Sa faaauau ona auauna atu le Faaola i Kalilaia, lea na Ia valoia ai Lona maliu ma le Toetu. Ina ua tuua Kalilaia, sa malaga atu Iesu i Ierusalema e faamaea Lana misiona i le olaga nei. I Samaria, na mananao Iakopo ma Ioane e aumaia se afi mai le lagi e faaumatia ai se nuu o Samaria sa latou teena Iesu, peitai sa Ia aoao atu i Ona soo na sau o Ia e faaola tagata, ae le faaumatia. Sa aoao atu foi e Iesu le avea ai ma soo moni.
Ua faia e le Faaola vavega, ua aoao atu e faaaoga ai faataoto, ma malaga atu i Ierusalema
Tusi tulaga nei i le laupapa, pe tusi i ni fasipepa eseese ia tulaga taitasi. Valaaulia ni tagata se toatolu e faitauina leotele.
Ina ua e fai atu ma le faaaloalo i lou tuagane e fesoasoani ia te oe i le tapenaina o le gaogaosa, sa ia tali faasa’ea atu e te tago oe e fai.
A o fuafuaina se gaoioiga a le aoga, sa faitio nisi o le vasega ma talie atu i se manatu sa e faasoa atu.
A o e faasoa atu le talalelei i se uo, ua ia fai atu e ese a ou talitonuga.
O a ni ou lagona i tulaga taitasi nei? E faapefea ona e tali atu i ai?
Valaaulia le vasega e vaavaai mo upumoni a o latou suesue i aoaoga a le Faaola i le Luka 8–9ia e mafai ona taialaina i latou pe a latou lagona le le fiafia i taga po o upu a isi.
Valaaulia se tagata e faitau leotele aotelega o mataupu o leLuka 8–9 Fai atu i le vasega e mulimuli i le faitauga, ma vaavaai mo mea na tutupu o loo tusia i nei mataupu. Faamatala ona sa latou suesue auiliiliina nei mea i lesona i le Mataio ma le Mareko, o le lesona lenei o le a taulai atu i leLuka 9:51–62.
Valaaulia se tagata e faitau leotele le Luka 9:51, ma fai i le vasega e vaavaai mo le nofoaga sa tonu i le Faaola e alu i ai. Faamatala o le fasifuaitau “siitia ai” e faasino i le taimi e Afio Ae ai le Faaola i le lagi.
O fea na tonu i le Faaola e alu i ai?
Faamatala o le faia o se mea ma le mausali o lona uiga ia faia i se ala naunautai pe le femoumouai. I se taimi muamua atu, sa valoia ai e le Faaola i Ona soo o le a faalataina o Ia, faatigainaina, ma faasatauroina i Ierusalema (tagai Mataio 20:17–19; Luka 9:44).
O le a se mea o faailoa mai i le naunau o le Faaola e alu i Ierusalema e uiga i nei luitau e uiga i Lona tagata?
Ta’u i ai a o malaga atu i Ierusalema, sa oo atu Iesu ma Ona soo i se nuu o Samaria. Valaaulia ni nai tagata e feauauai e faitau leotele mai le Luka 9:52–54, ma fai i le vasega e vaavaai mo mea na fai e tagata Samaria ina ua latou iloa sa mananao Iesu ma Ona soo e ulu atu i le nuu.
O le a se mea na fai e Samaria ina ua latou iloa e mananao Iesu ma Ona soo e ulu atu i lo latou nuu?
Na faapefea ona tali atu Iakopo ma Ioane i le agaleaga o tagata Samaria ma le teenaina o le Faaola?
E faapefea e tagata i ona po nei ona soona tali atu i faatiga ma le faatausuai mai o isi? (Faasino i tulaga mai le amataga o le lesona, ma fai i le vasega e mafaufau i ni auala e soona tali atu ai se tasi i nei tulaga.)
Valaaulia se tamaitiiti e faitau leotele le Luka 9:55–56. Fai i le vasega e mulimuli i le faitauga, ma vaavaai mo le tali a le Faaola ia Iakopo ma Ioane. Valaaulia tagata e lipoti mai mea ua latou mauaina.
Faamatala ina ua fetalai le Faaola, “E le iloa e oulua le uiga o oulua loto”(fuaiupu 55), sa Ia faapea atu o le talosaga a Iakopo ma Ioane e le ogatusa ma le Agaga o le Atua ae ua ogatusa ma le agaga o Satani, o le e gaepuina le ita i loto o tagata (tagai3 Nifae 11:29–30).
Na ese faapefea le tali atu a le Faaola i le tetee o tagata Samaria ma le tali a Iakopo ma Ioane?
O le a se upumoni e mafai ona tatou aoao mai i le faataitaiga a le Faaola e mafai ona taialaina ai i tatou pe a tatou fetaiai ma faatiga? (Faaaoga upu a le vasega, tusi i le laupapa se upumoni e pei o lenei: Tatou te mulimuli i le faataitaiga a le Faaola pe a tatou filifili e tali atu i faatiga ma le onosai ma le faapalepale.
Valaaulia le vasega e toe mafaufau i tulaga mai le amataga o le lesona.
O le a le tulaga matautia e ono i ai i le filifili e tiga lou loto i nei tulaga taitasi?
I tulaga taitasi, e mafai faapefea ona tatou mulimuli i le faataitaiga a le Faaola?
E mafai faapefea ona faamanuiaina i tatou pe a tatou filifili e tali atu i faatiga i le onosai ma le faapalepale?
Fai i le vasega e toe mafaufau i se taimi na latou filifili ai e le fiafia i ni upu ma faatinoga a se tasi. Fautuaina i latou e mulimuli i le faataitaiga a le Faaola e ala i le filifili e tali atu i faatiga i le onosai ma le faapalepale.
Valaaulia se tasi e sau i luma o le vasega, ma tuu atu ia te ia ni mea faitino laiti se 20 i le 30 (pei o ni mapu). Faatonu le tagata aoga e faitau lemu ia mea faitino. A o faia e ia, fai i le vasega e vaai pe mafai ona latou faaseseina le faitauga i le faalavelave atu i ai. Ia mautinoa e le amio valea i a latou taumafaiga e faalavelave i le tagata lea. Faatonu e nonofo i lalo, ma lapataia i latou e aua nei tau’aia ni mea pe pa’i atu i le tagata o loo faitauina.
E tutusa faapefea le faitauina o nei mea a o faalavelaveina i le taumafai e mulimuli ia Iesu Keriso?
Faafetai i le tagata sa faitauina mea faitino, ma fai i ai e nofo i lalo. A o suesue pea le vasega i leLuka 9, valaaulia i latou e mafaufau pe mafai faapefea ona latou faatoilaloina ia faatosinaga ia e ono faalavelaveina ai pe taofia i tatou mai le mulimuli i le Faaola.
Valaaulia se tamaitiiti e faitau leotele le Luka 9:57. Fai i le vasega e mulimuli ai, ma vaavaai po o le a le mea na fai atu ai le tagata ia Iesu a o malaga atu o Ia ma Ona soo i Ierusalema.
O le a le mea na ta’u atu e lenei tagata i le Faaola ua naunau e fai?
Tusi ia le fuaitau lenei i luga o le laupapa: Ina ia aveao se soo moni o Iesu Keriso, …
Valaaulia se tagata e faitau leotele le Luka 9:58ma fai i le vasega e vaavaai mo le tali a le Faaola i le tagata sa manao e mulimuli atu ia te Ia. Valaaulia tagata e lipoti mai mea ua latou mauaina.
O le a le mea o ta’u mai e le fasifuaitau “o le Atalii o le Tagata e leai se mea e moe ai” e uiga i le soifuaga o le Faaola? (Sa feoai e le aunoa ia Iesu ma Ona soo. O la latou galuega sa lei lagolelei e lei faigofie foi.)
Valaaulia le vasega e faitau lemu le Luka 9:59–60ma vaavaai mo le tali a le tagata lona lua i le valaaulia a le Faaola e mulimuli atu ia te Ia.
O le a le mea na manao le tagata lenei e fai a o lei mulimuli atu i le Faaola?
O le a se mea o ta’u mai i le upumuai (fuaiupu 59) e uiga i lenei tagata?
Faamatala e le’i faapea mai Iesu e sese le faavauvau i se oti o se e pele pe avatu la tatou faaaloalo i se maliu (tagai MF&F 42:45). Ae, sa Ia aoao atu i lenei tagata se lesona taua e uiga i le avea ai ma soo.
O le a se mea e mafai ona tatou aoao mai i le tali a le Faaola o loo tusia i le fuaiupu 60e uiga i mea e faamuamua e se soo moni?
Valaaulia se tamaitiiti e faitau leotele le Luka 9:61–62. Fai i le vasega e mulimuli ai, ma vaavaai po o le a le mea na manao le tagata lona tolu e fai faatoa mulimuli atu ai lea i le Faaola.
O le a le mea na manao lenei tagata e fai a o lei mulimuli atu i le Faaola?
Na faapefea ona tali atu le Alii i lenei tagata?
Ina ia fesoasoani ia malamalama le vasega i le talafaatusa o le tago atu i le suotosina ma aua nei toe tepa i tua, valaaulia se tasi e faitau leotele le saunoaga lea a Peresitene Howard W. Hutner:
Ata
Peresitene Howard W. Hunter
“Ina ia eliina se autu [po o se alavai] e manaomia e le eli autu ona tulimatai lana vaai i se mea mautu i ona luma. O iina e tumau ai i se ala tonu. Ae, afai e toe tilotilo i tua e toe vaai pe o fea la sa i ai, o le a faateleina avanoa e se ese ai o ia. O taunuuga e pi’opi’o ma le tutusa. … Afai e le taulai atu lo tatou malosi i o tatou tua a o luma—i le ola e faavavau ma le olioli i le faaolataga—e mautinoa lava o le a tatou maua ” (“Pe o Au o se Tagata o ’Ola’ o le Ekalesia?” Ensign, Tes. 1987, 17).
E faapefea ona pei le avea o se soo o Iesu Keriso o le tuu o o tatou lima i se suotosina ma le toe tepa i tua?
O avea faapefea le Faaola ma faataitaiga o le mea sa Ia aoao mai o loo tusia i lefuaiupu 62? (“Sa matua faasaga atu o ia a o maliu atu i Ierusalema” Luka 9:51 e faamaea le misiona na tuu atu ia te Ia e le Tama Faalelagi, ma sa lei toe tepa o Ia i tua.)
Tagai i le faamatalaga e lei maea o loo i luga o le laupapa.
E fua i mea sa tatou aoaoina mai le Luka 9:57–62, e faapefea ona e aoteleina se upumoni na aoao mai e le Faaola e uiga i mea Na te manaomia mai Ona soo? (Atonu e faailoa mai e tagata aoga ni mataupu faavae eseese. A uma ona tali mai, faamaea le faamatalaga o i le laupapa ina ia aumaia ai le upumoni lenei: Ina ia avea ma soo moni o Iesu Keriso, e le tatau ona tatou faatagaina soo se mea e faamuamua i le mulimuli atu ia te ia.
Aisea tatou te tuu ai nisi faamuamua i nisi taimi i luga atu o o tatou tiutetauave o ni soo o Iesu Keriso?
Fai atu i se tagata o le vasega e faitau le saunoaga lenei mai ia Elder Richard G. Scott o le Korama a Aposetolo e Toasefululua:
Ata
Elder Richard G. Scott
“Ua ia Satani se meafaigaluega mamana e faaaoga faasaga i tagata lelei. O le faalavefau. O le a ia faia i tagata lelei e faatutumu olaga i ’mea lelei’ ina ia leai se avanoa mo mea e aupito sili ona taua” (“Faamuamua le mea e tatau ona Muamua,” Ensign, Me 2001, 7).
Ina ia fesoasoani e fuafua pe o a mea e mafai ona faalavefau ia i latou mai le mulimuli atoatoa atu ia Iesu Keriso, tusi le siatalea i le laupapa ma fai i le vasega e kopi i a latou api po o api talaaga mo le suesueina o tusitusiga paia.
O tiutetauave o se soo o Iesu Keriso
O isi faamuamua
Vaevae le vasega i ni paga. Fai i ai e galulue ma a latou paga e lisi i le siata ia tiutetauave o se soo moni o Iesu Keriso (ia e ono aofia ai le faamaoni, auauna atu i isi, faasoa atu o le talalelei, faia o galuega o talafaasolopito o aiga ma le malumalu, ma le tausia o se aiga). Mo tiutetauave taitasi o loo lisi i a latou siata, fai i ai e fai se lisi o faataitaiga o isi faamuamua e ono tuu e se tasi i luga atu o lena tiutetauave.
Valaaulia tagata e lipoti mai mea latou te maua.
Fautuaina le vasega e faasoa mai ni faataitaiga lelei o soo o Iesu Keriso i le fesili atu:
O anafea na e vaai ai i se tasi o filifili e faataatia ese isi sini po o faamuamua ina ia mulimuli ai i le Faaola?
Fai i le vasega e mafaufau po o a mea atonu latou te faatagaina e faamuamua i lo le mulimuli ia Iesu Keriso ma Ana aoaoga. Valaaulia i latou e tusi se sini i a latou api talaaga mo le suesueina o tusitusiga paia mo mea o le a latou faia e avea ai le Faaola ma Lana talalelei o se faamuamua e maualuga atu.
Atonu e te manao e faaiu le lesona i le valaaulia o le vasega e usu le viiga “Faaola e ia Ou Alofa” (Viiga, no. 150) po o se isi viiga e uiga i le mulimuli ia Iesu Keriso ma Ana aoaoga.
Tala ma Faamatalaga o Talaaga
Luka 8:1–3. Sa fesoasoani ni fafine faamaoni ma auauna atu i le Faaola.
O loo tusia e Luka a o femalagaai le Faaola ma Ana Aposetolo i Kalilaia, e aoao atu i “aai uma ma nuu uma” o le itulagi Luka 8:1, e toatele foi fafine sa malaga faatasi ma Ia. O nisi o nei fafine sa faamaloloina mai mafatiaga eseese; o isi atonu o ni faletua o Aposetolo. O nisi o nei fafine sa faaauau pea ona mulimuli ia Iesu e oo lava ile taimi o Lona maliu ma le Toetu (tagai Luka 23:27, 49; 24:10; Ioane 20:11–18).
O le tala a Luka i fafine sa malaga faatasi ma Iesu na faamamafa mai ai le manatu o le Faaola mo tagata uma, e aofia ai ma fafine—o e sa le ta’ualoaiaina i le sosaiete a Iutaia i le uluai-seneturi. O le faaaogaina o a latou mea sa iai, sa lagolagoina ai e nei fafine ia Iesu ma Ana auauna filifilia.
Sa faamautu mai e Peresitene Howard W. Hunter le manatu alofa o le Faaola i fafine uma ma sa talosagaina ai tamaitai o le Ekalesia i o tatou taimi ina ia tutu faatasi ma le Usoga i le faalauteleina o le galuega a le Alii:
“E mafanafana tele ia te outou tuafafine pele o lenei Ekalesia le manatua o le Iesu lava lea, lo tatou faaola e ala i le togiola, na faaalia lona alofa ma lona atuatuvale mo tuafafine uma o lona vaitaimi. Sa ia fiafia e fegalegaleai ma tamaitai ma sa iai ni ana uo pele ia i latou. …
“E mata e iai se mafuaaga e manatu ai e le popole faapea o ia mo tamaitai o aso nei? …
“E pei ona manaomia e le Faaola tamaitai i lona taimi mo se lima faamafanafana, o se taliga faalogo, o se loto talitonu, o se vaaaiga alofa, o se upu faamalosiau, faamaoni—e oo lava o lona itula faamaasiasi, tiga, ma le oti— e tatau i a i tatou, o ana auauna i soo se mea o le ekalesia, e tutu ma i tatou ma i le aveesea o le fili o loo foufou mai e faaumatia i tatou. E tatau ona tatou tutu faatasi ma le faatuatua ma le mausali i le faatuatua agai i numera tetele o tagata e ese o latou mafaufauga. Ua oo mai ia te au ua iai se manaomia o le faapotopotoina o tamaitai o le Ekalesia ia tutu atu mo le au usoga i le aveesea o le fili o loo siomia i tatou ma uunaia le galuega a le Faaola” (“Mo Tamaitai o le Ekalesia,” Ensign, Ian. 1993, 95–96).
Na faamalamalama e Elder Bruce R. McConkie o le Korama a Aposetolo e Toasefululua le mafuaaga atonu na mafua ai ona fesili ai Iakopo ma Ioane ia maua le mana e aumaia ai le afi mai le lagi e faaumatia ai Samaria.
“Na iloa e [Iakopo ma Ioane] o le Atua o Isaraelu—le Iesu lava e tasi lea o loo la tutu faatasi nei—na auina mai le afi mai le lagi i le upu a Elia e faaumatia fili o lena perofeta anamua. (2 Tupu 1.) Sa la iloaina foi o le Atua alofa mutimutivale lava lena o le a faaumatiaina i le afi e amioleaga i le Afio Mai Faalua. Mal. 4:1.) O le mea e tatau ona la aoaoina mo lo la’ua tisipenisione, i lalo o tuutuuga na i ai i lena taimi … , o le savali o le talalelei e tatau ona alu atu ma le alofa moni, onosai, faautauta, ma le faapalepale. …
“… E ui la te le o iloaina lona punavai, ae o i na faatosinaina ai Iakopo ma Ioane i le la talosaga e se agaga mai lalo ae le o se Agaga mai luga” (Doctrinal New Testament Commentary, 3 vols. [1965–73], 1:440).
Luka 9:54–56. Filifili e tali atu i faatiga i le onosai ma le faapalepale
Na aoao mai e Elder David A. Bednar o le Korama a Aposetolo e Toasefululua e faapea e mafai ona tatou filifili ia le tiga i upu ma faatinoga a isi:
“Ia talitonu e mafai e se tasi poo se mea onafaiai tatou ia le fiafia, ita, tiga, pe matua faaitiitia ai lo tatou faitalia ma faaliliuina ai i tatou i ni mea faitino ina ia galueaina ai. Peitai i le avea ai ma sui, ua iai ia te oe ma au le mana e galulue ai ma filifili pe faapefea ona tatou tali atu i se tulaga e le fiafia pe tiga ai. …
“O le Faaola o le faataitaiga aupito sili lea o le auala e tatau ona tatou tali atu ai i tulaga e ono oo mai ai le lototiga” (“E leai foi se mea e Tausuai ai i Latou,” Ensign or Liahona, Nov. 2006, 90).
Luka 9:60. “Tuu Pea Ia i E Ua Oti e Tanu i O Latou Tagata Oti”
Mo se malamalamaaga i le tali a le Faaola i le tagata na manao e tanu muamua lona tama a o lei mulimuli atu ia Keriso, tagai i le faamatalaga mo le Luka 9:59–60 i le Tusi lesona a le Tagata Aoga o le Feagaiga Fou ([Church Educational System manual, 2014], 158).
Luka 9:62. Mulimuli i le faataitaiga a le Faaola ae aua le tepa i tua
Na aoao mai Peresitene Dieter F. Uchtdorf o le avea ma soo o lona uiga o le mulimuli atoa atu i tulaga aao o le Faaola:
“O i latou ua ulu ifo i le vai o le papatisoga ma mauaina le meaalofa o le Agaga Paia ua tutu o latou vae i luga o le ala o le avea ma soo ma ua poloaiina ai e mulimuli mausali ma le faamaoni i tulagaaao o lo tatou Faaola” (“Saints for All Seasons,” Ensign po o le Liahona, Sept. 2013, 5).
Na aoao mai Elder Edward Dube o le Fitugafulu na tuuina mai e Iesu ia i tatou se faataitaiga o le uiga o le tago i le suotosina ma aua le tepa i tua:
“O lo tatou Faaola, o Iesu Keriso, o le Na te silasila mai le amataga e oo i le iuga, sa silafia lelei le auala o le a Ia savalia i Ketesemane ma Korokota ina ua Ia folafola mai, ’O le tago lona lima i le suotosina, ma tepa i tua, e le tatau ia i le malo o le Atua’ (Luka 9:62). I le silafaga a le Alii, e le o le tele o mea ua tatou faia po o nofoaga ua tatou o i ai ae o le tele naua o mea ua tatou loto e o i ai” (“Tagai i Luma ma Talitonu,” Ensign po o le Liahona, Nov. 2013, 17).