a le upumoi na aoao atu e Paulo e uiga ia i latou o e faitaaga? Atonu e te manao e fautua atu i tagata o le vasega e faailoga upu i le fuaiupu 18 o loo aoao mai ai lenei upumoni: O i latou e faitaaga ua agasala i o latou lava tino.
Faamatala na sosoo ai ma le aoao atu e Paulo le mafuaaga ua avea ai le faitaaga, feusuaiga le mama, o se agasala “i le tino [o le tagata] lava ia.”
Faamanatu i le vasega o le 1 Korinito 6:19–20 o se fuaitau o le mau tauloto. Valaaulia se tmaitiiti aoga e faitau leotele le 1 Korinito 6:19. Fai i le vasega e mulimuli ai, ma vaavaai po o le a le mea na faatusa i ai e Paulo o tatou tino.
O le a le mea na faatusa i ai e Paulo o tatou tino?
Faaali se ata o se malumalu.
O le a le eseesega o le malumalu ma se isi lava fale?
E faapefea ona e aoteleina le upumoni o loo aoao mai e Paulo i le fuaiupu 19? (E ono faaaoga e le vasega nisi upu ae tatau ona faailoa mai le aoaoga faavae lenei: O o tatou tino o malumalu o le Atua lea e mafai ona nofo ai le Agaga.
E faapefea e le malamalama o o tatou tino o malumalu ona faatosina ai le ala tatou te taulimaina ai o tatou tino ma tino o isi?
Valaaulia se tagata o le vasega e faitau le saunoaga a Elder D. Todd Christofferson o le Korama a Aposetolo e Toasefululua. Fai i le vasega e faalogologo mo ni malamalamaaga faaopoopo pe faapefea i le malamalama o o tatou tino o malumalu o le Atua ona tosina ai le ala tatou te taulimaina ai.
Ata
Elder D. Todd Christofferson
“I le Aloaiaina o nei upumoni [mai le 1 Korinito 6:19–20] … o le a tatou le suia lava foliga o a tatou tino, e pei o le taina o pea faavaivaia i fualaau faasaina, pe faaleagaina i le faitaaga, muliua ma po o uiga le mama. … Ona o a tatou tino o le meafaigaluega lea a le agaga, e taua tele lo tatou tausi i ai i le mea sili. E tatau ona tatou faapaiaina lona mana e auauna atu ai ma faalautele ai le galuega a Keriso” (“Toe Manatunatuga i se olaga Faapaiaina,” Ensign po o le Liahona, Nov. 2010, 17).
O le a sou manatu o le a le uiga o le fasifuaitau na taua e Paulo “e le aia outou ia te outou” i le 1 Korinito 6:19?
Valaaulia se tamaitiiti aoga e faitau leotele le 1 Korinito 6:20. Fai i le vasega e mulimuli ai, ma vaavaai pe aisea ua tatou le aia ai i o tatou tino.
O le a le fasifuaitau ua tau mai ai o o tatou tino e le o ni o tatou? (Faamatala “faatauina i se tau” o lona uiga ua toe faaolaina pe toe aumaia e ala i le Togiola a Iesu Keriso.)
E faapefea ona e aoteleina se upumoni mai fuaiupu 19–20? (Ao tali mai tamaiti aoga, fesoasoani ia i latou ia latou faailoa maia le upumoni lenei: Ona ua faatauina i tatou i se tau e ala i le Togiola a Iesu Keriso, o o tatou tino ua le o ni o tatou lava.
Valaaulia se tamaitiiti aoga e faitau leotele le saunoaga lenei a Elder Jeffrey R. Holland o le Korama a Aposetolo e Toasefululua:
Ata
Elder Jeffrey R. Holland
“Faamolemole, aua lava nei faapea mai: ‘O ai o tiga ai? Aisea ou te le maua ai sina saolotoga? E mafai ona ou solitulafono nei ae salamo mulimuli.’ Faamolemole aua le faavalevalea pe faatauagavale. E le mafai ona aunoa outou ma le faasalaina i le ‘toe faasatauroina o Keriso’ [tagai Eperu 6:6]. ‘Sosola ese mai le faitaaga’ [1 Korinito 6:18], o le augani mai lea a Paulo, ma sosola ese ‘mai soo se mea faapena’ [MF&F 59:6, faaopoopo le faamamafa], o le faaopoopo mai lea a le Mataupu Faavae ma Feagaiga. Aisea? Ona o le mafuaaga e tasi,talu ai ona o puapuaga e le mafaatusalia e le gata i le tino ae o le agaga na onosaia e le Faaola o le lalolagi ina ia mafaiai ona tatou sosola ese [tagai faapitoa i le Mataupu Faavae ma Feagaiga 19:15–20]. O loo tatou nofo aitalafu ia te Ia mo lena mea. E moni o loo tatou nofo aitalafu ia te Ia i mea uma” (“O Le Mama o le Tagata Lava Ia,” Liahona, Ian. 1999, 89).
E faapefea e le manatuaina o o tatou tino e le o ni o tatou lava ona faatosina ai filifiliga tatou te faia e tusa ai ma o tatou tino?
Faasino le vasega i le ata o i le laupapa o le fasi fualaau aina suamalie fou o loo siomia e fualaau aina ua pala.
E mafai faapefea e le malamalama i nei upumoni e uiga i o tatou tino ona fesoasoani tatou te tumau mama ai pe a siomia i tatou e le amioleaga?
Molimau atu e uiga i upumoni sa outou talanoaina. Valaaulia le vasega e mafaufau i uunaiga po o musumusuga atonu na latou maua i le taimi o le lesona ma faatino na uunaiga.
Faamatala i le vasega ua tofu i latou ma se meaalofa faaleagaga e le itiiti ifo ma le tasi mai le Tama Faalelagi. Valaaulia i latou e suesue le isi iunite ma vaavaai pe o a nisi o meaalofa faaleagaga ua tuuina mai e le Tama Faalelagi i Ana fanau. Tau i ai na aoao mai e le Aposetolo o Paulo tusa lava pe na te foai atu ana mea uma e fafaga ai e matitiva ma avatu foi lona tino ia susunuina ae afai e le o ia te ia le meaalofa faaleagaga faapitoa e tasi, o ia lava o se mea noa. Valaaulia le vasega e mafaufau pe o a meaalofa ua tuuina atu ia i latou.