Tito

Folasaga

I le tusi a Paulo ia Tito, o se taitai o le ekalesia i le lotoifale i Kereta, sa apoapoai atu ai Paulo ia te ia e faaaoga mataupu tonu e aoao atu ai ma faasao isi. Sa fautuaina foi e Paulo ia Tito e aoao atu le Au Paia ia avea o ni faataitaiga amiotonu, ia i ai le faamoemoe i le faaolataga e ala i le Togiola a Iesu Keriso, ma ia tumau i le faia o galuega lelei. (Manatua: I le tapenapenaga mo lenei lesona, e ono fesoasoani le toeiloilo o mataupu faavae i le seektruth.lds.org.)

Fautuaga mo le Aoaoina Atu

Tito 1

Ua apoapoai atu Paulo ia Tito e faaaoga mataupu tonu e aoao atu ai ma faasao le Au Paia ma isi i Kereta.

Valaaulia le vasega e mafaufau i se taimi na latou faalogo ai i se tasi o tautala faasagatau i le Ekalesia ma ona aoaoga faavae.

O le a se ala talafeagai e puipuia ai le Ekalesia ma ona aoaoga faavae pe a tautala fasagatau se tasi i ai?

Valaaulia le vasega e vaavaai mo upumoni a o latou suesue i le tusi a Tito e mafai ona fesoasoani ia i latou e iloa ai le ala e puipui lelei ai le Ekalesia ma ona aoaoga faavae pe a tautala faasagatau i ai se tasi.

Valaaulia le vasega e sue le motu o Kereta i le Faafanua o le Tusi Paia, nu. 13, “O Malaga Faafaifeautalai a le Aposetolo o Paulo” Faamatala ina ua lata i le iuga o le soifua o Paulo, sa tusia e Paulo se tusi ia Tito, o le sa avea ma taitai o le Ekalesia i Kereta. Sa faaliliu mai Tito e Paulo i ni tausaga ua mavae, ma ina ua uma lona papatisoga sa galulue o ia ma Paulo i ni tofiga eseese. I lana tusi, sa faamalosiau atu Paulo ia Tito ma fautuaina o ia e uiga i lona valaauga.

Aotele le Tito 1:1–6i le faamatala atu faapea na molimau atu Paulo i le faamoemoe sa ia te ia mo le ola e faavavau ona o folafolaga a le Atua i lo tatou muai olaga. Sa faamatala foi e Paulo faapea sa ia auina atu Tito i le motu o Kereta e faatulaga le Ekalesia iina. O se tasi tiute o Tito o le valaauina o alii e auauna atu o ni epikopo.

Valaaulia le vasega e faitau lemu le Tito 1:7–8 ma vaavaai mo uiga e tatau ona i ai i se epikopo. Atonu e te manao e fautuaina tamaiti e maka mea latou te mauaina.

E tusa ai ma nei fuaiupu, o a uiga e tatau ona i ai i se epikopo? (Atonu e manaomia ona e faamatala atu o le lotomaaa o lona uiga o le faaulu malo po o le faasausili ma o le “tupe inosia” e faasino i tupe e maua mai i le le faamaoni po o auala amioletonu.)
Aisea e te manatu ai ua tatau i epikopo ona maua nei uiga?

Valaaulia se tagata o le vasega e faitau leotele le Tito 1:9 Fai atu i le vasega e mulimuli i le faitauga, ma vaavaai mo se isi uiga e tatau ona i ai i epikopo. Faamatala o “mataupu tonu” e faasino i aoaoga faavae moni.

O le a se isi uiga e tatau ona i ai i epikopo?
O le a sou manatu i le uiga o le “pipii mau” i le afioga a le Atua?
E tusa ai ma le fuaiupu 9, aisea e taua ai mo epikopo ona pipiimau i le afioga a le Atua? (Ina ia mafai ona faaaoga aoaoga faavae moni e faamalosiau ai i isi ia ola i le talalelei ma teena “gainsayers.” O se gainsayer o se tasi e tautala faasaga i se manatu pe faafitia se manatu [i le tulaga lea, o le moni o le talalelei]. O gainasayers e mafai ona o tagata o le Ekalesia ma tagata e le auai i le ekalesia.)
O le a le mea e mafai ona tatou faia, pei o epikopo, e taofimau ai i le afioga a le Atua? (E ono faaaoga e tamaiti aoga isi upu, ae ia mautinoa latou te faailoa mai lenei mataupu faavae: A o tatou taofimau i le afioga a le Atua, o le a mafai ona tatou faaaogaina aoaoga faavae moni e faamalosiau ai i isi e ola i le talalelei a Iesu Keriso ma tetee ma taumamao ai ia i latou o e tetee i ai. Tusi le mataupu faavae lenei i luga o le laupapa.)

Valaaulia se tagata o le vasega e faitau leotele mai le saunoaga lenei mai ia Peresitene Boyd K. Packer o le Korama a Aposetolo e Toasefululua. Fai i le vasega e faalogologo mo le mana o i ai i le aoaoga faavae moni e fesoasoani ai i tagata e ola i le talalelei a Iesu Keriso.

“O aoaoga faavae moni, e malamalama i ai, e suia ai uiga ma amioga.

“O le suesue i mataupu o le talalelei e vave ona faaleleia ai le amio nai lo le suesue i ala e faalelei ai le amio. … O le ala lea ua matou faamamafa ai le suesue i aoaoga faavae o le talalelei” (“Fanau Iti,” Liahona, Ian. 1987, 18).

E tusa ai ma Peresitene Packer, aisea e taua tele ai le suesue ma aoao i aoaoga faavae moni?

Vavae le vasega i ni vaega taitoalua pe taitoatolu. Valaaulia vaega taitasi e galulue faatasi e tali ia fesili nei ma tusi a latou tali ia latou api o le vasega po o api talaaga mo le suesueina o tusitusiga paia. Mafaufau e tusi fesili i le laupapa.

O le a se mea e mafai ona tatou faia e aoao atu ai aoaoga faavae moni ina ia mafai ai ona tatou faamalosiauina isi e ola i le talalelei? (Tagai Alema 17: 2–4.)
O a ni nai faataitaiga mai tusi paia o taimi ina ua aoao atu e se tasi se aoaoga faavae moni i se tagata sa faaalia le masalosalo po o le ita i le Ekalesia ma ona aoaoga faavae? (Faaaofia ai ia le itiiti ifo i le tasi le faataitaiga o se taimi na salamo ai se tasi ona sa aoao atu ia te ia aoaoga faavae moni.)
O anafea na fesoasoani ai le aoaoina o aoaoga faavae moni e faatalitonu ai oe po o se tasi e te iloa ina ia ola atili i le talalelei a Iesu Keriso?

A uma ua lava se taimi, valaaulia ni nai tagata aoga e lipoti mai a latou tali i le vasega. A uma ona lipoti mai, faamatala e ui e mafai e aoaoga faavae moni ona fesoasoani e faamalosiauina ai isi e ola i le talalelei ma teena ai i latou o e tetee i le Ekalesia, e le o tagata uma e talia le upumoni. Talu ai e i ai i tagata uma le faitalia, e mafai ona latou filifili e talia pe teena le aoaoga faavae moni a Iesu Keriso.

Valaaulia le vasega e mafaufau e uiga i fuaitau o mau tauloto sa latou aoaoina i lenei tausaga.

O le fea fuaitau o mau tauloto e mafai ona fesoasoani faapitoa e faamalosiau ai isi e ola i le talalelei?
O le fea fuaitau o mau tauloto e mafai ona fesoasoani e teena i latou o e tetee i le Ekalesia?

Fautuaina le vasega e faauau pea ona tauloto ia fuaitau o mau autu ina ia latou saunia ai e aoao atu aoaoga faavae moni i isi.

Aotele le Tito 1:10–16i le faamatala atu faapea na aoao atu e Paulo ia Tito e manaomia e epikopo ona faalagolago i aoaoga faavae moni aua e toatele le au taufaasese ma aoao pepelo o ia te i latou. Sa ia fautuaina ia Tito e aoai ia aoao pepelo ina ia latou lafoaia ai o latou sese ma “ia malolosi i le faatuatua”fuaiupu 13 Sa faamatala foi e Paulo o i latou o e faaleagaina ma ua fai mai latou te iloa le Atua ae ua faafitia o Ia e ala i a latou galuega.

Tito 2

Ua fautuaina e paulo ia Tito e aoao atu ia le Au Paia i Kereta e ola i aoaoga faavae moni

Valaaulia se tamaitiiti aoga e faitau leotele le Tito 2:1. Fai atu i le vasega e mulimuli i le faitauga, ma vaavaai po o a isi mea na faatonu e Paulo ia Tito e fai i aoaoga faavae moni.

O a isi mea na faatonu e Paulo ia Tito e fai i aoaoga faavae moni? (Aoao atu i le Au Paia i Kereta.)

Tusi upu nei i le laupapa: Alii, Tamaitai, Tamaitai Talavou, ma Alii Talavou.

Valaaulia ia tamaitai talavou i le vasega e faitau lemu le Tito 2:3–5, ma vaavaai mo le fautuaga a Paulo pe o le a le matutua e tatau ona i ai tamaitai ma le mea e tatau ona latou aoao atu i tamaitai talavou e laiti ifo. Valaaulia alii talavou e faitau lemu le Tito 2:2, 6–8, ma vaavaai mo le fautuaga a Paulo pe o le a le matua ma le laitiiti e tatau ona ola ai alii.

Manatua: Afai e tulai mai fesili e uiga i tamaitai e “usiusitai i a latou lava tane” (fuaiupu 5), e mafai ona e tagai i anomea i le lesona mo le Efeso 5–6.

E tusa ai ma Paulo, e faapefea ona tatau ona ola ia alii matutua? tamaitai matutua? tamaitai talavou? alii talavou? (Tusi tali a le vasega i le laupapa i lalo o le ulutala talafeagai, pe fai i tagata e o mai i le laupapa e tusia ai a latou tali. Atonu e manaomia lou fesoasoani i le vasega ia malamalama i uiga o nisi o upu. Mo se faataitaiga, sober o lona uiga o le toafimalie po o le faatauaina, temperate o lona uiga o le pulea o oe lava, ma le gravity o lona uiga ia tumu i le faaaloalo.)
O le a le uiga o le fasifuaitau “i mea uma e faailoa atu oe lava se mamanu o galuega lelei”? (fuaiupu 7). (Ia avea o se faataitaiga lelei o le ola ai i le talalelei.)
E faavae i le fautuaga a Paulo ia Tito, o le a le mea sa tatau ona fai e soo o Iesu Keriso? (E mafai ona faaaoga e tamaiti aoga isi upu, ae ia mautinoa latou te faailoa mai lenei upumoni: O soo o Iesu Keriso e tatau ona avea ma faataitaiga lelei i isi.

valaaulia le vasega e mafaufau i se tagata matua o la latou uarota po o le paranesi sa avea ma faataitaiga lelei o le ola i le talalelei ma tuuto i ai. Fai i ni nai tagata o le vasega e faasoa mai i se tagata sa latou mafaufau i ai ma faamatala mai pe sa faapefea ona fesoasoani le faataitaiga a lena tagata ia i latou.

Valaaulia le vasega e filifili se tasi o amioga o loo lisi i le laupapa ma faatu se sini e faaaoga lelei lena amio i o latou olaga ina ia mafai e la latou faataitaiga lelei ona faamanuia ai isi.

Aotele le Tito 2:9–10i le faamatala atu faapea na fautuaina e Paulo ia Tito e aoao ia tagata o le Ekalesia o e sa galulue o ni auauna ia faamaoni ma malilie gofie ia latou fegalegaleaiga ma o latou matai. O le faamaoni ma le malilie gofie, o le a faamamaluina ai nei tagata o le Ekalesia le Alii ma faatuina se faataitaiga lelei mo o latou matai.

Valaaulia se tamaitiiti aoga e faitau leotele le Tito 2:11–15. Fai i le tagata lea e faitau foi le Faaliliuga a Iosefa Samita, Tito 2:11 (i le Tito 2:11, vaefaamatalaga e). Fai i le vasega e mulimuli ai, ma vaavaai mo mea e mafai ona fai e le alofatunoa o le Atua mo tagata uma ma le mea na faia e Keriso mo i tatou uma.

O le a le mea ua mafai ona fai e le alofatunoa o le Atua mo tagata uma?
E tusa ai ma le fuaiupu 12, o le a le mea e tatau ona fai e le Au Paia ia maua ai le alofatunoa o le Atua?
O le a lea mea o tatou aoao mai aoaoga a Paulo i le fuaiupu 14e uiga i le mea na faia e Iesu Keriso mo i tatou? (E tatau i tamaiti aoga ona faailoa mai se upumoni e pei o lenei: Na ofo atu e Iesu Keriso o Ia lava mo i tatou ina ia mafai e Ia ona togiola i tatou ma faamama i tatou. Fuafua e valaaulia le vasega e maka ia fasifuaitau i le fuaiupu 14 o loo aoao atu ai lenei upumoni.)

Tau i ai o “se nuu tulaga ese” (fuaiupu 14) e faasino i le nuu faapelepele o le Alii, lea na Ia faatauina pe togiolaina (tagai 1 Peteru 1:18–19; 2:9) ma o e na osifeagaiga e tausi Ana poloaiga (tagaiEsoto 19:5–6).

Tito 3

Ua tau atu e Paulo ia Tito mea e tatau i le Au Paia i Kereta ona faia ina ua uma ona e papatiso

Aotele le Tito 3:1–2i le faamatala atu faapea na fautuaina e Paulo ia Tito e aoao atu ia le Au Paia i Kereta ia usitai i le tulafono o le laueleele ma ia agamalu ma ia le gaoia i a latou sootaga uma ma isi.

Valaaulia ni tamaiti aoga e feauauai i le faitauina leotele o le Tito 3:3–8. Fai i le vasega e mulimuli ai, ma vaavaai mo mea na taua e Paulo e uiga i le ala na suia ai e le talalelei a Iesu Keriso o ia ma le Au Paia i Kereta.

E tusa ai ma le fuaiupu 3, na faapefea ona faamatala e Paulo ia lava ma isi tagata o le Ekalesia ae latou te lei aoaoina e uiga i le talalelei a Iesu Keriso?
E tusa ma le fuaiupu 5–6, o le a le mea na suia ai tagata?
E tusa ai ma le fuaiupu 7, o le a le mea e tupu ona o se suiga e aumaia i le alofatunoa o Iesu Keriso?

Fai atu i tamaiti aoga e mafaufau loloto pe na faapefea ona suia i latou e ala i le talalelei a Iesu Keriso.

E tusa ai ma le fuaiupu 8, o le a le mea na fautua atu Paulo i le Au Paia e fai pe a uma ona suia ma papatisoina?

Aotele le Tito 3:9–15i le faamatala atu faapea sa fautuaina e Paulo le Au Paia e aloese mai le fefinauai ma tagata valea. Sa talosagaina foi e Paulo ia Tito e sau e asiasi i Maketonia.

Faaiu i le moilmau atu e uiga i upumoni na talanoaina i lenei lesona.

Tala ma Faamatalaga o Talaaga

Tito 1–3. O Risosi mo faapogai o le talanoaina o fesili faigata

“E le masani pe e le manaomia mo tamaiti aoga o le talalelei ona i ai ni fesili e uiga i aoaoga faavae o le Ekalesia, talafaasolopito, po o tulaga i mataupu lautele. Na faailoa mai e Peresitene Dieter F. Uchtdorf o le Au Peresitene Sili, “O se mea masani le i ai o fesili. … O loo i ai ni nai tagata o le Ekalesia o e, po o le a lava le taimi, e lei tauivi lava ma ni fesili matuia pe maaleale” (“Sau, Auai Faatasi ma i Matou,” Ensign po o leLiahona, Nov. 2013, 23). O le mea lea, e taua ai mo faiaoga ona aoao pe faapefea ona tali sao atu i fesili a tamaiti aoga. Na aoao mai Elder Paul V. Johnson o le Fitugafulu, ‘O lo tatou taulimaina o tamaiti aoga o i ai masalosaloga e mafai ona taua i le auala e latou te filifili ai e tali atu ai’ (‘A Pattern for Learning Spiritual Things’ [Seminaries and Institutes of Religion satellite broadcast, Aug. 7, 2012]). Pe a mulimuli faiaoga i aoaoga o le faalogo, molimau atu, valaaulia, ma le toe tulitatao, e sili atu ona latou fesoasoani i tagata aoga e faatumauina le faatuatua ma saili tali i a latou fesili” (seektruth.lds.org).

Tito 2:1–12. O le aoga o “mataupu e ola ai”

Na aoao mai e Elder Dallin H. Oaks o le Korama a Aposetolo e Toasefululua, e uiga i le taua o le aoao atu o aoaoga faavae o le talalelei:

“O mataupu faavae ma aoaoga faavae e aoai faalelei e sili atu lona faatosinaga malosi i amioga nai lo tulafono. A tatou aoaoina mataupu faavae ma aoaoga faavae o le talalelei, o le a mafai ona agavaa i tatou mo le molimau ma le taitaiga o le Agaga e faamalosia ai a tatou aoaoga” (“Aoaoga o le Talalelei,” Ensign, Nov. 1999, 79).