Potutusi
Lesona 81: Galuega 1:1–8

Lesona 81

Galuega 1:1–8

Folasaga

Ina ua mavae Lona Toetu, sa auauna atu Iesu Keriso i Ana Aposetolo mo aso e 40. Sa ia saunia i latou e avea ma molimau ia te Ia i le lalolagi uma.

Fautuaga mo le Aoaoina Atu

Galuega 1:1–8

Ua auauna atu Iesu i Ona so’o mo aso e 40

Valaaulia le vasega e mafaufau e faapea na alu atu se uo mai se isi lotu ma fai atu e manao e iloa atilli e uiga i la tatou Ekalesia ma fesili, “O ai e taitaia la outou ekalesia?”

Fai i tagata o le vasega e tusi a latou tali i le fesili lenei i a latou api o le vasega po o api talaaga mo le suesueina o tusitusiga paia.

Valaaulia le vasega e vaavaai mo se upumoni a o latou suesue i le Galuega 1:1–8lea e mafai ona fesoasoani e tali ai le fesili po o ai e taitaia le Ekalesia.

Valaaulia le vasega e sue i le tusi o Galuega ma faailoa mai le ulutala atoa o le tusi lea. Fai atu i tamaiti aoga e lipoti mai mea ua latou mauaina.

  • E fua i le faaulutala atoa, o le a sou manatu o le a le mea e mafai ona tatou aoao mai e uiga i lenei tusi?

Faamatala o le tusi o Galuega ua faailoga ai se suiga maoae i le Feagaiga Fou. O tusi a Mataio, Mareko, Luka, ma Ioane o loo aumaia ai tala i le galuega a le Faaola i le olaga nei, e aofia ai le Togiola ma le Toetu. O le tusi o Galuega o loo faamatala mai ai le galuega a Aposetolo ina ua mavae le afio ae o le Faaola i le lagi.

Valaaulia se tamaitiiti aoga e faitau leotele le Galuega 1:1–2. Fai i le vasega e mulimuli ai, ma vaavaai po o ai na tusia i ai lenei tusi.

  • O ai na tusia i ai le tusi o Galuega?

Faamatala o Luka o le tusitala o le tusi o Galuega ma o le “muai tala” o loo ta’ua i le fuaiupu 1i le tusi a Luka, o loo tusia foi ia Teofilo. O le faamoemoega o Luka na tusia ai o le fesoasoani lea ia Teofilo ia maua lana lava molimau ia Iesu Keriso (tagai Luka 1:1–4).

Valaaulia se tamaitiiti aoga e faitau leotele le Galuega 1:2–4. Fai i le vasega e mulimuli ai, ma vaavaai pe o le a le umi na talai ai Iesu Keriso i Ana Aposetolo ina ua mavae Lona Toetu. (Atonu e te manao e faamatala o le fuaiupu 3, “tiga” e faasino i le taulaga togiola a le Faaola, ma “faailoga faamaoni” e faasino i le faamaoniga e le mafaafitia na tuuina mai e Iesu na toetu mai o Ia.)

  • O le a le umi na faatasi ai Iesu Keriso ma Ana Aposetolo ina ua mavae Lona toetu?

  • O a mea na aoao atu e Iesu ia i latou i nei aso e 40? (O mea e faatatau i le malo o le Atua.)

Amata ona tusitusi se atatusi faaauivi faigofie o se fale i le laupapa. (Pe e mafai foi ona e fauina se ata laitiiti o se fale e faaaoga ai ni poloka po o se kelei.)

atatusi faaauivi, luma ma autafa o le fale

A lata ina uma, valaaulia se tagata e sau i le laupapa e faauma le ata mo oe. Tuu atu i le tagata ni faatonuga patino lelei pe faapefea ona faauma le fale. E mafai ona e fai atu ia te ia e faaopoopo le taualuga, ni nai faamalama, ma se laufanua. A uma sina taimi puupuu e galulue faatasi ai, ona e see lea i le isi itu o le potu ma faaauau ai pea ona avatu faatonuga i le tagata lea. A uma le fale, faafetai i le tagata, ma fai i ai e alu e nofo i lalo.

Fai i le vasega e mafaufau e faapea o le atatusi o le fale e faatusa i le malo o le Atua i le lalolagi, o le Ekalesia lea a Iesu Keriso.

  • E mafai faapefea ona faapupula mai i le metotia o le tusia o lenei fale le ala na faavae ai e Iesu Keriso Lana Ekalesia i le taimi o Lana galuega i le olaga nei ina ua mavae Lona Toetu? (I le taimi o Lana galuega i le olaga nei, na amata e le Faaola ona faavae Lana Ekalesia. Sa Ia valaauina isi e fesoasoani ia te Ia e faavae, ma ina ua mavae Lona Toetu, sa Ia faatonutonuina a latou taumafaiga e ui lava ina sa lei toe i ai o Ia ma i latou i le tino.)

  • E tusa ai ma le fuaiupu 2, e faapefea e Iesu Keriso ona taitai Lana Ekalesia? I le faaaogaina o upu a tagata o le vasega, tusi le upumoni lenei i luga o le laupapa: E taitai e Iesu Keriso Lana Ekalesia e ala i le faaali mai o Lona finagalo i Ana Aposetolo e ala mai i le Agaga Paia.

Fai atu i se tamaitiiti aoga e faitau leotele le saunoaga lenei a Elder Jeffrey R. Holland o le Korama a Aposetolo e Toasefululua:

Elder Jeffrey R. Holland

“Mai le fuaiupu muamua [o le tusi o Galuega], o le tautinoga e faapea o le a faaauau pea ona taitaiafaalelagi i le Ekalesia, ae le i la le tino. … E moni, o se faaulutala e sili ona atoa mo le tusi o Galuega e mafai ona talafeauga ma se mea faapea ’O Galuega a le Keriso Toetu e Galue e ala i le Agaga Paia i Olaga ma Galuega a Ana Aposetolo Faauuina.’ …

“O le taitaiga o le Ekalesia e tutusa lava. O le mea ua afio ai nei le Faaola ua suia, ae o le faatonutonuina ma le taitaiga ole Ekalesia e tutusa lelei lava” “O Le Mea Lea, E A La?” [Church Educational System conference on the New Testament, Aug. 8, 2000], 6, si.lds.org).

  • Aisea e taua ai le iloa o loo faaauau pea ona taitai e Iesu Keriso Lana Ekalesia e ala i faaaliga i ona po nei?

Valaaulia le vasega e mafaufau i aafiaga ua faamalolosia ai a latou molimau e faapea o loo taitaia e Iesu Keriso Lana Ekalesia i ona po nei e ala i faaaliga. Valaaulia ni nai tamaiti aoga e faasoa mai ni o latou aafiaga. Atonu e te manao foi e faasoa se aafiaga.

Fai atu i nai tamaiti e feauauai i le faitauina leotele o le Galuega 1:4–8. Fai atu i le vasega e mulimuli i le faitauga, ma vaavaai po o a mea na poloai Iesu i le Au Aposetolo e fai.

  • E tusa ai ma le fuaiupu 4, o le a le mea na poloai Iesu i le Au Aposetolo e fai?

  • E tusa ai ma le fuaiupu 5,o le a le mea na folafola atu e le Faaola i le Au Aposetolo o le a latou maua pe afai e nonofo ai pea i Ierusalema?

  • E tusa ai ma lefuaiupu 8, o le a le mea o le a avatu e le Agaga Paia i Aposetolo le mana e fai ai?

  • O le a se mea e mafai ona tatou aoao mai e uiga i Aposetolo mai i mea na aoao mai e le Faaola i lefuaiupu 8? (E ono faaaoga e le vasega ni upu eseese, ae ia mautinoa latou te faailoa maia le upumoni lea: O Aposetolo o molimau a Iesu Keriso ma e molimau ia te Ia i le lalolagi atoa.

Ina ia fesoasoani i tamaiti aoga ia malamalama i lenei upumoni, fai i se tagata e faitau leotele le saunoaga lenei a Peresitene Gordon B.Hinckley:

Peresitene Gordon B. Hinckley

“I lo tatou vaitaimi, ua tofia e le Alii ni molimau faapitoa e 15 e tautino atu Lona Paia i le lalolagi atoa. E tulaga ese lo latou valaauga; o i latou o Aposetolo a le Alii o Iesu Keriso, ua filifilia ma tofia e Ia. Ua poloaiina i latou e molimau atu e moni o loo soifua o Ia, e ala i le mana ma le pule paia faa-aposetolo ua tuuina atu ia tei latou.” (“O Molimau Faapitoa ia Keriso,” Liahona, Apr. 2001, 4).

Tusi le faamatalaga lenei e lei maea i luga o le laupapa: O loo tautino atu e Aposetolo o o tatou taimi e faapea o Iesu Keriso …

O Le Keriso Soifua

Afai e mafai, ia saunia se kopi o le “O Le Keriso Soifua: O Le Molimau a Aposetolo” (Ensign, Apr. 2000, 2) ma tagata taitasi o lau vasega. E mafai foi ona e fuafua e ave se kopi se tasi, ona otioti lea i ni vaega laiti, ma vaevae ia vaega i tamaiti. Fai i le vasega e faitau lemu le vaega, ma vaavaai pe mafai faapefea ona latou faamaeaina le faamatalaga o i le laupapa. A uma ona faitau e le vasega, fai i se tagata e sau i le laupapa ma avea o se failautusi. Valaaulia le vasega e lipoti mai mea sa latou maua, ae fai i le tagata o i le laupapa e lisi a latou tali i le laupapa.

  • O fea o nei tautinoga e sili ona taua ia te oe?

  • E faatosinaina faapefea lau lava molimau patino e le molimau a Aposetolo o ona po nei, po o le molimau ia Iesu Keriso?

Faamatala e ui o le Galuega 1:8 e faasino tonu i le matafaioi a Aposetolo o ni molimau faapitoa a le Faaola, ae o loo aoao mai ai foi i tatou e uiga i mea e mafai ona fesoasoani ia i tatou e avea ai o ni molimau a Iesu Keriso i le lalolagi uma.

  • E fua i le folafolaga a le Alii i Aposetolo i le Galuega 1:8, o le a le mea e mafai ai e i tatou ona avea ma molimau a Iesu Keriso? (E ono faaaoga e le vasega ni upu eseese, ae ia mautinoa latou te faailoa maia le upumoni lea: E ala i le mana o le Agaga Paia, e mafai ona avea i tatou ma molimau a Iesu Keriso.

  • O a ni auala e fesoasoani ai le Agaga Paia ia avea i tatou ma molimau a le Faaola?

Valaaulia le vasega e mafaufau i taimi na latou lagonaina ai le Agaga Paia a o faasoa mai e isi a latou molimau ia Iesu Keriso. A mavae ni nai minute, valaaulia ni nai tamaiti aoga e faasoa mai ni o latou aafiaga. Faamanatu i tagata o le vasega e le tatau ona latou faasoa maia ni aafiaga e paia tele pe le faalauaiteleina.

  • O anafea na e lagonaina ai le fesoasoani atu o le Agaga Paia ia te oe e tautino atu Iesu Keriso i isi?

Fautuaina le vasega e saili ni avanoa e faasoa atu ai a latou molimau i isi, ma ia talitonu o le a faamautu e le Agaga Paia le moni o mea latou te molimauina.

Galuega–Faaaliga

Vaaiga aoao i le afa lona lua o le Feagaiga Fou

Faamatala o le Galuega 1:8e le gata ina aoao mai ai upumoni ae o loo aumaia ai foi se vaaiga aoao o le afa mulimuli o le Feagaiga Fou.

  • E tusa ai ma le Galuega 1:8, o fea na valoia ai e le Faaola e faapea o le a molimau Ona so’o ia te Ia?

Tusi mea nei i luga o le laupapa: Galuega 1–5 = Ierusalema; Galuega 6–9 = Iutaia ma Samaria; Galuega 10–28 = tuluiga o le lalolagi (tagai Bible Dictionary, “Galuega a le Au Aposetolo”).

Faamatala na amata ona molimau atu le au so’o ia Iesu Keriso e pei ona faatonuina. Muamua, sa talai atu le au Aposetolo i Ieruslema, ona sosoo ai lea ma Iutaia ma Samaria, ona oo atu ai lea i tuluiga o le lalolagi.

Fai i le vasega e susue i le lisi o anotusi o le Tusi Paia. Valaaulia le vasega e vaavaai mo tusi o le Feagaiga Fou e sosoo ma le tusi o Galuega. Faamatala o tusi a Roma e oo i le Eperu o tusi (tusi na tusia) e le Aposetolo o Paulo. O le a aoao le vasega e uiga i le liuaina o Paulo ma lana galuega a o latou suesue i le Galuega 9, 13–28.

Fai i le vasega e sue le 1 Tesalonia. Faamatala o le Tesalonia o tagata sa nonofo i le aai o Tesalonia. Valaaulia le vasega e sue i le Faafanua o le Tusi Paia, nu. 13, “O Malaga Faafaifeautalai a le Aposetolo o Paulo,” ma faasino Tesalonia i le faafanua. Faamatala e tele tusi i le Feagaiga Fou na tusia i faapotopotoga a le Ekalesia i aai eseese e talanoaina ai o latou manaoga patino. Atonu foi e te manao e faamatala o tusi nei e le o faatulagaina i le faasologa o taimi i le Feagaiga Fou. O le tusi o Tesaloniae talitonu o le uluai tusi lea na tusia e Paulo.

Fai i le vasega e vaavaai i le lisi o anotusi ma faailoa mai nisi o tusi o loo tusia o ni tusi na tusi atu i faapotopotoga o le Au Paia.

Faamatala e faaopoopo i le tusi atu i faapotopotoga o le Au Paia, sa tusi atu foi Paulo i tagata taitasi e pei o Timoteo, Tito, ma Filemoni.

Fai i le vasega e vaavaai po o a tusi e sosoo ma le Eperui le lisi o anotusi.

Faamatala e le gata ia Paulo, ae na tusi atu foi isi Aposetolo ma taitai o le Ekalesia i tagata o le Ekalesia. O loo i ai lava nisi o nei tusi, o tusi a Iakopo e oo i le Iuta. O le tusi o Faaaliga o loo tusia ai se faaaliga na vaaia e le Aposetolo o Ioane.

Valaaulia le vasega e faaauau le faitaugao le afa lona lua o le Feagaiga Fou e i latou lava. Fautuaina i latou e tatalo a o latou suesue ina ia mafai ai e le Agaga Paia ona faamalamalamaina i latou ma fesoasoani ia latou maua ai se malamalama sili atu a o latou suesue i aoaoga a Aposetolo o le Feagaiga Fou.

Tala ma Faamatalaga o Talaaga

Galuega a le Au Aposetolo. O se vaaiga aoao

Na aoao mai e Elder Bruce R. McConkie o le Korama a Aposetolo e Toasefululua, le mea lenei e uiga i le tusi o Galuega:

“Ua faaalia e le Galuega le faatinoga a le Agaga Paia i le Ekalesia moni.

“I tusi Faa-tusi Paia o loo faatulaga muamua ai i le faamatalatalaina o le ala e faagaoioia ai le Ekalesia ma le malo o le Atua i le lalolagi ina ua le o toe nofomau Iesu le Tupu i le lalolagi. …

“Ua ta’u mai e le Galuega le ala na faateleina ai meaalofa faaleagaga seia oo ina fiafia ai le au aposetolo ma faapotopotoga a le au faatuatua. …

“… O le Galuega o loo faamatala mai ai mea moni e tusa ai ma le faapotopotoga a le ekalesia, malaga faafaifeautalai, ma le faasalalauina lautele o le upumoni i se lalolagi faapaupau. O loo ta’u mai ai sauaga, fetogia i maa, faamasinoga, ma tuuaiga na faafaupue i luga o i latou o e sa taulai atu o latou loto ia Keriso ma taumafai e faatoilalo le lalolagi. …

“Ae o le Galuega ua le na o se tusi o mea silisili faaleagaga; o se tala foi o tagata amiotonu ma a latou femisaaiga, o latou lotovale ma faasausili, o latou toilalo ma manuia.

“E le atoatoa le au paia o vaeluaga o taimi. Sa fefinauai Paulo ma Sila, faasa’o Peteru, ma teena ia Mareko o se soa faifeautalai. …

“O lea o le Galuega o se tusi mo tagata vaivai. O loo faaalia ai le maualuga faaleagaga e mafai ona latou a’ea– e ui i se le atoatoa, lotovale, ma le lotomaaa sa latou iai. …

“O le mea moni o loo tusia i le Galuega le ala e gaoioi ai le Agaga Paia i le Ekalesia moni; e moni o le tusi o loo ta’u mai ai le auala e faatonutonu ai e le Atua lona malo i le lalolagi” (Doctrinal New Testament Commentary, 3 vols. [1965–73], 2:19–20).

Galuega 1:2. E taitai e Iesu Keriso Lana Ekalesia

Na molimau mai Peresitene Gordon B. Hinckley e faapea e taitai e le Alii Lana Ekalesia—O Le Ekalesia a Iesu Keriso o le Au Paia o Aso e Gata Ai:

“Ia malamalama tagata uma o Iesu Keriso o loo tu i le ao o lenei ekalesia lea e tauaveina Lona suafa paia. O loo Ia leoleoina. O loo Ia taitaiina. O loo tu o Ia i le itu taumatau o Lona Tama, ma Ia taitaia lenei galuega” (“O Le Atua o Loo Tu i le Ao o Lenei Ekalesia,” Liahona,Iulai 1994, 72).

Galuega 1:4–8. Faatalitali mo le folafolaga o le Agaga Paia

O le folafolaga o le Agaga Paia lea na tuuina atu e le Alii i le Au Aposetolo e pei ona tusia i le Galuega 1:4–8 e ono foliga mai e fenumiai ma le Ioane 20:22, lea o loo faapea mai “ona manava atu lea [i Aposetolo], ma faapea atu ia te i latou, Talia le Agaga Paia.” Na faamalamalama mai e Elder Bruce R. McConkie o le Korama a Aposetolo e Toasefululua e faapea “na ’manava atu [Iesu] i o latou luga,’ lea atonu o lona uiga na ia tuu atu ona aao i o latou luga a o ia fetalai atu: ’Talia … le Agaga Paia’”(Tagai i le Bruce R. McConkie, Doctrinal New Testament Commentary, 3 vols. [1965–73], 1:857.)

Na faaaoga e Elder McConkie le aafiaga o Aposetolo e faapupula mai ai e iai le eseesega i le va o le faaee atu o le meaalofa o le Agaga Paia ma le olioli moni i lena meaalofa:

“O lea na latoutalia, ai ae lei olioli moni i latou i lena taimi i le meaalofa o le Agaga Paia. … O le meaalofa o le Agaga Paia o le aia tataue fua i le faamaoni, e maua ai le mafutaga faifai pea ma lenei sui o le Aigaatua; ma o lenei meaalofa e faaee atu e ala i le faaee atu o lima pe a uma le papatisoga. O lenei meaalofa e ofoina mai ai faamanuiaga faapitoa pe afai e gauai atoatoa atu ile tulafono e aofia ai; o tagata uma e faaee atu i ai le meaalofa e leoliolipe puleale meaalofa na ofo atu i ai. I le tulaga o aposetolo, o le olioli moni i le meaalofa sa faatuatuaai seia oo i le aso o le Penetekoso. Galuega 2.)” (Faamatalaga Faaleaoaoga Faavae o le Feagaiga Fou, 1:857).

Sa faamatala e Elder Dallin H.Oaks o le Korama a Aposetolo e Toasefululua le mafuaaga na ta’u atu ai i Aposetolo e faatali mo le mafutaga a le Agaga Paia a o lei faataunuuina e i latou le poloaiga e molimau atu ia Iesu Keriso i le lalolagi atoa:

“Sa lei lava se molimau tino. E oo lava i le mau ma le molimau a uluai Aposetolo sa tatau ona mauaa i le molimau a le Agaga Paia. Na ta’u mai e [Peresitene Iosefa Filitia Samita] ia i tatou e faapea o le molimau a le Agaga Paia e faia ai se mau i o tatou agaga lea e sili ona taua nai lo ‘se asiasiga a se agelu.’ (Iosefa Filitia Samita, Doctrines of Salvation, comp. Bruce R. McConkie, Salt Lake City: Bookcraft, 1954, 1:44.) Ma ua faaalia foi e le Tusi Paia a tatou molimau atu i faavae o lenei molimau, e molimau atu le Agaga Paia ia i latou o e faalogo i a tatou upu”(“Witnesses of Christ,” Ensign, Nov. 1990, 30).